Archive for मे, 2013

दुरा घाँटु

gatu-sareअहिले यतिखेर गाउँमा घाँटु नचाउने, केटाकेटीहरू जम्मा हुने, अल्लोपल्लो गाउँमा घाँटु हेर्न जाने कति रमाइलो हुन्थ्यो गाउँमा छँदा । अहिले ती सबै कुराहरू गुमाइराखेको छु । फोटो हेरेर भए पनि मन बुझाउँदैछु यो परदेशमा ।

मे 28, 2013 at 3:57 अपराह्न टिप्पणी छोड्नुहोस्

८० वर्षे म्युराले सगरमाथा चुमे

पाका आरोहीको कीर्तिमानी फिर्ता गर्न सफल

टोकियो-८० वर्षको उमेरमा सगरमाथा आरोहण गर्न गएका जापानी नागरिक यूइचिरो म्यूराले तेस्रोपटक सगरमाथाको चुचुरोमा पाइला टेकेका छन् । जापानी समय अनुसार मे २३ तारिक १२ बजेर १५ मिनेट जाँदा ८ हजार ८ सय ४८ को उचाइमा पुगेका हुन् ।
यस अघि पनि ७० वर्ष र ७५ वर्षको उमेरमा २ पटक सगरमाथाको आरोहण गरिसकेका म्यूराको यो पटकको सगरमाथा आरोहण तेस्रो पटक हो । यसअघि ७५ वर्षको म्यूराको कीर्तिमानी नेपाली नागरिक मीनवहादुर शेरचनले ७६ वर्षको उमेरमा सगरमाथा सफल आरोहण गरी तोडेका थिए । यो पटक सगरमाथाको सफल आरोहण गरेपछि सबैभन्दा पाका उमेरमा सगरमाथाको आरोहण गर्ने कीर्तिमानी म्यूराले फेरि आफ्नै पोल्टामा पारेका छन् । यसअघि सञ्चार माध्यमहरुसँग कुराकानीको क्रममा ८० वर्षको उमेरमा सगरमाथाको आरोहण गर्ने आफ्नो सपनालाई साकार पारेरै देखाउने कुरा बताएका थिए ।
स्मरणरहोस, युइचिरो मिउराका बुबा केइजो मिउरा जापानका प्रख्यात स्की खेलाडि थिए भने उनका ४३ वर्षीय छोरा गोता मिउरा पनि फ़्रि-स्टाईल स्की खेलाडिका साथै आरोही पनि हुन् ।

मे 23, 2013 at 2:16 अपराह्न टिप्पणी छोड्नुहोस्

गोविन्द मैनालीको १५ वर्ष जेल जीवनको कथाव्यथा

हत्याको अभियोगमा जापानी जेलमा १५ वर्षभन्दा बढी बसेका गोविन्द मैनालीको विषयमा धेरैलाई थाहा हुनुपर्छ। यो घटनाको अर्को पाटो भने धेरैलाई थाहा नहुनसक्छ। थाहा भएकाहरुले पनि सार्वजनिक गरेका थिएनन्। अहिले भने उनी स्वयं यसलाई खुलासा गर्दैछन्। पढ्नुस्, आखिर परिबन्दको यो शृङ्खलाको सुरुवात कसरी भएको थियो ।

हामी काम र कोठा सर्ने क्रममा १९९६ को नोवेम्बरदेखि खासिया बिल्डिङको ४०१ नम्बर कोठामा बस्न थालेका थियौं। यो बिल्डिङ् सिबुया शहरको सिनसेन स्टेशन छेउमा थियो। यतिबेला अर्को एउटा संयोग पनि स्मरण गर्न चाहन्छु। खासिया बिल्डिङको कोठा हेर्न म, नरेन्द्र र उर्मिला दिदी सोम’bout छुट्टीको दिन पारेर गएका थियौं। बिल्डिङ मालिक ओजाकीले कान्तिपुर रेष्टुरेन्टका म्यानेजर मारुइमार्फत त्यो फ्ल्याटको चावी दिएका थिए। तर चाबी अर्कै कोठाको परेछ, मिलेन। “अब यत्ति त आइसकियो” भनेर नरेन्द्रले ढुङ्गाले छिस्किनीमा हानेर ढोका खोलेका थिए। त्यसरी खोल्दा सिसा फुटेर उनको हात रक्ताम्मे भएको थियो। मलाई त्यही दिनदेखि आफ्नो सपना बिग्रिने गरेको राम्ररी याद छ। (धेरै…)

मे 23, 2013 at 11:56 बिहान टिप्पणी छोड्नुहोस्

रमाइलो नै भो जापानमा ट्रेन बन्दको बेलाको पैदल यात्रा

photo (11)नेपाल भन्ने वित्तिकै हिमालको देश भनेर चिन्छन धेरै जापानीजहरुले । त्यसो त त्यति मात्रै होइन, यसको अलावा वन्द हुने देश भने पनि चिन्छन् । नेपालमा बन्द भन्ने वित्तिकै पैदल यात्रा गरेको याद आउँछ होला तपाईलाई पनि । अनि अर्को साइकल सिकेको, रोडमा फुटवल खेलेको । आजभोलि वन्द र क्रिकेट भने पनि सँगसँगै सम्झन्छन् नेपालीहरु । वन्दको बेलामा रोडमा क्रिकेटको अभ्यास गर्न पाएकोले अहिले नेपाली क्रिकेट स्तर हृवात्तै माथि उठेको रे । (धेरै…)

मे 18, 2013 at 4:05 अपराह्न टिप्पणी छोड्नुहोस्

परिवारका ३ सदस्य मारी आफूपनि मरे

चिवा-नेपालमा हत्या हिंसाको घट्ना हालैका दिनहरुमा अत्यान्तै बढेको पाइएको छ । हरेक दिन समाचारहरुमा एकले अर्कोलाई मारेको, ठगेको, वलात्कार गरेको घट्नाहरु छ्यापछ्याप्ती पढ्न पाइन्छ । त्यसो त नेपालमा मात्र होइन हालैका दिनहरुमा जापानमा पनि हत्या हिंसाका घटनाहरु बढिरहेको छ । यसैवीच जापानको चिवा प्रिफेक्चरका प्रहरीका अनुसार एकै परिवारका ४ जना सदस्यहरुको मृत लाश भेटिएको छ । प्रहरीले परिवारका सबै सदस्यहरुले सुसाइट गरेको शंका गरिएको छ ।
फुजि टेलिभिजनले दिएको जानकारी अनुसार मृतकहरुको लास विल्डिङ्ग म्यानेजरले फेला पारेको थियो । मृतकहरुमा दुइ जना परिपक्क उमेरको र दुइ जना केटाकेटीहरु रहेको जनाएको छ । दिउँसोको २ बजेतिर एक्कासी चार जनाको शव फेला पारेपछि उसले तुरुन्तै प्रहरीलाई खवर गरेको थियो । प्रहरीको घटनास्थलको निरीक्षण गरेपछि मृतकहरुमा सिनो नोनाका ३९ वर्ष उनको ४३ वर्षको श्रीमान, १२ वर्षीय छोरी आयाने, १० वर्षीय छोरा जुन्पेइ रहेका छन् ।
प्रहरीका अनुसार उनीहरुको घरको ढोका भित्रवाट बन्द गरिएको थियो । तसर्थ परिवारमा वावुले आफ्नो अन्य परिवारहरुलाई मारेर आफूले पनि आत्माहत्या गरेको प्रहरीले शंका गरेको छ ।

