Archive for जुन, 2013

मिडियाले यो गर्न हुँदैन…

image

जुन 30, 2013 at 11:55 बिहान टिप्पणी छोड्नुहोस्

हिजो पन्ध्र असार

असारै मासको दवदवे हिलो, छुनलाई घिन लाग्यो ।
नक्कली मायाँलाई फरिया किन्दा, तीन वीसा रिन लाग्यो ।।
हिजो पन्ध्र असार भएमा दही च्यूरा खाने दिन अरे । अनि जानेमा असारे गीतहरू पनि गाउने दिन । फेसवुकेहरूले फेसवुकको भित्ताभरी पन्ध्र असारको शुभकामना र फोटोले रंग्याए । नेपालमा अहिले यतिखेर जे गर्न पनि महोत्सवको रूपमा गर्ने फेसन चलेको छ । आलु खन्न पनि महोत्सव, मह कड्न पनि महोत्सव । अहिले यतिखेर पन्ध्र असार मनाउन पनि ठाउँ ठाउँमा विभिन्न राजनीतिक पार्टीहरूले महोत्सवकै रूपमा कार्यक्रम आयोजना गरेका छन् । नेपाली युवाजगत विदेश पलायनले गर्दा कार्यक्रममा वढीजसो विदेशीहरू सहभागी भए । खुव राजनीति गर्ने निहु नपाएको चुनावी प्रचारप्रसारमा पन्ध्र असारलाई उपयोग गरे केही पार्टी र संगठनहरूले ।

कैसकसैको फेसबुकमा यस्तो पनि देखियो ।
—————————-
खेत चिरेर घडेरी बनायौ के असार पन्ध मान्छौ साथी
गाई भैंसी बेचेर भट्टी चलायौ, के दही चिउरा खन्छौ साथी
चामल चिउरा, माछा मासु, दुध दही सबथोक विदेशी कै भरमा
दुई-चार हल गोरु नारी विदेशी खैरे जम्मा गर्दै के रोपै महोत्सव मनाउछौ साथी ।।

यो भने रमाईलो लाग्यो ।।।

जुन 30, 2013 at 11:27 बिहान टिप्पणी छोड्नुहोस्

आउनुस् एकैछिन जापानि एन्का सुनौं

जुन 25, 2013 at 4:02 अपराह्न टिप्पणी छोड्नुहोस्

राष्ट्रपतिको स्वास्थ्य अवस्था सामान्य रे…

राष्ट्रपति डा. रामवरण यादवको स्वास्थ्य स्थिति टोकियो अस्पतालले सार्वजनिक गरेको जानकारी नेपाली दूतावासले दिएको छ । राष्ट्रपतिको स्वास्थ्य अवस्था सामान्य रहेको रिपोर्टले देखाएको छ । राष्ट्रपतिको स्वास्थ्य अवस्थामा विभिन्न किसिमका शंका आशंका गर्नेहरु थिए । कोहीले राष्ट्रपतिलाई क्यान्सर नै भएको पनि शंका गरेका थिए । नेपालको अस्पतालले पत्ता लगाउन नसकेको भन्ने कुरा छापाहरुमा बाहिर आएपछि क्यान्सर नै भएको वा क्यान्सर नभए पनि ठूलै केही विरामी भएको कुरा जापानवासी नेपालीहरुले पनि शंका गरेका थिए । तर त्यसको विपरित स्वास्थ्य रिपोर्टले स्वास्थ्य अवस्था सामान्य र उहाँले साविक वमोजिमको खानपान लिईरहनुभएको पनि विज्ञप्तिमा जनाएको छ । उहाँको स्वास्थ्यस्थिति साधारण भएको कुरा पनि जनाएको छ । साँच्चै उहाँको अवस्था सामान्य हो वा ??? केही ??? सामान्य हो भने त अव छिटै डिस्चार्ज भएर नेपाल फर्कने मेसोमेलो मिलाउँदै हुनुहुन्छ कि के छ त ? राष्ट्रपतिको स्वास्थ्यलाइ लिएर केही सामाजिक सञ्जालहरूमा ६० लाखको हिसावकिताव माग्नेहरू पनि छन् । यो रिपोर्टमा केही नभएको भने पनि अब के माग गर्दछन् त उनीहरूले ?

