Archive for अप्रील, 2013

चना चटपटे बेचेरै मदनले राम्रो आम्दानी गर्दै

सप्तरी, १७ वैशाख । नेपालमा बसेर राम्रो आम्दानी गर्न सकिदैन भनेर सप्तरीमा दिनहुँ युवाहरू विदेशीने क्रम बढ्दै गएको छ ।
तर यहाँ यस्ता पनि युवाहरू छन् जो दिनहुँ श्रम गरेर बर्सर्ेे लाखौँ रुपैयाँ आम्दानी गरी परिवारको लालनपालन गर्दै आएका छन् । यस्तै युवा मध्येका हुन् सप्तरीको शम्भुनाथ गाविस-३ निवासी मदन कुमार साह ।
साहले चना चटपटे बेचेरै ६ जनाको परिवार चलाउँदै आउनुभएको छ ।
सानै उमेरदेखि चना चटपटे बनाएर बेच्ने पेशा सुरु गर्नुभएका ३० वषर्ीय साहले अहिले सोही पेशाबाट परिवारको गुजारा चलाउनुको साथै दर्ुइ वटा छोरालाई निजी विद्यालयमा पढाउँदै आउनुभएको छ ।
उहाँ भन्नुहुन्छ, “कम पुँजीमा पनि राम्रो परिश्रम गर्न सके घरमै बसेर पनि राम्रो आम्दानी गर्न सकिने आफूले जीवनमा अनुभव गरेको छु ।”
बुवा चन्देश्वर साहसँगै १९ वर्षै उमेरदेखि चना चटपटे बेच्ने सुरु गरेका साहलेे सुरुमा गाउँमा पैदल हिँडेर चना चटपटे बेच्दै आउनुभएको थियो । आफैले व्यावसायिक रूपमा चना चटपटे बेचेर अहिले सम्ममा रु १० लाख भन्दा बढी पुँजी तयार गरिसकेको साह बताउनुहुन्छ ।
विगत ११ वर्षेखि चना चटपटे बेच्ने पेशा सुरु गर्नुभएका साह अहिले सो पेशा गरेर दैनिक ४०० देखि ७०० रुपैयाँसम्म कमाउने गरेको र त्यही कमाइबाट ६ जना परिवारलाई पाल्दै आएको बताउनुहुन्छ ।
चना चटपटे बेचेरै सदरमुकाम राजविराज नगरपालिका-२ चनौरा पडरियामा ६ धुर जग्गासमेत उहाँले खरिद गरिसक्नु भएको छ ।
पैदल हिँडेर व्यवसाय सुरु गर्नुभएका उहाँले चना चटपटे बेचेर मोटरसाइकल खरिद गरी व्यवसायीलाई निरन्तरता दिँदै आउनुभएको छ । (धेरै…)

अप्रील 30, 2013 at 8:30 अपराह्न टिप्पणी छोड्नुहोस्

घरमा चर्पी नहुँदा विद्यालय जान बन्चित

रुकुम- यहाँका एक गाविसका झन्डै ३० प्रतिशत विद्यार्थी शैक्षिकशत्र सुरु भएको आधाआधीसम्म पनि विद्यालय भर्ना हुन पाएका छैनन् ।
गाउँ विकास समितिले जन्मदर्ताको प्रमणपत्र उपलब्ध नगराएपछि विद्यार्थीहरू विद्यालय भर्ना हुनबाट वञ्चित भएका हुन् ।
विद्यालयले नयाँ भर्नाका लागि जन्मदर्ताको प्रमाणपत्र पेस गर्नुपर्ने नियमलाई अनिवार्य बनाएको छ भने गाउँ विकास समितिको कार्यालयले शौचालय नबनाइकन पञ्जिकरणसम्बन्धी कुनै पनि सेवा उपलब्ध नगराउने भएपछि घरमा शौचालय नभएका विद्यार्थीहरू समस्यामा परेका हुन् ।
विभिन्न वडाका र्घर्तीकाँडा, गर्ुतालगाउँ, कोटगाउँ, नार्जी, सोतिखोला, बसिगाउँ, बडाखोला, कुमाइगाउँलगायतका ठाउँमा बसोवास गर्ने विद्यार्थीहरूले घरमा शौचालय नभएकै कारण विद्यालय भर्ना हुन पाएका छ्रैनन् । (धेरै…)

अप्रील 30, 2013 at 8:27 अपराह्न टिप्पणी छोड्नुहोस्

भारतीय नागरिकको हराएको सामान फिर्ता

सोलुखुम्बु, १७ वैशाख । भारतीय नागरिकको हराएको सामान भेट्टाउने एक नेपालीले आज भेट्टाएको नगद सहितको सामान सम्बन्धित व्यक्तिलाई बुझाएका छन् ।
भारतीय नागरिक सुदन सु चिन्तमणि पानसेले बाटोमा हराएको नगद २१ हजार भारतीय रुपियाँ,सोनी क्यामरा,डेबिट तथा भिसा कार्ड,पेन ड्राइभ र्,पर्स र डायरी समेतको सामान भेट्ने लीला अन्जना खत्रीले बाटोमा भेटनुभएकेा थियो ।
अन्जनाका श्रीमान् इन्द्रहाङ लिम्बूखिमले आज लुक्लामा प्रहरीको अगुवाइमा स्थानीय बुद्धिजीवी, नागरिक समाजका प्रतिनिधि, इलाका प्रहरी कार्यालय तथा विमानस्थल सुरक्षा गार्डप्रमुख, पत्रकार लगायतको उपस्थितिमा निज भारतीय नागरिक पानसेलाई नगद र ती सामानहरु बुझाउनु भएको हो । (धेरै…)

अप्रील 30, 2013 at 5:45 अपराह्न टिप्पणी छोड्नुहोस्

पैसा ब्याजमा लाएर एक क्विन्टल सुन-चाँदी

विनोद भण्डारी

रंगेली (मोरङ), वैशाख १७ – सुन-चाँदीको अवैध कारोबार गरेको आरोपमा प्रहरीले एक व्यवसायीलाई सोमबार करिब एक क्विन्टल (सय किलो) सुन र चाँदीसहित पक्राउ गरेको छ । वाणिज्य विभाग, आन्तरिक राजस्व कार्यालयलगायत कुनै पनि आधिकारिक निकायको अनुमति नलिई रंगेली-४ स्थित आफ्नै घरमा वर्षौंदेखि सर्वसाधारणको सुन र चाँदी सयकडा तीन ब्याजमा धरौटी राखेर करोडौंको कारोबार गर्दै आएका पुनम अग्रवाललाई प्रहरीले पक्राउ गरेको हो ।

त्यसमा कति परिमाणमा सुन थियो भन्ने प्रहरीले खुलाउन चाहेन । इलाका प्रहरीका निरीक्षक माधवप्रसाद काफ्लेका अनुसार नेपाल र भारतका करिब ५ हजार ५ सय सर्वसाधारणको सुन र चाँदी सयकडा तीन रुपैयाँ ब्याजमा धरौटी राखेर रकम लगानी गरेको पाइएको छ । तर कारोबारमा संलग्न महावीर श्याम अग्रवाल प्रहरी सम्पर्क बाहिर रहेको उनले बताए । अग्रवाल परिवारले सर्वसाधारणको धरौटीमा राखेको सुन र चाँदी घरभन्दा बाहिर राख्ने वा भारततर्फ निकासी गर्ने तयारी गरेपछि स्थानीयले प्रहरीलाई सूचना गरेका थिए । स्रोतका अनुसार प्रहरी घटनास्थल पुग्दा करिब १५ केजी चाँदी सडकमा फ्यालिएको र करिब ८० केजी सुन र चाँदी घरबाट बरामद गरेको थियो । (धेरै…)

अप्रील 30, 2013 at 1:17 अपराह्न टिप्पणी छोड्नुहोस्

इराकमा हप्ता दिनमा २३० मारिए

बग्दाद, १६ वैशाख । इराकमा गत सात दिनयता भएका आक्रमणहरुमा कम्तीमा पनि २३० को हत्या भएको समाचार छ ।
प्राप्त समाचारअनुसार त्यहाँ गत हप्ताका लागि आहृवान गरिएको निर्वाचनको मुखमा आएर हत्या हिंसाका घटनामा वृद्धि भएको हो ।
ती घटनामा परी २३० जनाको ज्यान गइसकेको र अरु सयौँ नागरिक घाइते भएका समाचारमा जनाइएको छ ।
सोमबार पनि दक्षिणी इराकमा भएको हमलामा परी कम्तीमा पनि १६ जनाको ज्यान गएको बताइएको छ । ती मारिएका नागरिक सिया मुस्लिम समुदायका भएका पनि समाचारमा उल्लेख छ ।
गत मङ्गलबार उत्तरी इराकमा सिया र सुन्नी मुस्लिम समुदायका नागरिकका बीचमा भएका हिंसामा परी केही नागरिकको ज्यान गएपछि इराकभर हत्याको शृङ्खला सुरु भएको बताइएको छ । (धेरै…)