मे 17, 2013 at 7:57 अपराह्न टिप्पणी छोड्नुहोस्

गाउँले जीवन, मेरो विगत

gaule-jiban

कुनै दिन मेरो पनि यस्तै जीवन थियो । यस्तै विगत थियो । समयले मान्छेलाइ कहाँबाट कहाँ पुर्याउने रहेछ, अहिले यो जापानको व्यस्त जीवनमा आफूलाइ जवरजस्ती हराइरहेको छु । त्यो दिन जुगाघारीमा धान गोड्दै, साथीहरूसँग हाँस्दै खेल्दै हिंडेका दिनहरू अव सम्झनामा मात्र सिमित भइरहेको छ । तर याद आउँछ आजभोलि पनि अनि दगुर्दै गाउँ जान मन लाग्छ तर के गर्नु ? सोचेजस्तो हुन्न रैछ जीवन, जस्तो भोग्यो, उस्तै रैछ जीवन । तर जेहोस यो फोटो कसैले मलाइ फेसबुकमा पठाएको हो । जुन केही दिन पहिले मैले यस्तै गरी काम गरेको सपना देखेको थिएँ । तपाइलाइ पनि कस्तो लाग्छ ? यसो हेर्नुस् अनि केही बेर भावनामा बग्नुस् ।

मे 17, 2013 at 3:14 अपराह्न टिप्पणी छोड्नुहोस्

ठमेलमा आगलागी

काठमाडौँ-राजधानीको ठमेलस्थित फेसेस क्लबमा गए रातिदेखि भिषण आगलागी भइरहेको छ ।

महानगरीय प्रहरी आयुक्तको कार्यालयका प्रवक्ता हेमन्त पालका अनुसार सो क्लबमा गए राति १०:३० बजेबाट सुरु भएको आगलागी नियन्त्रणका लागि रातभर प्रयास भएको र अहिले ६:३० बजेसम्म ७० प्रतिशत आगो नियन्त्रणमा आइसकेको छ । आगो नियन्त्रणका लागि काठमाडौँ, ललितपुर र भक्तपुर तिनैवटै जिल्लाका अतिरिक्त त्रिभुवन अन्तरराष्ट्रिय विमानस्थलबाट समेत दमकल झिकाएर सो आगो निभाउन प्रयोस भइरहेको छ । आगलागीबाट हालसम्म २० करोड मूल्यबराबरको धनमाल जलेर क्षति भएको प्रारम्भिक अनुमान गरिएको प्रवक्ता पालले जानकारी दिनुभयो । आगो निभाउने क्रममा उपत्यकाभित्रका दुइ दर्जनभन्दा बढी खानेपानीका टयाङ्कर प्रयोग भइरहेका छन् । नेपाली सेना, सशक्त प्रहरी, नेपाल प्रहरीसहित स्थानीयवासीसमेत आगो निभाउनमा जुटिरहेका छन् । यससम्बन्धी पूर्ण विवरण आउन बाँकी नै छ ।

मे 17, 2013 at 2:00 अपराह्न टिप्पणी छोड्नुहोस्

दुर्घटनामा जापानिज नागरिक

मुस्ताङमा भएको जहाज दुर्घटनामा घाइते भएका जापानिज नागरिकलाइ उद्दवार गर्दै नेपाल प्रहरी ।

japanese-women

मे 17, 2013 at 1:53 अपराह्न टिप्पणी छोड्नुहोस्

जोमसोम विमानमा दुर्घटना, आठ जापानी यात्रु पनि

काठमाडौँ-जोमसोम विमानस्थलमा अवतरण गर्नेक्रममा धावनमार्गबाट चिप्लिएर कालीगण्डकी नदीमा आज बिहान खसेको नेपाल वायुसेवा निगमको ट्वीनअटरमा आठ जापानी नागरिकसहित २२ जना यात्रु रहेको नेपाल नागरिक उड्डयन प्राधिकरणले जनाएको छ ।
प्राधिकरणका निमित्त महाप्रबन्धक ऋषिकेश शर्माका अनुसार दुर्घटना बिहान ८ बजेर ३३ मिनेट जाँदा भएको थियो । विमानमा १० नेपाली, एक नाबालक तथा ३ चालक दल सदस्य थिए । चालक दलका एक सदस्यसहित सात जना घाइते भएका र उनीहरुलाई उपचारार्थ पोखरा ल्याइँदै गरेको प्राधिकरणद्वारा जारी विज्ञप्तिमा भनिएको छ ।
चार्टर उडानमा रहेको उक्त विमान पोखराबाट जोमसोमका लागि उडेको थियो ।

मे 16, 2013 at 5:31 अपराह्न टिप्पणी छोड्नुहोस्

जता पनि केटीहरू विज्ञापनमा

नेपालमा मात्र होइन संसारको जुनसुकै ठाउँमा पनि केटीहरूलाइ विज्ञापनमा प्रदर्शनको साधन बनाउनु साधारण कुरा रहेछ । यी केटीहरूले वोर्ड उचालेर वोर्ड देखाएका हुन् कि आफ्नो के जाति देखाएका हुन् ? केही बुझ्न सकिएन वावा । जे होस् तपाइ पनि हेरिहाल्नुस यो हट भिडियो ।

 

मे 16, 2013 at 1:00 बिहान टिप्पणी छोड्नुहोस्

सगरमाथामा एक विदेशी आरोहीको मृत्यु

everestसोलुखुम्बु-लोत्से हिमाल आरोहण गर्न गएका एक विदेशी आरोहीको रक क्लाइमिङ तालिम लिने क्रममा माथिबाट झरेको ढुङ्गा लागेर मृत्यु भएको छ ।
बुधबार बिहान रक क्लाइमिङ तालिम लिन सगरमाथा आधार शिविरबाट लोत्से हिमालको फेदीमा जाँदा ढुङ्गा झरेर रुसी नागरिक एलेक्से बोलोटोभको मृत्यु भएको हो ।
लोत्से हिमाल आरोहण गर्न नेपाल आएका बोलोटोभको पासपोर्ट नं. ७२३२३१९७९ रहेको छ । पचास वर्षीय रुसी नागरिकको आरोहण टोलीमा चार सदस्य थिए ।
बोलोटोभको मृत्युपछि सगरमाथाको आधार शिविरमा रहेका सर्म्पर्क अधिकारीहरुले मुचुल्का उर्ठाई सम्बन्धित निकायमा जानकारी गराएको किताबसिं तामाङले जानकारी दिनुभयो ।
एलेक्से चोयू टे्रकिङ कम्पनीमार्फत इन्टरनेशनल एभरेस्ट साउथ वेष्ट एस्पिडिसन स्प्रिङ २०१३ टोलीले लोत्से हिमाल आरोहण गर्ने अनुमति पर्यटन मन्त्रालयबाट पाएको थियो । यो वर्षअहिलेसम्म सगरमाथा हिमालमा पाँच आरोहीको मृत्यु भइसकेको छ ।