जुन 24, 2013 at 7:08 अपराह्न टिप्पणी छोड्नुहोस्

सक्कली नक्कली मायाँ, चिन्हमा भैजाला भूल

टोकियो विश्वविध्यालय शिक्षण अस्पतालमा उपचाररत नेपालका राष्ट्रपतिको स्वास्थ्य स्थितिको वारेमा नेपाली दूतावासवाट प्रकाशित विज्ञप्ति विभिन्न अनलाईन साईटहरूमा आयो । आफ्नो देशको राष्ट्रपति आफै वसेको देशको अस्पतालमा भर्ना हुनु भएको छ । सवै जापानमा वसेका नेपालीहरूको चासोको विषय वनेको छ राष्ट्रपतिको स्वास्थ्य । दूतावासले २/४ लाईन यसो अगाडिकै कुरा लेख्यो त्यही पनि अंग्रेजीमा, त्यही पनि सादा कागजमा । न त लेटरहेड छ, न त दूतावासको छाप छ, न त आधिकारिक मान्छेको सही नै । (धेरै…)

जुन 23, 2013 at 10:56 बिहान टिप्पणी छोड्नुहोस्

अझै फेरिएको छैन यो होस्टेलको मुहार

२०५३ सालमा क्यापस पढन गएपछि २०५४/०५५ तिर यो हो पिएन क्याम्पस होस्टेल छिरेको । मेरो जीवनको केही मोडहरू र यो पिएनको होस्टेलको केही नाता छ । अघिल्लो वर्ष नेपाल फर्केको वेलामा यो होस्टेलमा गएको थिएँ । होस्टेलको कुक दाईहरू भीम दाई र तुले दाईसँग भेट भएको थियो । मलाई देखेर उहाँहरू आँसु झारूँला झैं गर्नु भएको थियो । PNCAMPUS

जुन 23, 2013 at 12:19 बिहान टिप्पणी छोड्नुहोस्

राष्ट्रपतिको स्वास्थ्य नतिजा सोमवार आउने

जापानको टोकियो विश्वविध्यालय शिक्षण अस्पतालमा स्वास्थ्य परीक्षण गराईरहनु भएका राष्ट्रपति डा़़. रामवरण यादवको परीक्षणको नतिजा २४ तारीक सोमवारसम्ममा आउने जानकारी गराईएको छ । टोकियो नेपाली दूतावासले जारी गरेको विज्ञप्तिमा उक्त कुरा जनाईएको हो ।
image

जुन 22, 2013 at 11:45 अपराह्न टिप्पणी छोड्नुहोस्

सोरठी नाच

sorati-danceसोरठी नाच यतिखेर लोप हुने अवस्थामा छ । केटा मान्छेलाइ केटीको पहिरनमा पहिराएर नचाइने यो नाच अति नै लोकप्रिय छ । सोरठी नाच नचाउने बेलामा गाउँका ठिटाठिटीहरू एक ठाउँमा जम्मा हुन्छन् । यो नै गाउँले क्लवको उदाहरण हो भन्दा फरक नपर्ला ।
हालैका दिनहरूमा रोजगारीको शिलशिलामा युवाहरू विदेश पलायन हुने वाध्यताले गाउँको यी लोकप्रिय नाचहरू पनि विस्तारै हराउँदै जान थालेको आभाष हुन्छ । यो हाम्रो जातीय, राष्ट्रिय सम्पत्ति हो । यसलाइ जोगाएर राख्नको लागि आजबाटै प्रयास गरिएन भने भोलिका दिनहरूमा यस्तो पनि थियो रे भनेर रे को कुरामा नजाला भन्न सकिन्न । लोप हुनु भन्दा अगाडि नै जगेर्ना गर्ने जमर्को नगरे भोलि लोप भएर गइसकेपछि केही गर्न सकिन्न । भोलिका पिंढीलाइ हस्तान्तरण गर्ने हामीसँग केवल फोटो भन्दा अरू केही नहोला ।