अप्रील 30, 2013 at 11:19 बिहान टिप्पणी छोड्नुहोस्

रेकर्ड नयाँ नयाँ, आखिर नेपाली त जातै महाराज

फुटवल हान्ने खेलाडीले मान्छे हानेपछि भन्ने शीर्षकमा अलि अस्तिनै मैले व्लग लेखे जस्तो लाग्छ । नेपालीको त जातै महाराज भने झै डान्गडुंग गर्न त कसले भेटने ? केही जात्रा भयो भने, दुई चार ट्वाँक लायो अनि सिंगौरी खेल्यो, अनि हानाहान गर्यो । मेच टेवुल भाँच्यो आहा कति मजा । जापानमा जुनसुकै कार्यक्रम गर्दा पनि लडाईं तथा झै झगडा नियन्त्रण समिति वनाउन आवश्यकै भैसक्यो । वामदेव गौतमका विचार झैं युवा रगत पेट्रोल भन्दा खतरा हुन्छ, जुन सानो झिल्को आगोमा पर्यो कि भ्यायो । त्यस्तै युवा रगतमा विजुली पानी मिसाए पछि त के कुरा गरौं र ! जव प्रेमरूपी पान्ग्राले गति लिन्छ, तव त्यहाँ कुनै निश्चित नियम हुँदैन भने जस्तो हुन्छ । ठोकठाक मन्त्रालय सम्वन्धी अन्य जानकारीहरू पछि विस्तारमा कुरा गरौंला । जापानका तोरी लाहुरेहरूको कुरा पनि अर्को भागमा नै तर अहिलेलाई भने सगरमाथातिरको ठोकठाक समाचार । (धेरै…)

अप्रील 29, 2013 at 11:20 अपराह्न टिप्पणी छोड्नुहोस्

टुप्पीमा झुंडीएर खोला तर्दा ज्यान गयो

मान्छेका अनेकौ सोखहरु हुने गर्छन, टुप्पी र जुँगाले गह्रौं बस्तु उठाएर गिनिज वर्ल्ड रेकर्ड राखिसकेका भारतीय नागरिकको हृदयघातका कारण मृत्यु भएको छ ।
टुप्पीको मद्दतले झुण्डिएर टिस्टा नदी तर्ने क्रममा गोर्खाल्यान्ड सिलिगुडीका ५० वर्षीय शैलेन्द्रनाथ रायको आइतबार मृत्यु भएको हो । टुप्पीमा झुन्डिएर करिव ४५ मिनेट अड्किएपछि अन्ततः उनको मृत्यु भएको प्रहरीले जनाएको छ । सो साहसिक कार्य अगाडी सुरक्क्षात्मक साबधानी नअपनाउदा उद्दार कार्य हुन नसेको प्रहरीको भनाई छ |

अप्रील 29, 2013 at 9:12 अपराह्न टिप्पणी छोड्नुहोस्

फराकिलो भो पोखराको सडक

कास्की, १६ वैशाख । पोखराका सडकपेटीमा बसेर व्यापार व्यवसाय गर्दै आएका साना व्यवसायीहरूले नगरपालिकाले तोकेको निश्चित ठाउँमा आफैँले टहरा बनाएर व्यवसाय सञ्चालन गर्न थालेका छन् ।
छरिएर रहेका साना व्यवसायीहरूले एकै ठाउँबाट व्यवसाय सञ्चालन गर्न थालेपछि यहाँको बजार व्यवस्थित देखिन थालेको छ भने सडकहरू फराकिला बनेका छन् । साना व्यवसायीले सञ्चालनमा ल्याएको बजारलाई व्यवस्थित गर्ने, यसको प्रचारप्रसार र सरसफाई गर्ने जिम्मासमेत पोखरा उपमहानगरपालिकाले लिएको छ ।
सडकपेटीमा व्यापार गर्न दिँदा पोखराको सुन्दरतामा आँच आउन थालेपछि नगरपालिकाले स्थानीय प्रशासनको सहयोगमा गत फागुनमा एक हजार २०० फुटपाथ व्यवसायीलाई सडकबाट हटाएको थियो । (धेरै…)

अप्रील 29, 2013 at 8:05 अपराह्न टिप्पणी छोड्नुहोस्

ल हेरौं लमजुङ्गे ठाडो भाका

चैत्रे दशैं मेला हेर्न नपाएको त कति भयो कति । ती दिनहरू, ती क्षणहरू अव सम्झनामा मात्रै रहेका छन् मेरा लागि । यदि समय र परिस्थितिले कुनै दिन साथ दिए भने अवश्य भेट हुँला नि फेरि चैते दशैंमा । 

यादहरू आउँछ ती दिनहरूको अनि यादहरू आउँछ यी गीतहरूको ः चैते दशैं बजारमा आउ नानी, चिनाजानी गरेर जाउलानी ।। यस्तै यस्तै । तर आज आउनुस् परदेश बाट भएपनि गाउँको ठाडो भाका सहितको चैते दशैं मेलाहेरौं ।

 

अप्रील 29, 2013 at 7:25 अपराह्न टिप्पणी छोड्नुहोस्

नमस्ते व्यान्डको शुभकामना कार्यक्रम सम्पन्न (भिडियो सहित)

टोकियो-नमस्ते व्याण्डले आफ्नो स्थापनाको २५ वर्ष प्रवेश गरेको उपलक्ष्यमा तथा नेपालीहरुको नयाँ वर्ष २०७० को अवसरमा नमस्ते व्याण्डका संस्थापक ईश्वर गुरुङ्गले आयोजना गरेको गीत संगीत सहितको शुभकामना आदानप्रदान कार्यक्रम भव्यरुपमा सम्पन्न भएको छ । नेपालका ख्यातीप्राप्त गायक राजेश पायल राईको साथमा टोकियोको आजिया योकोच्यो, सिन्जुकुमा सम्पन्न उक्त कार्यक्रममा जापानवासी नेपालीहरुको उल्लेख्य सहभागीता रहेको थियो ।
कार्यक्रममा ज्ञात अज्ञात दिवांगत स्रष्टाहरुको सम्झनामा एक मिनेट मौन धारणा गरिएको थियो भने नेपाली राष्ट्रिय गान सयौं फूलका थुङ्गा हामीका गायक राजेश पायल राईकै साथमा राष्ट्रिय गीत गाएर उदघाटन गरिएको थियो । (धेरै…)

अप्रील 29, 2013 at 6:24 अपराह्न टिप्पणी छोड्नुहोस्

आगलागीबाट रु १० लाख बराबरको क्षति

आगलागीबाट रु १० लाख बराबरको क्षति
गौशाला, १६ वैशाख । गएराति महोत्तरीको मझौरा बिसनपुर गाविस ९ गोबरौरामा भएको भीषण आगलागीबाट रु १० लाख मूल्य बराबरको क्षति भएको छ ।
गोबरौरा बस्ने देवकिसुन यादवको दुइकोठे खपरेली घरमा अचानक आगलागी हुँदा निजको घरभित्र रहेका नगद, सुनचाँदीका गरगहना, लत्ताकपडा, भाँडाकुँडा, खाद्यान्न वस्तु र घरसमेत जलेर रु पाँच लाख मूल्य बराबरको क्षति भएको प्रहरीले जनाएको छ ।
राति करिब ७ बजे चलेको तेज हावाहुरीको कारण सोही ठाउँ निवासी कोकवा यादवको दुइतल्ले काठको घरमा पनि आगलागी हुँदा निजको पनि घर र घरभित्रका नगद, गरगहना, भाँडाकुँडा, लत्ताकपडा, खाद्यवस्तु अन्नपात जलेर नष्ट हुँदा रु पाँच लाख बराबरको क्षति भएको छ ।
गोबरौराको दुइ घरमा भीषण आगलागी भएको बेला जिल्लाको जलेश्वर नगरपालिकाको कार्यालयमा रहेको बारुण यन्त्रलाई टेलिफोन गर्दा बारुण यन्त्र घटनास्थलमा नगएको गुनासो पीडितहरूले गरेका छन् । (धेरै…)