मे 16, 2013 at 12:39 बिहान टिप्पणी छोड्नुहोस्

दबाबपछि पाए दलित बालबालिकाले भत्ता

खोटाङ-स्थानीय अगुवाको दवावपछि खोटाङ सदरमुकाम दिक्तेल-५ का दलित बालबालिकाले दलित भत्ता पाएका छन् ।
लामो समयदेखि गाविस सचिवले विभिन्न बहानामा भत्ता दिन आलटाल गर्दै आएको गुनासो आएपछि स्थानीय अगुवाहरुको दवावमा ६ बालबालिकाले भत्ता पाएका हुन् ।
आफ्ना बालबच्चासहित गाविसको कार्यालयमा गएका दलित परिवार प्रतिबालबालिका दुइ सय रुपैयाँका दरले भत्ता बुझेर फर्किएका छन् । गत असोजयता भत्ता पाउन नसकेका दलित बालबालिकाहरुलाई गाविसको कार्यालयमा बोलाएर सचिवलाई भत्ता दिन लगाइएको स्थानीयबासी एवम् नेपाल कम्युनिष्ट पार्टी खोटाङका सचिव मीनप्रसाद आचार्यले बताउनुभयो ।
कतिपय दलित अभिभावकलाई आफ्ना पाँच वर्षुनिका बालबच्चाले भत्ता पाउने कुरा थाहा नपाउँदा दलित बालबालिका सो भत्ता लिनबाट वञ्चित बनिरहेका आचार्यको भनाइ छ । दुइ रोपनीभन्दा कम जग्गा भएका र पाँच वर्षउमेर ननाघेका दलित परिवारका दुइजना बालबच्चाले मासिक दुइ सय रुपैयाँ भत्ता पाउने व्यवस्था छ ।

मे 16, 2013 at 12:38 बिहान टिप्पणी छोड्नुहोस्

घुम्ती शिविरमा अवरोध, झडपमा प्रहरीसहित ५ घाइते

सुर्खेत-मैनतडाको जहरेमा बुधबारदेखि सुरु भएको एकीकृत घुम्ती शिविरमा नेकपा-माओवादीले अवरोध पुर्‍याएको छ । घुम्ती शिविरको काम सुरु हुन बित्तिकै माओवादीका कार्यकर्ताहरुले नारा जुलुससहित ढुङ्गामुढा गर्न थालेपछि प्रहरी र माओवादी कार्यकर्ताबीच झडपसमेत भएको छ ।
दश मिनेटसम्म भएको झडपमा २ प्रहरी र ३ माओवादी कार्यकर्ता घाइते भएका छन् । झडप नियन्त्रण गर्न प्रहरीले १६ राउन्ड अश्रुग्याँस हानेको थियो । घाइते हुनेहरुमा सशस्त्र प्रहरीका सहायक हवल्दार मानबहादुर बुढा, जवान नरबहादुर आचार्य र माओवादी कार्यकर्ताहरु सहवीर महर, टेकबहादुर तिरुवा र रामबहादुर सुनार रहेको जिल्ला प्रहरी कार्यालय सुर्खेतले जनाएको छ । (धेरै…)

मे 16, 2013 at 12:35 बिहान टिप्पणी छोड्नुहोस्

जन्ती बोकेको बसले ट्रकमा ठक्कर, पच्चीस घाइते

गौशाला-एक जन्ती बोकेका बसले रोकिराखेको ट्रकमा ठक्कर दिँदा बसमा सवार २५ जनाभन्दा बढी घाइते भएका छन् ।
घाइतेमध्ये रौतहट जिल्ला चन्द्रनिगाहपुर- २ बस्ने रामतलेवर यादव र सोही जिल्लाको पिपरा रजवास ७ बस्ने रामदेव दासको अवस्था गम्भीर रहेको इलाका प्रहरी कार्यालय बर्दिवासका प्रहरी निरीक्षक भीष्म हुमागाईंले बताउनुभयो । हिजो अबेर साँझ धनुषाको जनकपुरबाट जन्ती बोकी रौतहट गइरहेको ना ४ ख ६१६५ नंको बसले बर्दिवासको भोला बसन्त चोकमा रोकिराखेको ना ३ ख २५०६ नम्बरको ट्रकमा ठक्कर दिँदा बसमा सवार घाइते भएका हुन् ।
घाइतेहरुको उपचार बर्दिवासस्थित विभिन्न अस्पताल तथा निजी क्लिनिकमा भइरहेको प्रहरीले बताएको छ ।
बस र चालकलाई नियन्त्रणमा लिएर आवश्यक अनुसन्धानका लागि इलाका प्रहरी कार्यालय बर्दिवासमा राखिएको प्रहरी निरीक्षक हुमागार्इंले बताउनुभयो ।

मे 10, 2013 at 1:09 अपराह्न टिप्पणी छोड्नुहोस्

ल हेर्नुस यो महंगो वाइक कुँदाउने के वेरोजगार होला ?

berojgariनेपालमा वेरोजगारको संख्या देशले थामीनसक्नुको छ । जता हेर्‍यो उत्तै, जो हेर्‍यो उही वेरोजगार । सानातिना काम त गरे पो पाइन्थ्यो त रोजगार । सानातिना काम आँखाले नदेख्ने ठूला ठूला काम दिमागले नभ्याउने अनि गर्ने के विदेश जाने । विदेश जान पनि पैसा चाहिने । नेपालमा साँच्चैको वेरोजगारहरु कसरी हुन्छ रोजगार गरौं भनेर लागि परेका छन । तर नक्कली वेरोजगारहरु कसरी अरुलाई दुःख दिने भनेर सोचिरहेका छन । वेरोजगारहरुले पनि वन्द गर्ने रे । साना तिना रोजगार गरेर जीविकोपार्जन गरेकाहरुलाई पनि काम गर्न नदिनको लागि नेपाल वन्द गरेर वेरोजगार बनाई आफूहरुको सदस्यता वढाउनको लागि त्यस्तो गरेको हो कि के हो – फोटो हेर्दा त साँच्चैको वेरोजगारी जस्तो त देखिंदैन । ल हेर्नुस् यति महंगो वाइक कुँदाउने के वेरोजगार होला ? यदि रोजगार नै चाहेको हो भने त्यो वाइक वेचेर सानो सानो चिया पसल गरे भैहाल्यो नि कि कसो साथीहरु ?