जुन 22, 2013 at 6:59 अपराह्न टिप्पणी छोड्नुहोस्

बाढी पीडितको नाममा

भर्खरै नेपालमा आएको प्राकृतिक प्रकोपले थुप्रै मानिसहरूको ज्यान लिएको छ । यसैले जापानमा पनि बाढीपीडितहरूको लागि भनेर सहयोग संकलन गर्न थालेका छन् । विभिन्न संघसंस्थाको नाममा मात्र नभइ व्यक्तिगत रूपमा सहयोग संकलन शुरू भैसकेको छ । कसैले विज्ञप्ति जारी गरेर त कसैले फेसबुक मार्फत सहयोग संकलनमा हातेमालो गर्न सबै व्यक्ति तथा संघसंस्थाहरूलाइ गुहारेका छन् । यो राम्रो कुरा हो तर उठेको रकम पीडितहरूको सहयोगको लागि प्रयोग हुनु पर्दछ । सुत्केरीको नाउँ पारी टाउको मैले खाएँ भने झैं नहोस् । सहयोगको लागि उठेका हातहरूलाइ सलाम छ ।

जुन 22, 2013 at 5:02 अपराह्न टिप्पणी छोड्नुहोस्

बेला काफलको

japanko-kafalयतिबेला साथीभाइहरू काफल टिप्न गएका होलान । ऐसेलु र काफल खाने निहुमा दिनभर बनमा भौतारिएर हिडेको हिजै जस्तो लाग्छ । काफल टिप्न हँसिया खुर्पेटो भिर्यो अनि कम्मरमा छड्के पारेर पुङ्ग भिरेर साथीभाइ बटुलियो अनि बनमा गयो । काफल टिप्यो, खायो, साथीसँग अनेकन कुरा गर्यो, पात बजायो, केटीहरू जिस्क्यायो कति रमाइलो थियो त्यो दिन । के कुरा गर्ने कुरा गरी साध्यै छैन । ती दिनहरू अब आउँदैनन् । अहिलेका केटाकेटीहरू यो संस्कारबाट धेरै टाढा पुगिसकेका छन् । हरेक वच्चाहरू अहिले मोवाइल, कम्प्यूटर खेल्छन् । (धेरै…)

जुन 22, 2013 at 3:14 अपराह्न टिप्पणी छोड्नुहोस्

कुन ठाउँ होला यो ?

कुन ठाउँ होला यो ? चिन्नेलाइ पुरस्कार ….. धन्यवादको ।

gupteshowr-gufa

जुन 22, 2013 at 2:21 अपराह्न टिप्पणी छोड्नुहोस्

वीरेन्द्रको चिठी र फोटो लिलामीमा

birendra-ko-photoपूर्व राजा स्व. वीरेन्द्रको फोटो र चिठी विदेशी एक कम्पनीले लिलामीमा राखेको छ । ४.९९ पाउन्डबाट शुरू भएको उक्त चिठी र फोटोको मूल्य अहिले ४ सय पाउन्ड नाघिसकेको छ । अब लिलामीको समय सकिन १ दिन केही घन्टा मात्र बाँकी छ । तपाइ पनि लिलामी बढाबढ गर्ने भए यहाँ जानुहोस् ।

