सभासद्को घरमा नै चर्पी छैन

कपिलवस्तु – सर्वसाधारणको घरमा त चर्पी नहुन सक्छ तर यहाँ एक सभासद्को घरमा नै शौचालय छैन ।

गत संविधानसभामा एमाओबादीका तर्फबाट सभासद् भएकी ईन्द्रमती यादबको ६ कोठे पक्की घर छ । तर  शौचालय छैन् ।

महराजगंज-ईमिलिया ग्राबेल सडकखण्ड अन्तर्गत हरिहरपुर -४ पचिगवामा रहेको घरमा यादब परिवारले चर्पी निर्माण गरेका छैनन । गाबिसलाई खुल्ला दिशामुक्त बनाउने अभियान अन्तर्गत गाउ स्तरिय खानेपानी, सरसफाई तथा स्वच्छता समितिका पदाधिकाले गाउमा अनुगमन गर्दा उनको घरमा शौचालय नरहेको पाइएको समिति सदस्य थानेश्वर घिमिरेले बताए । ठूलो चिटिक्क परेको पक्की घर छ, । घरमा शौचालय नदेखेपछि भेटेर बनाउन आग्रह गरेको गाबिस सचिब टिकाराम अर्यालले बताए ।

माईती हरिहरपुर ५ नौडिहबामा बस्दै आएकी उनी १ बर्ष देखि नया घरमा बस्दै आएकी छिन् । १ हजार १ सय ३६ घर रहेको गाबिसमा उनले मात्रै शौचालय बनाउने सुरसार गरेकी छैनन् ।