मे 10, 2013 at 12:09 अपराह्न टिप्पणी छोड्नुहोस्

नाइजेरियामा धार्मिक कट्टरपन्थी बन्दुकधारीले तेइस प्रहरीको हत्या गरे

कानो -नाइजेरियाको मध्यभागमा ओमबात्से धार्मिक समुदायका सदस्य रहेका बन्दुधकारीले प्रहरी अधिकारीहरूको एक समूहमा आक्रमण गरी २३ प्रहरीको हत्या गरेको र उनीहरूको शरीरमा आगो लगाएको जानकारी नासारावा राज्यका प्रहरी प्रमुख अबायोमी आकेरेमेल बिहीबार बताउनुभयो । 
उहाँले मङ्गलबार करिब ६० प्रहरीमाथि आक्रमण भएको उल्लेख गर्नुभयो । उहाँले थप १७ प्रहरी हालसम्म हराइरहेको पनि जानकारी दिनुभयो ।
उक्त आक्रमण नासारावामा भएको र यो नाइजेरियाको इसाइ धर्मावलम्बी बाहुल्य रहेको दक्षिणी भाग तथा इस्लाम धर्मावलम्बी बाहुल्य रहेको उत्तरी भागको बीचमा रहेको बताइन्छ ।

मे 10, 2013 at 11:55 बिहान टिप्पणी छोड्नुहोस्

निजी विद्यालयका किताब एकैपटक पाइँदैन

रौतहट- निजी विद्यायलको पुस्तकहरु स्टेसनरी पसलमा पूरै नपाइने गरेको गुनासो अभिभावकको छ । विभिन्न कक्षाका किताब एकैपटक स्टेसनरी पसलमा नपाइने गरेका कारण अभिभावहरु समस्या परेका छन् । 
निजी विद्यालयको नयाँ शैक्षिकसत्र शुरु भएसँगै पुस्तक बजारमा किन्न जाँदा अपूरो दिने गरेका चन्द्रनिगाहपुरका अभिभावक मञ्जु कार्कीले बताउनुभयो ।
सदरमुकाम चन्द्रनिगाहपुर, गौर, गरुडामा रहेका स्टेसनरी पसलमा एकैपटक किताब नदिने र पछि दिने भन्दै अपूरो किताब बिक्री गर्ने गरेको अभिभावकले गुनासो गरेका छन् ।
स्टेसनरी सञ्चालकले भने पब्लिकेसनबाट नै अपूरो पुस्तक आएको र चाँडै नै अन्य पुस्तक आउने भन्दै पुस्तकहरु बिक्री गरेका छन् ।
समयमा नै सम्पूर्ण पुस्तक स्टेसनरी पसलले नल्याएका कारण अभिभावक मात्र नभई विद्यालयमा शिक्षक शिक्षिकासमेत पढाउन समस्यामा परेको बताउँछन् ।
यसैबीच रौतहटको ग्रामीण भेगहरुमा अहिले नाम मात्रको विद्यालय सञ्चालनमा छन् । (धेरै…)

मे 9, 2013 at 1:01 अपराह्न टिप्पणी छोड्नुहोस्

कहिल्यै नसुक्ने ताल सुक्यो

बागलुङ, २५ वैशाख । बाह्रैमास पानीले भरिभराउ हुने यहाँको हीराताल ताल सुकेर बगरमा परिणत भएको छ । भकुण्डे गाविस-१, मा रहेको हीराताल अहिले वषर्ायाममा पनि राम्ररी पानी नअडिने अवस्थामा पुगेको छ । 
पर्यटकीय हिसाबले पनि महत्वपर्ूण्ा उक्त ताल सुकेपछि त्यसक्षेत्रको आर्कषण नै गुमेको छ । डेढसय मिटर लम्बाइ, ६० मिटर चौडाइ र पाँच मिटर गहिराइमा अवस्थित उक्त ताल संरक्षणमा स्थानीयवासी जुटे पनि तालको पानी सुकेर गएपछि गाउँलेहरू अचम्मित भएका छन् ।
ताल संरक्षणको क्रममा डोजरको प्रयोग गरेपछि सतह भासिएर पानी नरहने समस्या भएको सक्ने स्थानीयवासीको अनुमान छ । तीन वर्षघि तालको वरिपरि पर्खाल लगाउन र पोखरीको माटो झिक्दा डोजर लगाइएको भकुण्डे-२ का यम थापाले बताउनुभयो । ‘डोजर लगाएर काम गरिएकै सालदेखि पोखरीको पानी सुक्यो- थापाले भन्नुभयो । (धेरै…)

मे 8, 2013 at 10:22 अपराह्न टिप्पणी छोड्नुहोस्

हिमालयन साँझ सम्पन्न

टोकियो-गोल्डेन वीकको अवसर पारेर रोविनप्रसाद शेरचन र प्रेम श्रेष्ठको संयुक्त आयोजनामा “हिमालयन साँझ” टोकियोमा सम्पन्न भएको छ । नेपालबाट आमन्त्रित युगल जोडी गायक उदय सोताङ्ग र गायिका मनिला सोताङ्गका साथमा टोकियोमा रहेका नेपालीहरुले सँगसँगै गाए, नाचे अनि रमाए । पर्वतको रानीपानी गाविसमा रहेको एउटै परिवारका ५ जना अपाङ्ग वालवालिकाहरुको सहयोगार्थ उक्त कार्यक्रमको आयोजना गरिएको थियो । निर्धारित समयभन्दा केही ढिला शुरु भएको कार्यक्रममा टोकियो आसपासमा वसोवास गर्ने नेपालीहरुले हल खचाखच भरिएको थियो भने नेपाल र नेपाली गीत संगीतलाई माया गर्ने जापानी नागरिकहरुको पनि उल्लेख्य सहभागीता रहेको थियो ।
सोही अवसरमा जापानमै स्थापित चौतारी व्याण्डको पनि धमाकेदार प्रस्तुतीहरु रहेको थियो । विशेषतः चौतारी व्याण्डको प्रस्तुतीमा बाँसुरीको धुनले सबै दर्शकहरुलाई मन्त्रमुग्ध बनाएको थियो । उपस्थित जापानिज दर्शकहरु पनि बाँसुरीको तालमा ताल मिलाई थपडी बजाई आफूहरुलाई नेपाली संगीतमा लिप्त बनाईरहेका थिए । त्यसै क्रममा सुदिन गुरुङले पनि आफ्नो सांगीतिक कोशेलीहरु पस्केका थिए । कार्यक्रममा चौतारी व्याण्डले संगीतको माध्यमबाट नेपाललाई विदेशमा चिनाउन प्रयत्न गरिरहेको जानकारी दिईएको थियो । कार्यक्रमको पहिलो चरणमा नै जापनिज गायिका सायाले पनि आफ्नो केही प्रस्तुतीहरु राखेकी थिइन । त्यसो त कार्यक्रममा जादूगर तोकोले आकर्षक जादू देखाएर दर्शकहरुलाई वेग्लै स्वाद चखाएका थिए । (धेरै…)