अप्रील 29, 2013 at 2:25 अपराह्न टिप्पणी छोड्नुहोस्

महिलाको पहलमा खानेपानी

भक्तपुर, १६ वैशाख । वर्षौदेखि खानेपानीको समस्या झेल्दै आएका भक्तपुर सिपाडोल गाविस गुन्चाटोलका महिलाहरुले आफनै पहलमा खानेपानी ल्याएका छन् ।
खानेपानीको समस्या समाधान गर्न यहाँका महिलाले ११ जनाको लालीगुराँस खानेपानी तथा सरसफाइ उपभोक्ता समिति गठन गरी ६०० मिटरमाथिको मुहानबाट पानी ल्याएपछि यहाँका २९ घरधुरीका ३०० भन्दा बढी स्थानीय बासिन्दा खानेपानी समस्याबाट मुक्त भएका छन् ।
समूहकी अध्यक्ष खड्गकुमार वज्रगाई टोलका महिलाहरुलाई सचेत गराएर टोलमाथि रहेको पानीको मूलबाट गाउँमा पानी ल्याएको बताउनुभयो ।
समूहकी सचिव रुपलक्ष्मी दुलालले महिलाहरुकै पहलमा लालीगुराँस उपभोक्ता समितिबाट ६२९ जनाले रु ३१६ हजार ३१२ बराबरको श्रमदान गरेका बताउनुभयो ।
आयोजनाका लागि वर्ल्ड भिजनबाट रु चार लाख ६१ हजारको सहयोगमा योजना सम्पन्न गरिएको उहाँले जानकारी दिनुभयो ।
वर्ल्ड भिजन इन्टरनेसनल भक्तपुर एडिपीको आर्थिक सहयोग र युवा क्रियाकलाप समाज भक्तपुरको प्राविधिक सहयोगमा गत मङ्सिरमा सुरु गरेको पानीको मुहानबाट पाइप राखेर टयाङ्की निर्माण गरेर यही वैशाखमा खानेपानी योजना सम्पन्न गरेका हुन् ।

अप्रील 29, 2013 at 2:17 अपराह्न टिप्पणी छोड्नुहोस्

राउटेले झण्डै ५० हजार बराबरको सहयोग लिएर फर्के

पर्वत-सहयोग संकलनका क्रममा शनिबार पर्वत आएका राउटे समुदायका व्यक्तिहरुले झण्डै ५० हजार बराबरको सहयोग लिएर बासस्थान फर्केका छन् ।
सहयोग माग्दै पर्वत आएका उनीहरुलाई सदरमुकामका विभिन्न विद्यालय सँगै जिल्ला प्रशासन कार्यालय, जिल्ला विकास समिति लगायत अन्य विभिन्न सरकारी कार्यालय तथा कर्मचारीहरुले सहयोग प्रदान गरेका थिए ।
सदरमुकाममा सञ्चालित नीजि विद्यालय सँगै शिवालय उच्च माविले राउटे र शिक्षक विद्यार्थी एवं अभिभावक बिच साक्षात्कार कार्यक्रम सञ्चालन गरिएको थियो । यसरी साक्षात्कार कार्यक्रम सँगै आइतबार विभिन्न विद्यालयका विद्यार्थीहरुले खाजा खान विद्यालयमा घरबाट लिएर गएको पैसा राउटेलाई सहयोग गरेका थिए । (धेरै…)

अप्रील 29, 2013 at 11:04 बिहान टिप्पणी छोड्नुहोस्

नमस्ते व्यान्डको कार्यक्रम

नमस्ते व्यान्डकको २५ औं वर्ष पार गरेको अवसरमा कार्यक्रम हुँदैछ । राजेश पायल राईको साथमा नमस्ते व्यान्डका संस्थापक ईश्वर गुरूंगले आयोजना गरेको कार्यक्रम भव्यरूपमा चलिरहेको छ । त्यही अवसरमा गायक राजेश पायल सँग खिचेको फोटो । अरू समाचार र भिडियोको लागि हेर्दै गर्नुहोला http://www.afnokura.wordpress.com धन्यवाद ।

20130429-001940.jpg

अप्रील 28, 2013 at 11:52 अपराह्न टिप्पणी छोड्नुहोस्

सञ्चालक/प्रिन्सिपललाई १ देखि १५ लाख रुपैयाँसम्म कमिसन

केटाकेटीलाई किताबको भारी

कलिला बालबालिकाको पढाइका लागि कितावको भारी जरुरी छ कि सिकाउने शैलीको ?

child-and-bagकलिला बालबालिकाको पढाइका लागि पुस्तकको भारी जरुरी छ कि सिकाउने शैलीको ? देशका अधिकांश निजी विद्यालयको प्रवृत्ति हेर्दा लाग्छ उनीहरू सिकाइको शैलीमा होइन, पुस्तकको भारीमा विश्वास गर्छन् । कमिसनका लागि उनीहरू कक्षा १ का विद्यार्थीलाई कम्तीमा १२ देखि १५ वटासम्म पाठ्यपुस्तक बेचेर नाफा खाइरहेका छन् ।
६ वर्ष उमेरका, पहिलोपल्ट विद्यालयको औपचारिक शिक्षामा प्रवेश गरेका विद्यार्थीलाई दिइने किताबको बोझको प्रभाव सीमित कमाइ भएका अभिभावकमा समेत पर्ने गरेको छ । निजी विद्यालयमा बर्सेनि पुस्तक बदलिन्छ । अघिल्लो वर्ष पढेको पुस्तक अर्को वर्ष काम लाग्दैन । ३५ वर्षदेखि शिक्षण पेसामा संलग्न ललितपुर माविका पि्रन्सिपल माधव सिटौला भन्छन्, ‘किताब धेरै राखेर/बोकाएर विद्यार्थीले धेरै सिक्छन् भन्ने भ्रम मात्रै हो, प्रमुख कुरा सिकाउने शैली हो ।’ उनले कमजोर शिक्षण शैली र प्रकाशकसितको लेनदेनका कारण निजी विद्यालयले पुस्तकको बोझ बढाएको बताए । ‘धेरै किताब राख्दा केही नगद कमाइएला, तर विद्यार्थीको सिकाइ बढ्नुको साटो पढाइको बोझले विद्यालयप्रतिको उनीहरूको रुचि घट्न सक्छ,’ उनले भने, ‘हामीले कक्षा १ का ९ किताबलाई घटाएर ४ वटामा झारेका छौं ।’

(धेरै…)

अप्रील 28, 2013 at 1:45 अपराह्न टिप्पणी छोड्नुहोस्

ढुकुटी धन्दाले कलाकारहरूको भागाभाग

आपासी वोलचाल वन्द, कोही विदेशतिर सुइकुच्चा

sirjanaकाठमाण्डौ-ढुकुटी खेल्ने र खेलाउने धन्दामा लोक गायिका सिर्जना विरही थापा पक्राउ परे लगत्तै ढुकुटीको धन्दामा संलग्न सम्पूर्ण कलाकारहरूको भागदौड शुरु भएको छ । लामै समयदेखि यसै धन्दामा संलग्न करीव एक दर्जन भन्दा बढी कलाकारहरुवीच अहिले खैलावैला मच्चिएको छ । कतिपय कलाकारहरु भने यसै धन्दामा करोडौं डुवाएपछि आफै लापत्ता भई  सम्पर्क विहीन भएका छन् । यी कलाकारहरुले आफ्ना साथीभाई तथा अन्य धनाढ्य व्यक्तिहरुलाई ढुकुटी खेलाउँदै आएको बुझिएको छ । ढुकुटी डुवेपछि कतिपय कलाकारहरुबीच वोलचाल नै वन्द भएको छ । सृजना विरही थापाले केही कालकारहरुको ढुकुटी रकम तिर्न कागजमा ल्याप्चे ठोके लगत्तै शुरु भएको भागाभागमा उनी पक्राउ परेपछि अन्य कलाकारहरु पनि त्रसित बनि भागाभाग गरिरहेका छन् ।
थापाजस्तै याम क्षेत्री, कर्ण चापागाइ , प्रजा जोशी, करण न्यौपाने, रामजी खाँड धेरै ढुकुटी कारोवार गर्ने कलाकारहरु मध्येका हुन् । लोक, आधुनिक र म्यूजिक भिडियोबाट नाम र दाम कमाएका कलाकारहरु अझै कमाउने लोभले गर्दा भागाभागको अवस्था सृजना भएको हो । थापाले आफ्नो ४० लाख रुपैयाँ तिर्न बसुन्धराको एउटा पार्टी प्यालेसमा कागज गराएपछि गीत संगीत क्षेत्रबाट नाम अनि दाम कमाएका कर्ण चापागाइ लापत्ता भएका छन् । पछिल्लो समयका चर्चित लोक गायक रामजी खाँडले गीत गाएर कमाएको करीव १५ लाख रुपैयाँ ढुकुटीमा झ्वाम पारेको श्रोतको दावी छ । घिन्ताङ्ग म्यूजिक कम्पनीका सञ्चालक करण न्यौपाने ५० लाख डुवाएपछि विदेशतिर हानिएका छन् ।

अप्रील 28, 2013 at 12:27 अपराह्न टिप्पणी छोड्नुहोस्

ल हेर्नुस् मर्ने र मार्ने वाहेक अरू केही छ त समाचार ?

