“नमस्ते व्यान्ड”ले २५ औं वर्ष प्रवेश

टोकियो-ख्यातीप्राप्त व्याण्ड नमस्ते व्याण्डका संस्थापक ईश्वर गुरुङले आफ्नो व्याण्ड “नमस्ते व्यान्ड” २५ औं वर्षमा प्रवेश गरेको उपलक्ष्यमा साथै नेपाली नयाँ वर्ष २०७० को अवसरमा गीत संगीत सहितको शुभकामना आदानप्रदान कार्यक्रमको आयोजना गर्ने भएको छ ।
नेपालका ख्यातीप्राप्त गायक राजेश पायल राईको साथमा टोकियोको आजिया योकोच्यो, सिन्जुकुमा यही अप्रिल २८ तारिक आइतवार ६ बजेदेखि सांगीतिक कार्यक्रमको आयोजना हुन गईरहेको जानकारी व्याण्डका संस्थापक ईश्वर गुरुङले  दिनुभयो । उहाँले भन्नुभयो-“यो २५ औं वर्ष प्रवेश गरेको अवसरमा शुरु गरिएको सांगीतिक आन्दोलनको थालनी हो ।” उहाँले यसपछि लगातार रुपमा देश तथा विदेशमा सांगीतिक कार्यक्रम गर्ने योजना रहेको बताउनुभयो । पहिलो (कास्टीङ्ग) शुरुवात स्वारुप जापानमा राजेश पायल राईको साथमा हुन लागेको कार्यक्रममा उपस्थितिको लागि हार्दिक अनुरोध पनि गर्नुभएको छ । साथै यसपछि लगातार रूपमा जापानको विभिन्न शहरहरुमा पनि सांगीतिक कार्यक्रमको आयोजना गरिने कुराको जानकारी गुरुङले दिनुभयो । स्मरण रहोस ख्यातीप्राप्त व्यान्ड नमस्ते व्यान्डको स्थापना जापानमै भएको थियो । ***