birendra

जुन 22, 2013 at 2:15 अपराह्न टिप्पणी छोड्नुहोस्

शान्तिको लागि दीप

शान्तिका-लागि-दीपनेपाल घुम्न गएको बेलामा स्वयम्भूमा बत्ति बनाएर बेच्ने मान्छेहरू निकै नै भेटिए । उनीहरूले हामीलाइ बत्ति किनेर बाल्नुस् मनले ताकेको पुग्छ भनेर सम्झाउँदै थिए । हामीहरूलाइ उसले कर गर्दैथिए । मैले भनिदिएँ – बत्ति बाल्ने नबाल्ने मेरो इच्छा हो तपाइले कर गर्नु पर्दैन । बत्ति बालेर नै भगवान खुशी हुने भए पशुपतिमा दैनिक लाख बत्ति बल्दछ त्यसैगरी स्वयम्भू लगायत नेपालका थुप्रै मन्दिरहरूमा दैनिक कति बत्ति वाल्छन त्यसको कुनै लेखाजोखा नै छैन । खै त सबैको मनले ताकेको पुगेको ? खोइ त सबै नेपालीहरू खुशी हुन सकेको ? अनि खै त मान्छेहरूको नियत फेरिएको ?  बरू यहाँ वत्ति किनेर बाल्नुभन्दा त्यहाँ अगाडि माग्न बस्नेलाइ ५ रूपैयाँ दिएँभने मेरो मनको भगवान खुशी हुन्छन होला । तपाइलाइ कस्तो लाग्छ  ? कमेन्ट लेख्नुहोला ।

जुन 22, 2013 at 12:14 अपराह्न टिप्पणी छोड्नुहोस्

नेपाल बन्द होइन यो…

यो फोटो हेरेर नेपाल बन्दको भन्नुहोला । किनकी यतिबेला नेपाल बन्द गर्ने लहर चलेको छ । अर्को कुरा के भने यदि यो फोटो नेपालको हुन्थ्यो भने त विजुली पनि त बन्द हुन्थ्यो होला नि । यो फोटो हो जापानको एक प्रमुख शहरको । रातीको २ बजेतिर खिचेको फोटो हो यो । दिनमा भए मान्छेले ठेलमठेल भएर नेपालको चैत्रे दशैंको झल्को दिन्थ्यो रातमा भएर सुनसान छ । तपाइहरू जापानको टोकियोमा हुनुहुन्छ भने पक्क यो ठाउँमा एक पटक पुग्नुभएको छ । ल अनुमान लगाउनुस् त ? कुन ठाउँ हो यो ? आन्द्रको विरामी भएर राष्ट्रपति जापान आउनुहुने रातको अघिल्लो दिन मैले यो बाटोमा रात काटें । कारण थियो, राष्ट्रपतिलाइ एयरपोर्ट लिन जानेहरूसँग म पनि जाने भन्ने कुरो भयो । म भने केवल एउटा फोटो खिच्नको लागि जान चाहेको थिएँ । नारिता एयरपोर्ट जानुपर्ने, गाडिमा जाने साथीहरू हुनुहुन्थ्यो इकेवुकुरो बाट । विहानको ५ बजे इकेवुकुरो आइनपुगे म जान नपाउने उर्दी थियो । घरै सुतेर विहान निस्कनलाइ ट्रेन थिएन । त्यसपछि त लागेन तातो अनि अघिल्लो राती नै निस्किएँ घरबाट अनि भाैतारिएँ यही सुनसान बाटोमा रातभरी । गर्मीको बेला भएकोले धन्न बाहिर रात काट्न सकियो । रात कटाएपछि विहान ५ वजे इकेवुकुरो पुगें । एनआरएनका जापानका अध्यक्ष अोम गुरूङ गाडीमा हुनुहुँदो रहेछ । उहाँसँग जनजाति महासंघ जापानका अध्यक्ष पनि हुनुहुँदो रहेछ । गाडीमा बसें । त्यही वित्तिकै सुभाषप्रसाद लोहनी र कपिलदेव थापा पनि आउनुभयो । जीवनमै पहिलो पटक नेपालीहरू भनिएको समयमा जम्मा भएको देखें । अनि सररर…. गाडीमा नारिता पुगियो । त्यो दिन गाडीमा मलाइ लिफ्ट दिनुभएकोमा अोम गुरूङलाइ मुरीमुरी धन्यवाद । नारिता पुगेर १ घन्टा कुरेपछि राष्ट्रपति बाहिर निस्कनुभयो । २-४ वटा फोटो पिलिक पिलिक पार्यो अनि फर्कियो । रातभरीको कुरेरै भएपनि फोटो खिच्न पाएँ । खुशी लाग्यो । त्यही दिनको राति खिचेको फोटो हो यो । कुन ठाउँहोला पत्ता लगाउने जिम्मा तपाइहरूको । धन्यवाद ।