मे 7, 2013 at 10:01 बिहान टिप्पणी छोड्नुहोस्

फुनेसोले पहिलो पटक हाकाता दोन्ताकुमा सहभागीता जनायो

फुकुओका-प्रत्येक वर्षगोल्डेन वीकको अवसर पारेर मनाईंदै आएको जापानकै प्रमुख पर्व मध्येको एक हाकाता दोन्ताकु पर्वमा यस पटक नेपालीहरुको सामाजिक संस्था फुकुओका नेपाल सोसाइटीले पनि पहिलो पटक सहभागीता जनाएको छ । फुकुओका नेपाल सोसाइटीका अध्यक्ष मोति श्रेष्ठले दिनुभएको जानकारी अनुसार मे ३ तारिकका दिन दिउँसो ४ बजे हाकाताको रेर्इसेन पार्कबाट नेपाली पञ्चेबाजा सहित शुरु भएको परेडमा यस भेगमा बसोबास गर्ने नेपालीहरुको उल्लेख्य सहभागीता रहेको थियो । (धेरै…)

मे 7, 2013 at 9:59 बिहान टिप्पणी छोड्नुहोस्

मान्डवी र हेमन्तले नचाए टोकियोवासी नेपालीहरूलार्इ

आज नागोयामा धमाका मच्चाउने

टोकियो-गोल्डेन वीकको अवसर पारेर गोर्खाली समाजले आयोजना गरेको “ईन्टरड्यूसिङ्ग साँझ” टोकियोमा सम्पन्न भएको छ । नेपालबाट आमन्त्रित गायकगायिका हेमन्त राना तथा मान्डवी त्रिपाठीका साथमा जापानको टोकियो क्षेत्रमा रहेका नेपालीहरुले यसपालीको गोल्डेन वीक सांगीतिक माहौलका साथमा नाच्ने, गाउने र रमाउने अवसर पाए ।
“फरक छ अरुको भन्दा, मेरो देश नेपालको झण्डा” बोलको राष्ट्रप्रेमको भाव झल्किएको गीतसँगै आफ्नो प्रश्तुती शुरु गरेका गायिका मान्डवी त्रिपाठीले पहिलोपटक जापान आएर दर्शकहरुको धेरै मायाँ पाउँदा आफूलाई निकै नै खुशी लागेको कुरा व्यक्त गरिन् । त्यसैगरी उनले नेपालीहरु संसारको जुनसुकै ठाउँमा गए पनि आफ्नो देश नेपाल, नेपाली र अरुको भन्दा भिन्दै खालको नेपालको झण्डालाई विर्सन नहुने कुराहरु पनि उनले सबै सामु राखिन । गायिका त्रिपाठीले कार्यक्रममा “तिमीले साथ छोडेपछि”, “मेरो वारुले कम्मर”, “ढल्क्यो ढल्क्यो मेरो जोवन”, “फूल थिए”, “सिम्पल सिम्पल कान्छीको” जस्ता आफ्ना लोकप्रिय गीतहरु गायकी थिइन । (धेरै…)

मे 5, 2013 at 12:11 अपराह्न टिप्पणी छोड्नुहोस्

नाचेको कम्मरै भाँचेको…..

kalakarगोर्खाली समाजको आयोजनामा टोकियोमा भएको इन्टरड्यूसिङ साँझमा नृत्य देखाउँदै जापानमा रहेका नेपाली कलाकारहरू ।

 

मे 4, 2013 at 11:02 अपराह्न टिप्पणी छोड्नुहोस्

मन्त्रीको उपचारको लागि मगरसंघ जापानको आर्थिक संकलन अभियान

imageटोकियो-नेपाल मगर संघ जापानले मगर संघका पूर्व केन्द्रीय अध्यक्ष तथा पूर्व मन्त्री गोरेवहादुर खपांगी मगरको उपचारको लागि आर्थिक सहयोगको लागि अनुरोध गरेको छ ।
पूर्व मन्त्री खपांगी केही दिन अगाडि मोटरसाईकलको ठक्करवाट घाईते हुनुभएको थियो ।
अन्नपूर्ण न्यूरो अस्पतालको आइसीयूमा उपचार गराईरहनु भएका पूर्व मन्त्री खपांगीको स्वास्थ्यमा क्रमिक सुधार भईरहेको तर आईसीयू बाट कहिले बाहिर निकालिने हो भन्ने कुरा अझै थाहा नभैसकेको अबस्था रहेको छ । उहाँको उपचारार्थ दैनिक ठूलो रकम खर्च भईरहेको अवस्था रहेकोले मगर संघ जापानको पहलमा आर्थिक संकलन अभियान शुरु गरिएको जानकारी मगर संघ जापानका अध्यक्ष शैलेन्द्र थापामगरले दिनुभयो ।
विभिन्न पेशा, व्यवसायमा तथा संघसंस्थामा आवद्ध जापानवासी नेपालीहरूलाई आर्थिक सहयोग गरिदिनु हुन संघले अनुरोध गरेको छ  ।
सहयोग गर्न चाहनुहुने संघसंस्था तथा महानुभावहरुले मगर संघ जापानका अध्यक्ष शैलेन्द्र थापा मगरको हुलाक वैंकको खाता नम्वरमा रकम जम्मा गरिदिनु हुन अनुरोध गरेको छ ।
12230-06411791
タパサイレンドラビクラム

मे 4, 2013 at 10:21 अपराह्न टिप्पणी छोड्नुहोस्

विवाहमा सहभागी हुन गएका युवक मासुको कराहीमा परेर जले

विवाहमा सहभागी हुन गएका कञ्चनरको झलारी-७ का २७ वषर्ीय ठगीबहादुर सार्की पाक्दै गरेको मासुको कराहीमा परेर जलेका छन् ।
गएराति पिपलाडी-८ मा विवाहमा सहभागी हुन गएका उनी मासुको कराहीमा खसेका थिए । टाउको तलको पूरै भाग जलेर उनको अवस्था चिन्ताजनक बनेको पीडित सार्कीकी आमा नारु सार्कीले बताउनुभयो ।
तत्कालै उपचारका लागि कोहलपुरको अस्पतालमा पुर्‍याइएको भएपनि त्यहाँ उपचार हुन नसक्दा उनलाई भारततर्फलगिएको छ ।