मोटरसाइकल दुर्घटना प्राध्यापकको निधन
कावासोती -पूर्वपश्चिम राजमार्गअर्न्तर्गत नवलपरासीको कावासोती हाटबजार नजिकै शुक्रबार साँझ रोकिराखिएको ट्रकमा मोटरसाइल ठक्कर खाँदा मोटरसाइकलमा सवार मध्यविन्दु बहुमुखी क्याम्पसका अङ्गे्रजी विषयका प्राध्यापक सन्तोष न्यौपानेको निधन भएको छ ।
पूर्वबाट पश्चिमतर्फ जाँदै गरेको ना १७ प ८०५६ नम्बरको मोटरसाइकल सोही दिशातर्फ रोकिराखेको बा २ ख ९३७६ नम्बरको ट्रकमा पछाडिबाट छिर्दा मोटरसाइकलमा सवार प्रतिनगर घर भएका करिब ३० वर्षीय न्यौपानेको घटनास्थलमै मृत्यु भएको जिल्ला ट्राफिक प्रहरी कार्यालय नवलपरासीका ट्राफिक प्रहरी सहायक निरीक्षक प्रेम श्रेष्ठले बताउनुभयो ।
घाइतेको मृत्यु
राजविराज- पूर्वपश्चिम लोकमार्गअर्न्तर्गत सप्तरीको कल्याणपुर गाविसस्थित सडक खण्डमा शुक्रबार राति भएको दुर्घटनामा गम्भीर घाइते भएका एक युवकको आज बिहान मृत्यु भएको छ ।
दुर्घटनामा घाइते खोजपुर गाविस-६ का ४० वर्षीय घुरन मण्डलको उपचारका क्रममा आज बिहान ७ बजे विराटनगरस्थित न्युरो अस्पतालमा मृत्यु भएको जिल्ला प्रहरी कार्यालयले जनाएको छ । (धेरै…)

अप्रील 28, 2013 at 9:38 बिहान टिप्पणी छोड्नुहोस्

दक्षिण कोरियाली बाँकी कामदार केसोङ छोड्न थाले

south korea and north koreaसोल-उत्तर कोरियामा अवस्थित केसोङ औद्योगिक क्षेत्रमा रहेका दक्षिण कोरियाका बाँकी कामदार शनिबार त्यहाँबाट स्वदेश फर्कन लागेको स्थानीय आमसञ्चारले समाचार दिएका छन् । त्यहाँ रहेका चिनियाँ कामदारका साथै १२६ कामदारले शनिबार अपरान्ह उक्त औद्योगिक क्षेत्र छोडेका छन् । त्यसपछि बाँकी रहेका ५० कामदर पनि सोमबार त्यहाँबाट फर्कने बताइएको छ । दक्षिण कोरियाली सरकारले एक दिनअगाडि केसोङबाट आफ्ना कामदार फिर्ता लैजाने घोषणा गरेको थियो ।
दक्षिण कोरियाले केसोङ औद्योगिक क्षेत्रका विषयमा उत्तर कोरियासँग वार्ताका लागि समय सीमा तोकेको थियो र उत्तर कोरियाले उक्त सीमालाई अस्वीकार गरेको थियो । रासस/सिन्हृवा

अप्रील 28, 2013 at 9:21 बिहान टिप्पणी छोड्नुहोस्

जापानी प्रधानमन्त्री आबे गाडी दुर्घटनामा

Abeटोकियो-जापानी प्रधानमन्त्री सिन्जो आबे चढ्नुभएको सुविधासम्पन्न गाडी (लिमोजिन) शनिवार टोकियोमा पाँच गाडीसँगको दुर्घटनामा परेपनि उहाँलाई कुनै पनि चोट नलागेको जानकारी प्रहरीले दिएको छ ।
प्रधानमन्त्री आबेको गाडीलाई सुरक्षा दिएको अर्को गाडीका दुइ सुरक्षाकर्मीको अनुहारमा केही चोट लागेको महानगरपालिका प्रहरी विभागका प्रवक्ताले बताए ।
प्रहरीको गाडी अकस्मात रोकिँदा प्रधानमन्त्री आबेको गाडीले त्यसलाई ठक्कर दिएको थियो ।
प्रहरीका अन्य दुइ गाडी तथा पत्रकारहरू रहेको अर्को गाडी प्रधानमन्त्रीको गाडीसँग ठक्कर खाएको अधिकारीहरूले बताएका छन् । रासस/एएफपी

अप्रील 28, 2013 at 9:10 बिहान टिप्पणी छोड्नुहोस्

नमस्ते व्यान्डको सांगीतिक आन्दोलन शुरू

Ishor-Gurung-300x251

भोलि राजेश पायल राईले धमका मच्चाउने

टोकियो-नेपालको ख्यातीप्राप्त व्याण्ड नमस्ते व्याण्डका संस्थापक ईश्वर गुरुङले आफ्नो व्याण्ड “नमस्ते व्यान्ड” २५ औं वर्षमा प्रवेश गरेको उपलक्ष्यमा आयोजना गरेको गीत संगीत कार्यक्रममा नेपालका ख्यातीप्राप्त गायक राजेश पायल राईले धमकेदार प्रस्तुती दिने भएका छन् । भोलि अप्रिल २८ गते आईतवार वेलुकी ६ वजेवाट टोकियोको आजिया योकोच्यो, सिन्जुकुमा हुन गईरहेको जानकारी व्याण्डका संस्थापक ईश्वर गुरुङले वताउनुभयो । उहाँले भन्नुभयो-”यो २५ औं वर्ष प्रवेश गरेको अवसरमा शुरु गरिएको सांगीतिक आन्दोलनको थालनी हो ।” उहाँले यसपछि लगातार रुपमा देश तथा विदेशमा सांगीतिक कार्यक्रम गर्ने योजना रहेको बताउनुभयो । पहिलो (कास्टीङ्ग) शुरुवात स्वारुप जापानमा राजेश पायल राईको साथमा हुन लागेको उक्त कार्यक्रममा उपस्थितिको लागि हार्दिक अनुरोध पनि गर्नुभएको छ । त्यसो त गुरुंगले यसपछि लगातार रूपमा जापानको विभिन्न शहरहरुमा पनि सांगीतिक कार्यक्रमको आयोजना गर्ने कुराको जानकारी दिनुभयो । स्मरण रहोस ख्यातीप्राप्त व्यान्ड नमस्ते व्यान्डको स्थापना जापानमै भएको थियो । ***

अप्रील 27, 2013 at 11:22 अपराह्न टिप्पणी छोड्नुहोस्

८ करोड ७० लाख चिठ्ठा जित्ने पोखरेली अरे

dilliramपोखरा-दोहाको अन्तरराष्ट्रिय विमानस्थलको डयुटी फ्री पसलमा सामान खरीद गर्दा पाएको लक्की ड्रको चिठ्ठामा ८ करोड ७० लाख रुपैयाँ बराबरको चिठ्ठा जित्ने नेपाली नागरिक कास्की जिल्लाको निर्मल पोखरी ८ मासपाटनका भएको भन्ने समाचारहरू आएको छ । तर डिल्लीराम पराजुली र फेसबुकमा उनको पेजमा ठेगाना पोखरा लेखिएको आधारमा भनिएको हो कि झै पनि लाग्छ । अनि उसको काम गर्ने ठेगाना पनि कतार नै छ त्यसैले होला । तर उनका आफन्तहरूका अनुसार भनिएको छ ।  आफन्तहरुले ८ लाख भन्दा बढीको सो चिठ्ठा विजेता डिल्लीराम पराजुली मासवारका स्थायी वासिन्दा भएको बताएका हुन भनिएको छ ।  चिठ्ठा जितेपछि डिल्लीरामले घरमा श्रीमती, आमा लगायतका आफन्तहरुलाई फोन गरेर आफूले चिठ्ठ जितेको कुरा जानकारी गराएको बुझिन आएको छ- भनिएको छ ।  पराजुलीको परिवारले चिठ्ठा जितेको रकम हातमा नपरेसम्म वाहिर हल्ला गर्न नचाहेको कुरा उनकै आफन्तहरुले बताए रे ।