sn

जुन 20, 2013 at 10:48 बिहान टिप्पणी छोड्नुहोस्

राष्ट्रपति एयरपोर्टमा…

स्वास्थ्य उपचार गराउन जापान आउनुभएका राष्ट्रपति डा. रामवरण यादव नारिता विमानस्थलबाट अस्पतालतर्फ लाग्ने क्रममा खिचेको फोटो हो यो । अगाडिको सीटमा परराष्ट्रकी कर्मचारी रे । उनी पनि नेपाली बोल्न सक्ने रहिछिन् । राष्ट्रपति यादव निकै थकित मुद्रामा हुनुहुन्थ्यो । उहाँले म ठीकै छु, मेरो चिन्ता नलिनु भन्नुभए पनि थकान उहाँको मुहारमा सीधै झल्किन्थ्यो । rastapati

जुन 20, 2013 at 10:26 बिहान टिप्पणी छोड्नुहोस्

केटाकेटी र कम्प्यूटर

गाउँका केटाकेटीहरूलाइ कम्प्यूटर खेल्न दिंदा कति मजाले रमाएर खेलेका । साँच्चै सँधै यी बच्चाहरूलाइ कम्प्युटर खेल्न दिन पाए नेपालको शिक्षामा पनि केही विकास हुन्थ्यो कि ? सँधै नेपालको एसएलसीमा पास प्रतिशत घटेको घटेकै छ । घोकन्ते विद्यालाइ हटाएर नयाँ प्रविधी अनुसार व्यवहारिक शिक्षा दिन पाए कस्तो हुन्थ्यो ? child-with-computer

जुन 19, 2013 at 8:14 अपराह्न टिप्पणी छोड्नुहोस्

गाउँले विरालो

नेपाल गएको वेलामा गाउँमा खिचेको फोटो हो यो । विरालो कस्तो मजाले रूखमा चढेको । जापानको विरालोहरू खोरमा नै बसिरहन्छ तर नेपालको विरालो त अति चलाख हुन्छ । मुसा मार्ने, रूखमा चर्ने । cat

जुन 19, 2013 at 5:07 अपराह्न टिप्पणी छोड्नुहोस्

कुस्ती अभ्यास (भिडियो सहित)

हरेक कुरामा हामी नेपालीहरु पछि परेका छौं सबैले यसै भन्छन् । तर सोह्रै आना सत्य भने होइन यो कुरा । हामी नेपाली दाजुभाईहरुले पनि विभिन्न ठाउँहरुमा गएर प्रगति गर्नुभएको छ । उन्नति गर्नुभएको छ । कहिलेकाहीं नेपालीहरुले गरेको प्रगतिको समाचारहरु पढन पाउँदा गर्वले फुलेर यो छाती ढक्क बनाउँछ । यी त भए राम्रा पक्ष । तर नराम्रा पक्षहरु पनि छन् । चाहे देश होस या त विदेश । नेपालीहरु सँधै अगाडि पर्ने कुरा हो लड्ने भिड्ने । लड्न र भिड्न भनेपछि नेपालीहरु जता गए पनि अगाडि नै आउँछन् । जापानको सवालमा कुरा गर्नु पर्दा पनि धेरै जसो कार्यक्रमहरु आयोजना गर्दा अन्त्य अन्त्य तिर आएर जवान, वलवाल युवाहरु नलडेको कमै हुन्छ । मलाई लाग्छ, यो कुरामा नेपालीहरुको रगतको मात्रै दोष होइन । हाम्रो संस्कार अनि नेपाल सरकारको लुलो कानूनको ठूलो दोष छ । ल हेरौ त यो काठमाण्डौमा दिउँसो मण्डलै केटाहरुको कुस्ताकुस्ती । प्रहरी ३ जना के गर्ने ? अरू त सबै राजनीतिक नेताहरूको भाषण सुन्न गएका छन् रे । प्रहरीको वर्दी लगाएर हातमा लाठी लिएर पनि २, ३ जनालाई तह लगाउन सक्दैनन् । पिटाई खानेहरु पिटाई खाइरहेका छन् । पिट्नेहरू पिटीरहेका छन् । त्यही पनि पुलिस ठाना हो कि खाना हो को अगाडि नै । यसरी अभ्यास गर्न पाइन्छ नेपालमा र पो जापान, अमेरिका, वेलायत, मलेसिया जता गए पनि लड्नुपर्ने हुन्छ त नेपालीहरुलाई । त्यसैमाथि नेपालमा चुनाव नजिकिंदै छ, त्यसको लागि अभ्यास गरेका हुन् कि ? चुनावको तयारी त राम्रै हुन लागेको जस्तो छ । आउनुहोस् तपाइ पनि सहभागी हुन नपाए पनि यो कुस्तीको अभ्यास हेर्नुहोस् अनि ज्यान तताउनुहोस ।