मे 4, 2013 at 4:17 अपराह्न टिप्पणी छोड्नुहोस्

दुइ महिनाकी छोरी छाडेर महिला बेपत्ता

कञ्चनपुर-कञ्चनपुरको दैजी-४ बगुनकी २२ वर्षीय मनिषा महरा दुइ महिनाकी छोरी घरमै छाडेर बेपत्ता भएकी छिन् ।
उनी दुइ तोला सुन र केही नगदसहित तीन दिनअघि घरबाट बेपत्ता भएकी हुन् ।
भारतमा काम गर्न गएका श्रीमान् डम्बरबहादुर महरा घरमा पुगेको भोलिपल्ट नगद र गहनासहित उनी घर छाडेर बेपत्ता भएको इलाका प्रहरी कार्यालय झलारीका प्रहरीनायब निरीक्षक राजेन्द्र नाथले बताउनुभयो । उनी कुनै पुरुषसँग भागेको हुन सक्ने प्रहरीले आशङ्का गरेको छ । मनिषा घरबाट बेपत्ता भएपछि घरमा रहेकी दुइ महिनाकी छोरीको विचल्ली भएको छ ।
श्रीमती बेपत्ता भएपछि छोरीलाई गाईको दूध मुखमा हालेर पाल्नु परेको डम्बर महराले बताए । उनका दुइ महिना र दुइ वर्षका दुइ छोरी रहेका छन् । मनिषाको खोजीका लागि डम्बरले इप्रका झलारीमा निवेदनसमेत दिएका छन् ।

मे 4, 2013 at 4:15 अपराह्न टिप्पणी छोड्नुहोस्

सिम्पल सिम्पल कान्छीको …… डिम्पलले धमका मच्चाउने

टोकियो-गोर्खाली सेवा समाजको आयोजनामा आज मे ४ तारिक हुने कार्यक्रममा नेपालका ख्यातीप्राप्त गायक-गायिका हेमन्त राना र मान्डवी त्रिपाठीले धमका मच्चाउने भएका छन् । कार्यक्रमको सम्पूर्ण तयारी पूरा भएको गोर्खाली समाजका अध्यक्षा कृष्ण घले गुरूङले जानकारी दिनुभयो ।
साथै उहाँले सम्पूर्ण जापानवासी नेपालीहरूलाइ कार्यक्रममा उपस्थितिको लागि हार्दिक अनुरोध गर्नुभएको छ । साँच्चैको सिम्पलसिम्पल कान्छीको गालाको डिम्पल भोलि हेर्नुहोला मेगुरोको कुन्मिन हलमा । अहिलेलाइ भने यो गीत सुन्नुहोस् ।

मे 3, 2013 at 11:40 अपराह्न टिप्पणी छोड्नुहोस्

बाबुले छोरीलार्इ गोली हान्दा गाउँलेहरूले ताली बजाए

काबुल-अफगानिस्तानको एक धार्मिक मान्यताले जकडिएको गाउँ छ र त्यहाँ करिब ३०० जना गाउँले जम्मा भएका छन् । किन भने त्यहाँ एकजना युवतीलाई गोली हानेर मारिँदै थियो ।
तर ती गाउँलेले ती युवतीलाई बचाउनका लागि होइन कि उनलाई कथित कारबाहीस्वरुप हत्या गरेको हेर्न वा हत्याको साक्षी बस्नका लागि त्यहाँ उपस्थित भएका थिए ।
तिनै मानिसको भीडबाट एकजना १९ वर्षीय युवतीका पिता निस्किए । हातमा बन्दुक लिएका उनले आफ्नी छोरीमाथि प्रहार गरे ।
ती युवतीका पिताले आफ्नी छोरीलाई टाउको, पेट र छातीमा गरी तीनवटा गोली हाने, तर गाउँलेले त्यसको कुनै विरोध गरेनन् बरु उनीहरुले ताली बजाएर समर्थन गरे ।
धार्मिक अन्धविश्वासमा जकडिएको एक गाँउमा महिलामाथि गरिने कारबाहीको स्वरुप हो यो । ती गाउँहरुमा गल्ती गर्ने अथवा उनीहरुले तोकेका निश्चित कामहरुको विरुद्धमा जाने महिलालाई यसरी नै कारबाहीस्वरुप हत्या गर्ने गरिन्छ । हालिमा अफगानिस्तानकी एक १९ वर्षीय युवती हुन् । उनी यसअघि नै विवाहित युवती हुन् । उनका दुर्इवटा बालबच्चा पनि छन् । तर यी छोरीलाई आफ्नै पिताले कारबाहीस्वरुप यसरी गोली हानेर हत्या गरे । हालै भएको यस घटना सरसर्ती सुन्दा एउटा कुनै चलचित्रको काल्पनिक कथाजस्तो लाग्छ । तर यो अफगानिस्तानका महिलाको वास्तविकता हो र यसरी नै उनीहरुले आफूविरुद्धको हिंसा सहनु परेको छ ।
यसरी गोली खाएर ज्यानै गुमाउनुपर्नाको उनको दोष के थियो त ? उनको दोष थियो- उनी एकजना परपुरुषसँग लागेकि थिइन् रे । तर यसको कुनै प्रमाण छैन र उनले त्यो स्वीकारेकी पनि छैनन् ।
यसरी परपुरुषसँग लागेको भन्नेजस्ता कैयन काल्पनिक दोषारोपणबाट यो आधुनिक एवम् वैज्ञानिक समाजमा पनि अफगानिस्तानका कयौँ महिलाले वर्षेनी ज्यान गुमाउने गर्दछन् ।Transcend 32 GB Class 10 SDHC Flash Memory Card (TS32GSDHC10E)

(धेरै…)

मे 3, 2013 at 4:56 अपराह्न टिप्पणी छोड्नुहोस्

स्कुल बसमा आगजनी

कैलाली (अत्तरिया)- कैलालीको लम्कीस्थित पाइनियर्स एकेडेमीको बसमा आज बिहान अज्ञात समूहले आगजनी गरेको छ ।
स्कूल प्राङ्गणमा राखिएको भे१ख १२१८ नम्बरको स्कुल बस आगजनीबाट पुर्णरूपमा जलेको जिल्ला प्रहरी कार्यालय कैलालीका प्रहरी निरीक्षक भक्त विष्टले जानकारी दिनुभयो ।
बसमा आगजनी गर्नेको पहिचान खुल्न नसकेको र अनुसन्धान भइरहेको उहाँले बताउनुभयो ।

मे 3, 2013 at 4:12 अपराह्न टिप्पणी छोड्नुहोस्

यसपालीको गोल्डेन वीक तपाईं कसरी मनाउन गईरहनु भएको छ?