(धेरै…)

अप्रील 27, 2013 at 7:54 अपराह्न टिप्पणी छोड्नुहोस्

माटाका कोठी र भकारी लोप हुने अवस्थामा

बर्दिवास-महोत्तरी जिल्लाका गाउँबस्तीमा अब माटाका कोठी (भकारी) देखिन छाडेका छन् । चामल, गहुँ, चना, रहरलगायतका खाद्यान्न भण्डारण गर्न बनाइने माटाका कोठी अब गाउँघरमा देखिन छाडेका हुन् । अन्नपात भण्डारणका लागि घरघरमै बनाइने गरिएका माटाका कोठीका ठाउँमा अब प्लास्टिकका डोल, बाल्टिन र अन्य भाँडाको प्रयोग बढेपछि कोठी निर्माण हुन छाडेको हो । व्यक्तिको स्वामित्वमा जग्गाको क्षेत्रफल घट्दै आएपछि घरमा भित्रिने फसलको मात्रासमेत कम भएर कोठी बन्न छाडेको ग्रामीण किसान बताउँछन् । अब उत्पादित फसल प्लास्टिकका भाँडामै अटाउने भएपछि कोठी बन्ने र बनाउने क्रम सिद्घएिको पशुपतिनगर-४ की किसान पुकारी महतोको भनाइ छ । मिथिलाक्षेत्रमा खासगरी थारू महिलामा कलाकौशलको हिसाबले समेत माटाको कोठी निर्माण गर्ने कार्य पछिल्लो पुस्ताको अरुचिले अब निर्माण हुन छाडेको थारू कला, संस्कृतिका जानकार बताउँछन् । मिथिला क्षेत्रका थारूबस्तीमा माटाका कोठी बनाउने सीप वैवाहिक सम्बन्धका लागि कन्याको विशेष योग्यताकै रुपमा हेरिने गरेको विगत सम्झँदै प्राध्यापन पेसामा रहनुभएका हरिहरपुरहरिनमरी-९ का महेशकुमार चौधरीले पछिल्लो पुस्ताका थारू युवतीले कोठी निर्माणमा अरुचि देखाउन थालेपछि अब नयाँ कोठी बन्न छाडेको जानकारी दिनुभयो । लेसिलो माटामा भुस मिसाएर त्यसलाई मुछ्दै महिनौँ लगाएर बनाइने माटाका कोठी अब देख्न छाडिएको छ । एकदशक अघिसम्म बस्तीमा कैयौँ महिलाले एकसाथ आ-आफना घरमा बनाउने कोठी विगतमा कला प्रर्दशनीको समेत मौका हुने गरेको बूढापाकाहरु बताउँछन् । कस्ले कस्तो कोठी बनाउँदैछन्, त्यो हेर्न भीडभाड नै लाग्ने गरेको विगत सम्भFmदै बिजलपुरा-१ का समाजसेवी ६५ वर्षीय प्रमोदकुमार सिंहले बताउनुभयो ।  (धेरै…)

अप्रील 27, 2013 at 6:40 अपराह्न टिप्पणी छोड्नुहोस्

नवविवाहित जोडीलाई अस्थायी साधन’bout परामर्श

खलङ्गा – बैतडीको उत्तर पूर्वी हाट गाविसका बासिन्दा जो कसैले पनि अब बिहे गरेकै दिन स्थानीय स्वयम्सेविकासँग कम्तीमा पनि एक घन्टा अनिवार्य बसेर परिवार नियोजनका अस्थायी साधन’bout जानकारी लिनुपर्ने भएको छ । स्थानीय हाट स्वास्थ्यचौकीले गरेको निर्णयअनुसार विवाहित जोडीले परिवार नियोजनका साधन’bout अनिवार्य रुपमा परामर्श लिनैपर्ने व्यवस्था गरिएको हो । ‘घरपैसो साधन परिचय कार्यक्रम’ अर्न्तर्गत व्यवस्थित परिवार नियोजनका लागि यस्तो सल्लाह लिनुपर्ने निर्णय गरेको स्वास्थ्यचौकी प्रमुख विनोद कुँवरले जानकारी दिनुभयो । गाउँघरमा अझै पनि कम उमेरमा विवाह हुने र सानै उमेरमा गर्भाधारण भई आमा र बच्चाको स्वास्थ्य जोखिममा पर्ने हुँदा यस्तो निर्णय गरी कार्यान्वयनको अन्तिम चरणमा रहेको कुवँरले बताउनुभयो । घरपैसो साधन परिचय अभियान नाम दिइएको यस कार्यक्रम’bout महिला स्वयम्सेविकाहरुलाई तालिम दिइसकिएको र परिवार नियोजनका साधनसहितको पोस्टर छपाएर योजना कार्यान्वयनमा लैजाने हाट स्वास्थ्यचौकीले जनाएको छ । (धेरै…)

अप्रील 27, 2013 at 5:32 अपराह्न टिप्पणी छोड्नुहोस्

दुरा भाषाको प्रशिक्षण कक्षा शुरू

काठमाडौं- दुरा भाषाको सारक्षता बढाउने उद्देश्यले दुरा सेवा समाजले वैशाख १२ गतेदेखि “दुरा भाषाको प्रशिक्षक प्रशिक्षण कार्यक्रम” शीर्षकमा दुरा भाषाको कक्षा सञ्चालन गरेको छ ।
कार्यक्रमको उदघाटन सत्रमा प्रमुख अतिथिको आसनबाट बोल्दै भाषाविद प्रा.डा. माधव पोखरेलले दुरा भाषाको कक्षा सञ्चालन भएकोले दुरा भाषा फेरि अस्तित्वमा आउनसक्ने धारणा व्यक्त गर्नुभयो ।
उहाँले कार्यक्रमका सहभागीहरूलाई आग्रह गर्नुभयो, “यहाँ सिकेका कुरा जतिसक्दो धेरै मानिसलाई सिकाउनुहोस् ।”
कार्यक्रममा बोल्दै दुरा भाषाका खोजकर्ता मुक्तिनाथ घिमिरेले आफूले दुराबस्तीहरूबाट नै दुरा भाषा संकलन गरेको र अझै पनि दुरा भाषाका शब्दहरू पाउन सकिने बताउनुभयो । (धेरै…)

अप्रील 27, 2013 at 3:05 अपराह्न टिप्पणी छोड्नुहोस्

टेलिसेन्टर सेवा सञ्चालनपछि सेवाग्राही लाभान्वित

नेपालगन्ज-सूचना प्रविधिमा पनि ग्रामीण जनताको पहुँच बढाउने उद्देश्यले जिल्ला हुलाक कार्यालयले बाँके जिल्लाको चिसापानी, कोहलपुर, वागेश्वरी र राधापुर गाविसमा ‘टेलिसेन्टर’ सेवा सञ्चालन गर्दैआएको छ ।

टेलिसेन्टरबाट सर्वसाधारणलाई फोटोकपी, फ्याक्स, लेमिनेसन, इमेल-इन्टरनेट, स्कानिङ, वेभ-फोन सेवा र आधारभूत कम्प्युटर तालिम सहुलियत शुल्कमा उपलब्ध गराइएको छ । टेलिसेन्टर सेन्टर सेवा सञ्चालन भएपछि गाविस र त्यस ’roundका ग्रामीण जनताको सहर पुग्नुपर्ने बाध्यता समाप्त हुनाका साथै छिटो, छरितो सेवाको उपलब्धताले उनीहरुको श्रम र आर्थिक खर्चमा पनि बचत भएको छ । कार्यालय प्रमुख केशरजङ्ग माझीका अनुसार जिल्लामा हाल एक जिल्ला हुलाक, ११ इलाका हुलाक र ३५ अतिरिक्त हुलाक कार्यालय सञ्चालनमा छन् ।

सबै हुलाक कार्यालयमा १०३ दरबन्दीको व्यवस्था गरिएकामा ६५ जना मात्र कार्यरत रहनु र स्थानीय तहबाट हल्कारा र हुलाकी कर्मचारी नियुक्त गर्न नपाइने व्यवस्था भएकाले चिठ्ठीपत्र वितरण र डाँक ढुवानीमा समस्या आएको बताइएको छ ।एकातिर कर्मचारीको अभाव छ भने अर्कातर्फ जिल्ला हुलाक कार्यालयमा अहिले लोकसेवा आयोगका लागि शाखा अधिकृत, नायबसुब्बा र खरिदारको आवेदन दर्ता र स्वीकृतिको काम थपिँदा हुलाक सेवा थप प्रभावित भएको त्यहाँका कर्मचारी बताउँछन् ।