जुन 15, 2013 at 6:55 अपराह्न टिप्पणी छोड्नुहोस्

नेकपा–माओवादीले फेरि जग्गा कब्जा गर्न थाले

नेपालगञ्ज-नेकपा–माओवादीले बाँकेको फत्तेपुर गाउँ विकास समिति वडा नम्बर ७ मा चार जनाको २९ बिगाहा भन्दा बढी जग्गा कब्जा गरेका छन् । नेकपा–माओवादी सम्बद्ध अखिल नेपाल किसान संघ क्रान्तिकारीले झण्डा गाडेर फिल्मी शैलीमा जग्गा कब्जाको घोषण गरेका हुन् । उनीहरुले फत्तेपुर–७ का पुनम शर्मा र ज्ञानी विष्टको संयुक्त नाममा रहेको १६ बिगाहा ८ कठ्ठा १० धुर र उर्मीलादेवी बर्मा र जुद्धकुमारी अधिकारीको नाममा रहेको १३ बिगाहा जग्गा कब्जा गरेका हुन् । जनआन्दोलनको समयका ऐलानी जग्गा व्यक्तिको नाममा दर्ता गरिएकोले जग्गा कब्जा गरेको नेकपा–माओवादीका केन्द्रीय सदस्य आईपी खरेलले जानकारी दिए । खरेलसहित दर्जन भन्दा बढी नेताहरु गएर जग्गा कब्जा गरेको घोषण गरेका थिए । विगतमा संयुक्त आन्दोलन गर्दा माओवादीले थुप्रै जग्गाहरू कब्जा गरेका थिए । अहिले माओवादी विभाजन भएर दुइ टुक्रा भएको छ भने पुरानै नीतिलाइ पछ्याउँदै वैद्य समुहले जग्गाहरू कब्जा गर्न थालेको हो । त्यसो त द्वन्दकालमा कब्जा गरिएको जग्गाहरू अझै फिर्ता भैसकेको छ, छैन भनेर कुनै निकायसँग सही तथ्यांक छैन । लामो द्वान्दको प्रसव पीडाबाट देशले निकासा पाइ अब संविधान सभा निर्वाचनको तिथिमिति समेत घोषणा भएको अवस्थामा एक समूह कुनै हालतमा चुनाव हुन नदिने जिकिर गर्दै पुरानै शैलीमा जग्गा कब्जा गर्ने, जनतामा त्रास फैलाउने गर्न थालेपछि देशको अवस्था अव कतातिर मोडिन्छ भनेर सजिलै भन्न नसकिने अवस्था रहेको छ ।