यहाँहरू सबैलाई गोल्डेन वीकको शुभकामना । प्रत्येक वर्ष आउने गोल्डेन वीकमा यहाँहरूले कसरी समय विताउनुहुन्छ भन्ने विषयलाई लिएर एउटा सानो मत सर्वेक्षणको जमर्को गरेको छु । कृपया आफूले यो पटकको गोल्डेन वीक कसरी मनाउन गईरहनु भएको छ ? अनि अन्य साथीहरू कसरी विताउँदै हुनुहुन्छ ? सर्वेक्षणमा सहभागी भई एकछिन भने पनि रमाइलो गर्नुहोला ।
धन्यवाद ।

मे 3, 2013 at 3:56 अपराह्न टिप्पणी छोड्नुहोस्

भारतीय प्रधानमन्त्रीद्वारा पाकिस्तानसँग न्याय माग

नयाँ दिल्ली-भारतीय प्रधानमन्त्री डा मनमोहन सिंहले पाकिस्तानको थुनामा एकजना भारतीय नागरिकको हत्या भएको सम्बन्धमा पाकिस्तानसँग न्याय माग्नुभएको छ ।
भारतीय गुप्तचरको आरोपमा पाकिस्तानले लाहोर जेलमा राखिएका एकजना भारतीय नागरिक सरावजित सिंहको सोही जेलमा भएको झडपमा परी हत्या भएको हो ।
प्रधानमन्त्री डा सिंहले बिहीबार आफ्नो ट्वीटर एकाउण्टमा पाकिस्तानले एकजना भारतीय नागरिकको अनाहकमा जेलहाली जेलभित्रै हत्या गरेको भन्दै उनीप्रति न्यायका लागि सो माग गर्नुभएको हो ।
प्रधानमन्त्री डा सिंहले सरावजित एक महान भारतीय नागरिक रहेको पनि बताउनुभयो । उहाँले सो एकाउण्टमा भन्नुभएको छ- उनी भारत माताका एक महान छोरा हुन् ।
एकजना थुनुवाप्रति पनि पाकिस्तानले मानवीयता देखाउन नसकेको भन्दै प्रधानमन्त्री डा सिंहले यस्तो अवस्थमा आफूले पाकिस्तानका लागि न्यायका लागि स्मरण गराउन चाहन्छु भन्नुभएको छ । (धेरै…)

मे 3, 2013 at 3:35 अपराह्न टिप्पणी छोड्नुहोस्

विश्वमा हरेक वर्ष दुर्इ लाख सत्तरी हजार बटुवाको मृत्यु

जेनेभा, १९ वैशाख । हरेक वर्षविश्वका सडकमा दुर्इ लाख ७० हजार बटुवाको मृत्यु हुने गरेको जानकारी विश्व स्वास्थ्य सङ्गठनले बिहीबार दिएको छ भने यस संस्थाले यातायातका साधनका पक्षमा रही दशकौँसम्म बटुवाको सुरक्षामा ध्यान दिन नसकेको भनी आलोचना गरेको छ ।
विश्वमा हरेक वर्ष१२ लाख ४० हजार व्यक्तिको सडक दुर्घटनामा मृत्यु हुने गरेको र त्यसमा २२ प्रतिशत बटुवा हुने गरेको संयुक्त राष्ट्रसङ्घको स्वास्थ्यसम्बन्धी यस संस्थाले उल्लेख गरेको छ ।
विश्व स्वास्थ्य सङ्गठनका घाउचोट निवारण विभागका प्रमुख एटिन क्रगले विश्वका सडकहरूमा प्रत्येक साता पाँच हजार बटुवाको मृत्यु हुनेगरेको र दशकौँसम्म गाडीहरूको पक्षमा बटुवाको आवश्यकतालाई ध्यान नदिइएकाले यस्तो भएको बताए ।
(धेरै…)

मे 3, 2013 at 3:29 अपराह्न टिप्पणी छोड्नुहोस्

इन्टरड्यूसिङ्ग नाइटको लागि कलाकार आर्इपुगे

gorkhali-samajगोर्खाली सेवा समाज, जापानको आयोजनामा भोलि हुन गर्इरहेको कन्सर्टको लागि नेपालबाट कलाकार द्वय हेमन्त राना र मान्डवी त्रिपाठी टोकियो आर्इपुगेका छन् ।

मे 3, 2013 at 3:24 अपराह्न टिप्पणी छोड्नुहोस्

निर्वाचन आयोग अगाडि ३३ दलको प्रदर्शन

काठमाडौँ-नेकपा-माओवादीसहितका आन्दोलनरत ३३ दलीय मोर्चाले राष्ट्रपतिद्वारा जारी २५ बुँदे बाधा अड्काउफुकाउ आदेश खारेज नहुँदासम्म दल दर्तालगायतका सम्पूर्ण निर्वाचनका कार्यक्रम स्थगित गर्नुपर्ने माग गर्दै विरोध प्रदर्शन गरेका छन्
निर्वाचन आयोग अगाडि कान्तिपथ सडकमा आज बिहान ९ देखि ११ बजेसम्म विरोध प्रदर्शन गर्दै उनीहरुले धर्नासमेत दिएका थिए ।
आन्दोलनकारी दलहरुले वर्तमान सरकारका अध्यक्षको राजीनामा माग्नुका साथै राष्ट्रिय स्वाधिनतका लागि गोलबन्द हुनसमेत आहृवान गरे । उनीहरुले चार दलीय सिन्डिकेट खारेज गर्नुपर्ने मागसमेत गरेका थिए । कार्यालय समयमा भएकाले दलहरुको पर््रदर्शनका कारण राजधानीको सवारी आवागमनमा बाधा पुगेको थियो ।

मे 3, 2013 at 3:17 अपराह्न टिप्पणी छोड्नुहोस्

निजी विद्यालयहरुले कमिसन खान आफँै पाठ्यपुस्तक बिक्री गर्दै

गोलबजार (सिरहा)-सिरहाका निजी विद्यालयहरुले अवैध तरिकाले स्कुलमै पसल राखेर पाठ्यपुस्तक बिक्री गर्दै आएको छ । तर सम्बन्धित निकाय अझै मौन देखिएको छ ।
नयाँ शैक्षिकसत्र सुरु भएसँगै निजी विद्यालयहरुले आफैँ पाठ्यपुस्तक बिक्री गर्दै आएका कारण अभिभावकहरु ठगिन बाध्य छन् । शिक्षा नियमावली अनुसार निजी विद्यालयहरुले पाठ्यपुस्तक बिक्री गर्न पाउँदैनन् । तर नियम कानुन मिचेर मोटो कमिसन खान विद्यालयका संस्थापकहरुले आफैँ पाठ्यपुस्तक बिक्री गर्दै आएका छन् ।
सिरहा सदरमुकाम, लहान, मिर्चैया, गोलबजारका करिब तीन दर्जन निजी विद्यालयहरुले पाठ्यपुस्तक विद्यालय हाताभित्रै पसल थालेर बिक्री गर्दै आएको अभिभावक सङ्घ सिरहाका अध्यक्ष रामानन्द गुप्ताले जानकारी दिनुभयो ।

(धेरै…)

मे 3, 2013 at 12:53 अपराह्न टिप्पणी छोड्नुहोस्

साँघुरो भयो ‘कमल दह’

Amazon.co.jp ウィジェット
गौशाला-महोत्तरी जिल्लाको महदैया तपनपुर गाविस-४ मा अवस्थित ऐतिहासिक एवम् पौराणिक ‘कमल दह’ साँघुरो भएको छ ।
जिल्लाको पूर्व उत्तर कुनामा धनुषा जिल्लाको सिमानासँग जोडिएको कमल दह कुनै बेला करिब पाँच बिघा क्षेत्रफलमा फैलिएको थियो भने अहिले सो दह केवल डेढ कट्ठा क्षेत्रफलमा सीमित भएको छ ।
स्थानीय बासिन्दाले सो कमल दह चारैतिरबाट अतिक्रमणको सिकार भई आफ्नो अस्तित्व नै गुमाउने गरी साँघुरिएको बताएका छन् । (धेरै…)