अप्रील 27, 2013 at 2:28 अपराह्न टिप्पणी छोड्नुहोस्

अपहरणमा परेको बालकको उद्धार

गौशाला– भारतको सीतामाढी जिल्लाअन्तरगत सुरसन्ड शहरबाट बिहीबार राति अपहरणमा परेका एक बालकलाई आज सकुशल उद्धार गरिएको छ ।

महोत्तरीको सीमासँगै जोडिएको सुरसन्ड पञ्चायतको वडा नम्बर १० बाट स्थानीय हरिवंश मुखियाको १० वर्षीय छोरा उदय मुखियालाई आज महोत्तरी प्रहरीले जिल्लाको अनकार गाविसबाट मुक्त गरेको प्रहरी नायव निरीक्षक विजय भण्डारीले बताउनुभयो ।

बालक मुखियालाई महोत्तरीकै भटौलिया गाविसका भोला साहले अपहरण गरी अनकारा-६ स्थित साथीको घरमा लुकाएर राखेको अवस्थामा प्रहरीले फेला पारेको हो ।

अपहरणकारीले छोरा भनेर साथी रामलाई जिम्मा दिएको र रामले बालकलाई घर ठेगाना सोध्दा फरक परेको र बालकले पनि आफू भारतीय भनेपछि रामले बालकलाई प्रहरी चौकी कट्टीकैयामा बुझाएका थिए ।

फरार अपहरणकारी साहको खोजी भइरहेको प्रहरीले जनाएको छ ।

अप्रील 27, 2013 at 2:04 अपराह्न टिप्पणी छोड्नुहोस्

बङ्गलादेशमा भवन भत्कदा मर्नेको सङ्ख्या तीनसय चार पुग्यो

बङ्गलादेशको गारमेन्ट कारखाना रहेको भवन भत्कँदा मर्ने व्यक्तिको सङ्ख्या तीनसय नाघेको छ र अझै पनि हजारौँ व्यक्ति आफ्ना हराएका नातेदार खोज्न दुर्घटना ’round रहेका छन् ।

सेनाका प्रवक्ता साहिनुल इस्लामले मर्नेको सङ्ख्या ३०४ पुगेको जानकारी दिए । उनले अप्रिल २४ मा उक्त भवन भत्केपछि त्यहाँबाट दुइ हजार ३०० व्यक्तिलाई उद्धार गरिएको बताए ।

अप्रील 27, 2013 at 12:09 अपराह्न टिप्पणी छोड्नुहोस्

उत्तर कोरियाले दक्षिणसँग वार्ता गर्न अस्वीकार गर्‍यो

सोल– केसोङ संयुक्त औद्योगिक क्षेत्र पुनः सञ्चालन गर्ने ’bout औपचारिक वार्ता आरम्भ गर्न दक्षिण कोरियाले राखेको प्रस्तावलाई उत्तर कोरियाले अस्वीकार गरेको समाचार योनहाप समाचार संस्थाले शुक्रबार दिएको छ । यसका लागि योनहापले उत्तर कोरियाको राष्ट्रिय प्रतिरक्षा आयोगलाई उद्धरण गरेको छ । सोलले बिहीबार उत्तर कोरियालाई केसोङ औद्योगिक क्षेत्रलाई पुनः सञ्चालन गर्ने’bout औपचारिक वार्ता गर्न स्वीकार गर्न २४ घण्टाको समय दिएको थियो र प्योङयाङले उक्त समयमा वार्ता गर्न अस्वीकार गरे महत्वपूर्ण पाइला लिने बताएको थियो । यस प्रकारको पाइला के हुने हो भन्ने कुरा दक्षिण कोरियाले स्पष्ट पारेको छैन । उत्तर कोरियाको प्रतिरक्षा आयोगले दक्षिण कोरियाले परिस्थिति अझै बिगारेमा आफूहरूले अन्तिम तथा निर्णायक उपाय लिने उल्लेख गरेको भनी योनहापको समाचारमा बताइएको छ । केसोङ औद्योगिक क्षेत्रमा दक्षिण कोरियाका १२३ उद्योग छन् र त्यहाँ ५३ हजार कामदारले काम गर्छन् । औद्योगिक क्षेत्र उत्तर कोरियाका सीमाभित्र रहेको छ र यसलाई दुइ कोरियाबीच विरलै देखिने सहयोगको उदाहरणको रूपमा लिइन्छ । प्योङयाङले त्यहाँ काम गर्ने आफ्ना सबै कामदारलाई अप्रिल ९ मा फिर्ता बोलाएको थियो । दक्षिण कोरियाली व्यापारिक संस्थाहरूले आफ्नो लगानीका लागि लड्ने बताएका छन् । केसोङ सन् २००४ मा स्थापना भएको हो । रासस/एएफपी

अप्रील 27, 2013 at 12:07 अपराह्न टिप्पणी छोड्नुहोस्

नेपालको छुर्पी अमेरिकाको कुकुरलाइ

काठमाडौं-नेपालमा बनेको छुर्पी अमेरिकाका कुकुरको लागि निर्यात हुन थालेको छ ।
अमेरिकीले इलाम र पाँचथरका सीमावर्ती क्षेत्रका उद्योगबाट बर्षेनी घरपालुवा कुकुरका लागि छुर्पी लैजाने गरेका छन् । पाँचथरको प्राङबुङ र मेमेङबाट कुकुरका लागि छुर्पी निर्यात हुँदै आएको छ ।
सन् २००६ मा प्राङबुङको भैंसेपोखरीमा खुलेको दुग्ध प्रशोधन उद्योगले उत्पादित छुर्पी अमेरिका पठाउँदै आएको छ । अमेरिकाबाट कुकुरको आहाराका लागि छुर्पी माग बढेपछि उद्योगले हाल प्राङबुङ र मेमेङमा १० वटाभन्दा बढी उद्योगका शाखा खोलिसकेको छ ।
छुर्पीको मूल्य अहिले प्रतिकिलो ५ सय रुपैयाँ पर्न थालेको छ ।

अप्रील 27, 2013 at 11:02 बिहान टिप्पणी छोड्नुहोस्

रोजगार सम्बन्धी सेमिनार आज हुँदै

टोकियो-जापानमा अध्ययनरत नेपाली विद्यार्थीहरुको समस्यालाई मध्यनजर गरी स्टुडियो म्याजिक वर्क्स कम्पनीले आज ११:३० बजेदेखि रोजगार सम्बन्धी सेमिनार शुरू हुँदैछ । सम्बन्धित विषयको विशेषज्ञ मार्फत जापानी भाषामा सन्चालन गरिने उक्त सेमिनारबाट जापानमा कलेज तथा प्राविधिक स्कुल (सेन्मोन गाक्को) अध्ययन पश्चात रोजगारीमा कसरी लाग्ने भन्ने विषयहरुको ज्ञान सहभागीहरुलाइ दिइनेछ । त्यसो त अहिले कलेज तथा स्कुलको पढाई सकेर जब हन्टिङ भिसा लिएर बसेकाहरुले पनि यस सेमिनारबाट फाइदा लिन सक्नेछन । सेमिनारमा नेपाली तथा अन्य विदेशी विद्यार्थीहरुलाई रोजगार दिन इच्छुक कम्पनीहरुको ’boutमा पनि जानकारी दिईनेछ । सेमिनार पश्चात व्यक्तिगत रुपमा सल्लाह तथा सुझाव लिन इच्छुकहरुको लागि छुट्टै समयको व्यवस्था पनि गरिएको छ । त्यसो त व्यक्तिगत सल्लाह र सुझाव लिन चाहनेहरुको संख्या बढी भएमा अन्य दिनमा पनि कम्पनीको कार्यालयमा आई सल्लाह सुझाव लिन सकिने कुरा जानकारी प्राप्त भएको छ ।

पहिलो पटक आयोजना गरिएको यस किसिमको सेमिनारलाई आगामी दिनहरुमा पनि निरन्तरता दिइने कुरा कम्पनीको तर्फबाट मोरिता हिकारुले बताउनुभयो । केही दिन अगाडिदेखि नै आजको सेमिनारको लागि  सहभागी हुन इच्छुक विद्यार्थीहरूबाट फारम  दर्ता आव्हान गरिएको थियो ।

ठेगानाः Ikegawa bldg. Aasagaya, Minami 3-34-16, Suginami-ku, Tokyo (166-0004)