जुन 15, 2013 at 3:51 अपराह्न टिप्पणी छोड्नुहोस्

महानगरपालिकाभित्र पोलेथिन झोलामाथि प्रतिबन्ध

काठमाडौँ- काठमाडौँ महानगरपालिका क्षेत्रभित्र आजदेखि पोलिथिन झोलाको प्रयोगमा प्रतिबन्ध लगाइएको छ ।
पोलिथिन झोलाले वातावरण प्रदूषण तथा ढल जाम गर्ने भएकाले त्यसको उत्पादनलाई निरुत्साहित गर्न महानगरपालिकाले यो अभियान सञ्चालन गरेको हो ।
महानगरपालिकाका प्रवक्ता शान्ताराम पोखरेलले व्यवसायी तथा उद्योगीले ३५ माइक्रोनभन्दा बढीका पोलिथिन झोला उत्पादनमा चासो नदेखाएको र त्यसभन्दा मुनिका पोलिथिन प्रयोगका लागि उपयुक्त नरहेकाले प्रतिबन्ध लगाइएको जानकारी दिनुभयो ।
आजदेखि १४ गतेसम्म महानगरभित्रका ३५ वडाका प्रत्येक टोलटोलमा यस अभियान’bout प्रचारप्रसार गरिने छ । पोलिथिन झोला बेच्नेलाई रु एक हजार र किन्नेलाई ५०० जरिवाना गरिने भएको हो ।
स्वास्थ्यकर्मीले पोलिथिनका झोलामा आर्सेनिक रसायन प्रयोग हुने र त्यसले क्यान्सर, छालालगायतका रोग निम्त्याउने भएकाले यस्ता वस्तुको प्रयोगमा प्रतिबन्ध लगाउन सुझाव दिँदै आएका थिए ।

जुन 15, 2013 at 3:32 अपराह्न टिप्पणी छोड्नुहोस्

संविधानसभा निर्वाचन मिति घोषणाको चीनद्वारा स्वागत

काठमाडौँ-नेपाल सरकारले संविधानसभा निर्वाचनको मिति घोषणा गरेकामा चीनले स्वागत गरेको छ । 
छिमेकी मित्रका नाताले संविधानलेखनको प्रक्रियामा चीनको सहयोग रहने उल्लेख गर्दै यहाँस्थित चिनियाँ राजदूतावासले आज जारी गरेको वक्तव्यमा बिनाव्यवधान संविधानसभाको निर्वाचन हुने आशा व्यक्त गरिएको छ ।

जुन 15, 2013 at 3:29 अपराह्न टिप्पणी छोड्नुहोस्

केटाकेटी बन्दा

आज केटाकेटीले झै डक्टर फिसको अनुभव गरें । जापानमा विशेषगरी अोनसेन जाँदा मनोरन्जनको लागि भनेर यस्ता ठाउँहरू पनि बनाइएको छ । हुन त यो वच्चाहरूको लागि बनाइएको हुनसक्छ । तर जापानमा ठूलै मान्छेहरूले पनि यो अनुभव गरेको पाइयो । माछाहरू राखिएको बट्टामा खुट्ट हालेर विजुलीबाट कुन्नी के लगाएपछि माछाहरूले खुट्टामा टेक्न आउने रहेछ । कता कता काउकुती लगाउने अनि चिलचिल गरी टोक्ने । रमाइलै अनुभव हुँदो रहेछ । तर पैसाको हिसावले १० मिनेटको ५०० येन लाग्ने महंगो नै लाग्यो । तर पहिलो पटक गरेको यो डक्टर फिसको अनुभव हेर्नुस भिडियो अनि तपाइ पनि यस्तो ठाउँमा गएको बेलामा अनुभव गर्न नभुल्नुहोला ।

जुन 14, 2013 at 6:56 अपराह्न टिप्पणी छोड्नुहोस्

घुमघामको बेला

आइतवार घुमघाम गर्न गएको बेला खिचेको भिडियो हो यो । एउटा सानो पोखरीमा अटाइ नअटाइ माछा र हाँस थिए अनि कछुवाहरू पनि । दर्शकहरूले चाहरा हालिरहेका थिए तर माछा र हाँसमा कुनै झगडा भएको थिएन । आफ्नो-आफ्नो अगाडि आएको खाना खाँदै थिए । मलाइ लाग्यो यो सानो पोखरीमा पनि कसरी मिलेर बसेका छन् । हाम्रा नेपालको नेताहरू एउटै पार्टीमा नअटेर पार्टी फुटालेका छन् फुटालेका छन् । त्यसैले जनावर तथा पंक्षीहरूबाट सिक्नु पर्नेछ नेपालका नेताहरूले कसरी मिलेर बस्न सक्नुपर्दछ भन्ने कुरा ।