मे 3, 2013 at 11:33 बिहान टिप्पणी छोड्नुहोस्

पुरानो जुत्ता ल्याउनुहोस्, नयाँ लिएर जानुहोस्

काठमाडौं-मोटरसाइकल एक्सचेन्ज हुने कुरा तपार्इहरूलार्इ थाहै होला । तर अब नेपालमा मोटरसार्इकल मात्र होइन, जुत्ताको पनि एक्सचेन्ज सुविधा ल्याइएको छ । पुराना जुत्ता ल्याउनुहोस नयाँ लिएर जानुहोस् । एडिडासको नेपालका लागि आधिकारीक विक्रेता रुट्स फेशन प्रालीले बुधबारदेखि ‘ओल्ड सुज एक्सचेञ्ज’ योजना सार्वजनिक गरेको छ । योजना अन्तरगत ग्राहकहरुले पुराना जुत्ता ल्याएर एडिडासका नयाँ जुत्ता खरिद गर्दा १ हजार ५ सय रुपैयाँदेखि २ हजार ५ सय रुपैयाँसम्म छुट प्राप्त गर्न सक्नेछन् । कम्पनीले राजधानीमा रहेका एडिडासका ९ वटा शो-रुममा योजना लागु हुने जनाएको छ । योजना झण्डै डेढ महिनासम्म सञ्चालन हुनेछ । संकलन भएका पुराना जुत्ताहरु कम्पनीले माइती नेपाललाई हस्तान्तरण गर्ने जनाएको छ । कम्पनीका अनुसार माइती नेपालले जुत्ताको समेत पहुँच नपुगेका गरिव तथा दिन दुखीहरुलाई संकलित जुत्ताहरु हस्तान्तरण गर्नेछ ।

मे 2, 2013 at 3:35 अपराह्न टिप्पणी छोड्नुहोस्

“टाउको झोलामा खुट्टा खोलामा बनाउँछु” भन्नेले माफी मागे

काठमाण्डौ-पत्रकारलाई टाउको भोलामा खुट्टा खोलामा बनाइदिने धम्की दिएकी नायिका सुमिना घिमिरेले आफूले गरेको गल्तीको लिखित रुपमै माफी मागेकी छिन् । सुमिनाले एक प्रेस विज्ञप्ति जारी गरी फोनमा भएको सम्वादमा गरिएको कुराकानी नियतवश नभई आवेशमा आएर भनेकोले उक्त भनाईलाई फिर्ता लिएको उल्लेख गरेकी छिन् । ती शब्द मानवीय स्वाभाव र आवेशवश भावनामा वगेर व्यक्त गरेकोले धम्कीका रुपमा नलिन विज्ञप्तिमार्फत आग्रह गरेकी छिन । साथै उनले नेपाली पत्रकारीता जगतप्रति आफ्नो सदैव उच्च सम्मान रहने कुराको पनि जानकारी गराएकी छिन् ।
त्यसो त सुमिनाले उक्त विज्ञप्तिको वोधार्थ नेपाल चलचित्र पत्रकार संघ र पत्रकार महासंघलाई पठाएकी छिन् । सुमिनाले विज्ञप्ति प्रकाशित गरी माफी मागेपछि चलचित्र पत्रकार संघले पनि प्रेश विज्ञप्ति जारी गरी यो कदमलाई स्वागत गरेको छ । आगामी दिनमा कलाकार, चलचित्रकर्मी तथा पत्रकारवीच सुमधुर सम्बन्ध रहने आशा गरिएको छ । (धेरै…)

मे 2, 2013 at 1:41 अपराह्न टिप्पणी छोड्नुहोस्

भवनमा परी मृत्युहुने चारसय नाघे, अझै डेढ सय बेपत्ता

१८ वैशाख । बङ्गलादेशको राजधानी ढाकामा भत्किएको भवनबाट उद्वारको काम जारी नै रहँदा बुधबार बिहानसम्म मृत्यु हुनेको सङ्ख्या चार सय नाघेको समाचारमा जनाइएको छ ।
उद्वारकर्मीहरुले बुधबार विहानसम्ममा सो भत्किएको भवनको भग्नावशेषबाट ४०२ जनाको शव निकालिएको जनाएका छन् । साथै बङ्गलादेशको राष्ट्रिय सेनाले पनि सो समाचारको पुष्टि गरेको छ ।
उक्त भवन भत्किँदा मृत्यु हुनेको सङ्ख्या चारसय नाघिसकेको र बिहानसम्ममा सो सङ्ख्या ४०२ पुगेको समाचार बङ्गलादेशको सेनालाई उद्धृतगर्दै बुधबारका अन्तर्रर्ााट्रय सञ्चारमाध्यमले जनाएका छन् ।
पाँचवटा जति साना ठूला तयारी पोशाकका कारखाना रहेको आठतले सो भवन बुधबार बिहान भत्किएको थियो । त्यसमा परी घाइते भएका व्यक्तिको सङ्ख्या एक हजार नाघेको पनि समाचारमा जनाइएको छ । (धेरै…)

मे 1, 2013 at 8:00 अपराह्न टिप्पणी छोड्नुहोस्

अफगानिस्तानमा तीन बेलायती सैनिकको हत्या

काबुल-अफगानिस्तानमा तीनजना बेलायती सैनिकको हत्या भएको समाचारमा जनाइएको छ । ती सैनिकलाई बम विस्फोट गर्राई हत्या गरिएको हो ।
बुधबार बिहान अफगानिस्तानका अधिकारी एवम् नेटो सैनिक सहयोग बलले सो विषयमा जानकारी दिएको हो । यस विषयको बेलायती रक्षा मन्त्रालयले पनि पुष्टि गरेको छ ।
मङ्गलबार साँझ सडक किनारामा राखिएको बम विस्फोट गराएर उनीहरुको हत्या गरिएको समाचारमा जनाइएको छ । उनीहरु अफगानिस्तानको नार ए सरोज जिल्लामा नियमित रुपमा गस्तीमा रहेका बेला सडकमा बम राखिएको र उक्त बम नियोजित रुपमा विस्फोट गराइएको बताइएको छ ।
सो गस्ती टोली उक्त बम राखिएको स्थानमा पुगेपछि तालिवानीहरुले दुर नियन्त्रित यन्त्रका माध्यमबाट लुकेर विस्फोट गराएको पनि समाचारमा जनाइएको छ । (धेरै…)

मे 1, 2013 at 7:54 अपराह्न टिप्पणी छोड्नुहोस्


iPhone on Sale

Calendar

मे 2013
सो मं बु बि शु
 12345
6789101112
13141516171819
20212223242526
2728293031