अप्रील 27, 2013 at 10:43 बिहान टिप्पणी छोड्नुहोस्

गोरे वहादुर खपान्गीको अवस्था गम्भीर

image

अप्रील 27, 2013 at 8:53 बिहान टिप्पणी छोड्नुहोस्

कतारमा नेपालीलाई ८ करोडको चिठ्ठा

8 karod ko chittaकतार-कतारको दोहास्थित अन्तराष्ट्रिय बिमानस्थलको ड्युटी फ्रि पसलमा सामान खरीद गर्दा पाएको लक्की ड्रको चिठ्ठाले नेपाली नागरिक डिल्लीराम पराजुलीको भविष्य उज्जल बनाइदिएको छ । पराजुलीले करीव  ८ करोड ७० लाखरुपैयाँ बराबरको चिठ्ठा जितेका छन् । सामान किन्दा पाएको १९२२  नम्बरको चिठ्ठाले बिहीवार पराजुलीलाई १० लाख अमेरिकी डलर जिताएको हो । लक्की ड्रमार्फत छानिएको चिठ्ठामा यस प्रकारको रकम जित्ने पहिलो नेपाली भएको कतार ड्युटी फ्रिले जनाएको छ ।
कतार एयरवेजको प्रमुख कार्यकारी अधिकृत अकबर अल बकरले चिठ्ठाको बिजेता घोषणा गरेका थिए ।
कतार ड्युटी फ्रिले सन् २००६ देखि संचालन गरेको ‘वन मिलियन डलर र्‍याफल’ शरु गरेको थियो । यस्तो चिठ्ठा जित्ने पराजुली १२ औ ब्यक्ति हुन् ।
कतारको ड्युटी फ्रिलाई लक्षित गरी शुरू गरिएको यो चिठ्ठा किन्न ९ सय ५० रियाल खर्च गर्नुपर्छ । दोहा बिमानस्थलमा उत्रने,  त्यहाँ हुँदै अन्यत्र उड्ने र ट्रान्जिटमा बस्नेले पनि यस्तो चिठ्ठामा सहभागी हुन पाउँछन् ।
एकैपटक ८ करोड ७० लाख रुपैयाँको चिठ्ठा जितेर भाग्य चम्काउने पराजुलीका ’boutमा विस्तृत बिबरण भने खुलाइएको छैन । यसअघि यो चिठ्ठा ८ जना भारतीय, दुई जना अमेरिकी र एक फिलिपिनोले हात पारिसकेका छन् ।

अप्रील 26, 2013 at 8:19 अपराह्न टिप्पणी छोड्नुहोस्

“नमस्ते व्यान्ड”ले २५ औं वर्ष प्रवेश

Ishor-Gurung-300x251टोकियो-ख्यातीप्राप्त व्याण्ड नमस्ते व्याण्डका संस्थापक ईश्वर गुरुङले आफ्नो व्याण्ड “नमस्ते व्यान्ड” २५ औं वर्षमा प्रवेश गरेको उपलक्ष्यमा साथै नेपाली नयाँ वर्ष २०७० को अवसरमा गीत संगीत सहितको शुभकामना आदानप्रदान कार्यक्रमको आयोजना गर्ने भएको छ ।
नेपालका ख्यातीप्राप्त गायक राजेश पायल राईको साथमा टोकियोको आजिया योकोच्यो, सिन्जुकुमा यही अप्रिल २८ तारिक आइतवार ६ बजेदेखि सांगीतिक कार्यक्रमको आयोजना हुन गईरहेको जानकारी व्याण्डका संस्थापक ईश्वर गुरुङले  दिनुभयो । उहाँले भन्नुभयो-“यो २५ औं वर्ष प्रवेश गरेको अवसरमा शुरु गरिएको सांगीतिक आन्दोलनको थालनी हो ।” उहाँले यसपछि लगातार रुपमा देश तथा विदेशमा सांगीतिक कार्यक्रम गर्ने योजना रहेको बताउनुभयो । पहिलो (कास्टीङ्ग) शुरुवात स्वारुप जापानमा राजेश पायल राईको साथमा हुन लागेको कार्यक्रममा उपस्थितिको लागि हार्दिक अनुरोध पनि गर्नुभएको छ । साथै यसपछि लगातार रूपमा जापानको विभिन्न शहरहरुमा पनि सांगीतिक कार्यक्रमको आयोजना गरिने कुराको जानकारी गुरुङले दिनुभयो । स्मरण रहोस ख्यातीप्राप्त व्यान्ड नमस्ते व्यान्डको स्थापना जापानमै भएको थियो । ***

अप्रील 26, 2013 at 7:49 अपराह्न टिप्पणी छोड्नुहोस्

एनआरएन जापानद्वारा विभिन्न कार्यक्रममा सहभागीताको लागि अनुरोध

टोकियो-गैर आवासीय नेपाली संघ जापानले एक विज्ञप्ति प्रकाशित गरी विभिन्न तीनवटा विषयको सम्बन्धमा सार्वजनिक सूचना जारी गरेको छ । गैरअवासीय नेपाली संघ, जापानको प्रवक्ता शरदकुमार गौचनद्वारा हस्ताक्षरित विज्ञप्तिमा एनआरएनको एसिया प्रशान्त क्षेत्रीय भेलामा सहभागिको लागि अनुरोध गर्नुभएको छ । आउदो मे महिनाको १७ र १८ तारीकमा फिलिपिन्सको राजधानी मनिलामा हुन गईरहेको गैर-आवासीय नेपाली संघद्वारा आयोजित एशिया प्रशान्त क्षेत्रीय भेलामा सहभागि हुनको लागि एनआरएनका शुभचिन्तक तथा समस्त जापानबासी नेपालीहरुलाई सार्वजनिक अपिल तथा खुला निमन्त्रणा गरिएको छ । उक्त बैठकमा  भाग लिन एक सय अमेरिकन डलर प्रति ब्यक्ति शुल्क लाग्ने  ब्यहोरा समेत जनाईएको छ । बैठकमा भाग लिनको लागि अन एराईभल भिसा उपलब्ध हुने हुनाले बैठकमा सहभागि जनाउने महानुभावहरुले आफ्नो बिवरण एनआरएन जापानलाई दरखास्त दिनु हुन पनि अनुरोध गरिएको छ । उक्त बैठक मनिलाको Mandarin Oriental Hotel, Makati City मा हुने भएकोले हवाई टिकट बुकिङ्ग र होटल तर्जुमाको लागि आफ्नो अनुकुलता अनुसार आफैले मिलाउन सक्नुहुने ब्यहोरा समेत उल्लेख गरिएको छ । (धेरै…)

अप्रील 26, 2013 at 6:09 अपराह्न टिप्पणी छोड्नुहोस्

राउटेले भिटामिन खान मानेन

raute3सुर्खेत – सरकारले अभियानको रुपमा सञ्चालन गरेको भिटामिन ‘ए’ र जुकाको औषधि खुवाउने कार्यक्रममा फिरन्ते जीवन बिताउँदै आएका राउटे सहभागी भएनन् ।
उनीहरूले औषधि खानुलाई आफ्नो संस्कृतिविपरीत भएको भन्दै खान नमानेपछि जिल्ला स्वास्थ्य कार्यालयको टोली सदरमुकाम फिर्ता आएको छ ।
सरकारी नीतिअनुसार सुर्खेत जिल्ला स्वास्थ्य कार्यालयले वैशाख ६ र ७ गते राउटेहरू रहेको क्षेत्र सल्यानको कालिमाटीमा स्वास्थ्यकर्मीको टोली पठाएको थियो । उनीहरूले औषधि खान नमानेपछि टोली फिर्ता भएको सुर्खेतको धारापानीस्थित उपस्वास्थ्य चौकीका अहेव प्रेम खत्रीले बताए । (धेरै…)

अप्रील 26, 2013 at 5:54 अपराह्न टिप्पणी छोड्नुहोस्

२० लाख कमाउने लोभमा २३ लाख गुमाए

काठमाडौ – मोबाइलमा आएको एसएमएस पढेर धनी हुन खोजेका एक ब्यक्तिले राजधानीमा भएको सबैथोक गुमाएका छन् । २ बर्ष नर्वेमा बसेर कमाई गरि फर्किएका महाराजगञ्जका राजकुमार श्रेष्ठले २० लाख अमेरिकी डलरको चिठ्ठा परेको भन्ने एसएमएस पाएका उनले धेरै कमाउने लोभमा २३ लाख भन्दा बढि रुपैयाँ गुमाएका छन् । त्यसरी श्रेष्ठबाट उक्त रकम हत्याउने दुई जनालाई प्रहरीले पक्राउ गरेको छ ।
महानगरीय प्रहरी अपराध महाशाखाले त्यसरी झुट्टा आश्वासन दिएर पैसा थुत्ने एक नाइजेरियाली र एक नेपाली नागरिकलाई पक्राउ गरेको छ । नाइजेरियाली नागरिक फेमी ईमान्युवल अजवेदे र ललितपुर ईमाडोलका केदार खत्रीलाई पक्राउ गरेको छ । उनीहरुको वेब एसएमएस मार्फत श्रेष्ठको मोबाइलमा म्यासेज पठाई प्रलोभन दिएको प्रहरीको भनाई छ । (धेरै…)

अप्रील 26, 2013 at 1:10 अपराह्न टिप्पणी छोड्नुहोस्

नेपाली गीतसंगीतमा विदेशीको मोह

श्रीमानले घन्काउँछन् मादल, श्रीमतीले रेट्छिन सारङ्गी

नेपालीहरू अहिले विदेशी पहिरन र रहनसहनमा आकर्षित हुँदै गइरहेका छन् । वास्तवमा भन्ने हो भने त अहिलेका नयाँ पिँडी त विदेशी पहिरन र रहनसहनमा नै रमाउन चाहन्छन् । खानपान, लवाइखुवाइ मात्र नभएर वोलीचाली र रहनसहन नै उतैको मन पर्छ नयाँ युवा पिंढीलाइ । गीतसंगीत पनि हिन्दी अर्थात अंग्रेजी गीत नै गाउँदा आफ्नो उचाइ अग्लो भएको महसुस गर्दछन् । तर नेपाली गीतसंगीतमा विदेशीहरूको चासो दिनप्रतिदिन बढ्दै गइरहेको छ । यसै सन्दर्भमा एक जापानी जोडीसँग मैले केही दिन पहिले गरेको कुराकानी हेर्नुस् । श्रीमानले मादल घन्काउछन् त श्रीमतीले सारङ्गी रेटेर मनै आनन्द आउने गरी । कस्तो चासो होला नेपाली संगीतमा । यो हेर्दा त लाग्छ हाम्रो संस्कृति र गीतसंगीत पनि कम छैन । हेर्नुहेस्, जापानिजको यी दुइ जोडीले नेपाली मादल र सारङ्गीको तालमा कसरी गीत गाउँदछन् ।

अप्रील 26, 2013 at 11:37 बिहान टिप्पणी छोड्नुहोस्

गोरे वहादुर खपाङ्गी गम्भीर घाइते

gore bdrकाठमाडौं – पूर्व मन्त्री गोरेबहादुर खपाङ्गी मोटरसाइकलको ठक्करबाट गम्भीर घाइते हुनु भएको छ ।
उहाँलाई विहीवार दिउँसो काठमाडौंको राष्ट्रियसभा गृह नजिकै वा ५१ प ७३७३ नम्बरको मोटरसाइकलले ठक्कर दिएको ट्राफिक प्रहरीले जनाएको छ ।
दुर्घटनामा गम्भीर घाइते खपाङ्गीको वीर अस्पतालको आकस्मिक कक्षमा उपचार भइरहेको छ ।  उहाँको टाउकोमा चोट लागेको छ र अवस्था खतरामुक्त रहेको अस्पतालले जनाएको छ ।
उहाँ शाही शासनकालमा राष्ट्रिय जनमुक्ति पार्टीका तर्फबाट महिला, बाल-बालिका तथा समाज कल्याण मन्त्री नियुक्त हुनु भएको थियो ।

अप्रील 26, 2013 at 11:26 बिहान टिप्पणी छोड्नुहोस्

सुट वक्सिन्ग च्याम्पियन मोहन ड्रागनको जित (भिडियो सहित)

टोकियो-मार्शल आर्ट जापान, किक बक्सिङ्ग फेडरेशन च्याम्पियनसीप उपाधी हाँसिल गरिसकेका मोहन महर्जन “ड्रागन”ले अप्रिल २० तारिक भएको महत्वपूर्ण खेलमा विजय हाँसिल गरेका छन् । सेमी फाइनल इभेन्ट गेम टोकियो डोम कोराकुयन हलमा भएको उक्त खेलमा सुट बक्सिङ्ग जापानका च्याम्पियन सुजुकी आकिहिरोसँग भिडेका मोहनले पहिलो राउन्डमै प्रतिद्वान्दीलाई ढलाईदिएका थिए । ६५ केजी तौल समूह अन्तर्गत भएको सुजुकी आकिहिरोसँगको यो खेल भने मोहनको पहिलो खेल थियो । मोहनका अनुसार सुजुकी आकिहिरोले यस अघि नै ७ जना च्याम्पियनलाई जितिसकेका छन् । त्यसो त आकिहिरो मोहन भन्दा उमेरले पनि जवान छन् । (धेरै…)

अप्रील 26, 2013 at 11:02 बिहान टिप्पणी छोड्नुहोस्

सभासद्को घरमा नै चर्पी छैन

toiletकपिलवस्तु – सर्वसाधारणको घरमा त चर्पी नहुन सक्छ तर यहाँ एक सभासद्को घरमा नै शौचालय छैन ।
गत संविधानसभामा एमाओबादीका तर्फबाट सभासद् भएकी ईन्द्रमती यादबको ६ कोठे पक्की घर छ । तर  शौचालय छैन् ।
महराजगंज-ईमिलिया ग्राबेल सडकखण्ड अन्तर्गत हरिहरपुर -४ पचिगवामा रहेको घरमा यादब परिवारले चर्पी निर्माण गरेका छैनन । गाबिसलाई खुल्ला दिशामुक्त बनाउने अभियान अन्तर्गत गाउ स्तरिय खानेपानी, सरसफाई तथा स्वच्छता समितिका पदाधिकाले गाउमा अनुगमन गर्दा उनको घरमा शौचालय नरहेको पाइएको समिति सदस्य थानेश्वर घिमिरेले बताए । ठूलो चिटिक्क परेको पक्की घर छ, । घरमा शौचालय नदेखेपछि भेटेर बनाउन आग्रह गरेको गाबिस सचिब टिकाराम अर्यालले बताए ।
माईती हरिहरपुर ५ नौडिहबामा बस्दै आएकी उनी १ बर्ष देखि नया घरमा बस्दै आएकी छिन् । १ हजार १ सय ३६ घर रहेको गाबिसमा उनले मात्रै शौचालय बनाउने सुरसार गरेकी छैनन् ।

अप्रील 26, 2013 at 10:58 बिहान टिप्पणी छोड्नुहोस्

जापानमा नेपाली विद्यार्थीहरूको लागि रोजगार सम्बन्धी सेमिनार

टोकियो-जापानमा अध्ययनरत नेपाली विद्यार्थीहरुको समस्यालाई मध्यनजर गरी स्टुडियो म्याजिक वर्क्स कम्पनीले यही अप्रिलको २७ तारिक शनिवारका दिन रोजगार सम्बन्धी सेमिनार गर्ने भएको छ । सम्बन्धित विषयको विशेषज्ञ मार्फत जापानी भाषामा सन्चालन गरिने उक्त सेमिनारबाट जापानमा कलेज तथा प्राविधिक स्कुल (सेन्मोन गाक्को) अध्ययन पश्चात रोजगारीमा कसरी लाग्ने भन्ने विषयहरुको ज्ञान सहभागीहरुले लिन सक्नेछन् । त्यसो त अहिले कलेज तथा स्कुलको पढाई सकेर जब हन्टिङ भिसा लिएर बसेकाहरुले पनि यस सेमिनारबाट फाइदा लिन सक्नेछन । उक्त दिन नेपाली तथा अन्य विदेशी विद्यार्थीहरुलाई रोजगार दिन इच्छुक कम्पनीहरुको ’boutमा पनि जानकारी दिईनेछ । सेमिनार पश्चात व्यक्तिगत रुपमा सल्लाह तथा सुझाव लिन इच्छुकहरुको लागि छुट्टै समयको व्यवस्था पनि गरिएको छ । त्यसो त व्यक्तिगत सल्लाह र सुझाव लिन चाहनेहरुको संख्या बढी भएमा अन्य दिनमा पनि कम्पनीको कार्यालयमा आई सल्लाह सुझाव लिन सकिनेछ । (धेरै…)

अप्रील 12, 2013 at 7:56 अपराह्न टिप्पणी छोड्नुहोस्


iPhone on Sale

Calendar

अप्रील 2013
सो मं बु बि शु
1234567
891011121314
15161718192021
22232425262728
2930