जुन 14, 2013 at 6:07 अपराह्न टिप्पणी छोड्नुहोस्

गुल्मेलीको अधिवेशनको तयारी पूरा

टोकियो- ‘आफ्नो जिल्ला, आफ्नो गाऊँ, हामी सबै मिली बनाऔं’ भन्ने मूल नाराका साथ गुल्मी जिल्लाबाट जापान आई विभिन्न पेशा तथा व्यवसायमा आवद्ध गुल्मेलीहरुको समाज “गुल्मेली समाज जापान”ले यही जून १६ तारिख आईतवारका दिन गर्न गइरहेको दोश्रो अधिवेशन तथा घोषणा सभाको सम्पूर्ण तयारी पूरा भएको जनाएको छ ।
अधिवेशनमा प्रमुख अतिथि नेपाली कांग्रेसका केन्द्रीय सदस्य तथा शिक्षा विभाग प्रमुख चन्द्र भन्डारी रहनुहुनेछ भने विशेष अतिथिमा नेपाली दूतावास जापानका राजदूत डा. मदनकुमार भट्टराइको उपस्थित रहने जनाइएको छ । अधिवेशनमा उपस्थित हुनको लागि जापानमा रहेका विभिन्न संघसंस्थाका प्रतिनिधहरू, अन्य पेशा तथा व्यवसायसँग आवद्ध सबै गुल्मेली तथा नेपालीहरूलाई निमन्त्रणा गरिसकिएको तर कुनै कारणवश निमन्त्रणा प्राप्त गरिनसक्नुभएका महानुभावहरूलाई पनि यसै समाचारलाई निमन्त्रणा मानेर उपस्थित भईदिन पनि अनुरोध गरेको छ ।
सोही अवसरमा वामी सेवा समितिको होमपेज (वेभसाइट) को पनि उद्घाटन गर्ने कार्यक्रम रहेको समितिले बताएको छ ।

जुन 14, 2013 at 5:56 अपराह्न टिप्पणी छोड्नुहोस्

खाद्यान्न समस्या हुने जिल्लामा ४० प्रतिशत अन्न मदिरा उत्पादनमा

rakshiरुकुम-सँधैजसो भोगमरीको समस्याले ग्रस्त दुर्गम जिल्लाहरुमा उत्पादित खाद्यान्नमध्ये ४० प्रतिशत खाद्यान्न मदिरा उत्पादनमा प्रयोग हुने गरेको पाइएको छ । जिल्लास्तरीय खाद्य सुरक्षा सञ्जालको पछिल्लो प्रतिवेदनअनुसार जिल्लाको कलस्टर ए अर्न्तर्गत पर्ने गाविसमा उत्पादन हुने खाद्यान्नमध्ये ७० प्रतिशत खानामा, २० प्रतिशत पशुचौपायालाई खुवाउन र १० प्रतिशत जाँड रक्सी बनाउनमा प्रयोग हुने गरिएको छ । त्यस्तै कलस्टर बी अर्न्तर्गत पर्ने गाविसहरुमा हुने उत्पादनमध्ये ५० प्रतिशत खाद्यान्न खानामा, २० प्रतिशत पशुचौपाया र ३० प्रतिशत खाद्यान्न जाँड रक्सी बनाउनमा प्रयोग हुने गरेको समितिको दाबी छ । (धेरै…)

जुन 14, 2013 at 11:52 बिहान टिप्पणी छोड्नुहोस्

सिवुया टोकियो

Road-Cross-Gardaiटोकियो-टोकियोको अति व्यस्त मानिने ठाउँ सिवुयामा सडक पार गर्दै पदयात्रीहरू ।

जुन 14, 2013 at 11:45 बिहान टिप्पणी छोड्नुहोस्

यौनहिंसाको आरोपमा १ लाख तिराईयो

imageटोकियो-यौनहिंसाको मामिलामा अत्यन्त कठोर कानून रहेको जापानमा पछिल्ला दिनहरुमा नेपालीहरु पनि अनाहकमा यसको शिकार बन्न पुगेका घटनाहरु बढ्न थालेका छन् । विशेषगरी रेलको यात्रा गर्ने क्रममा यसप्रकारका घटनाहरु हुने गर्दछ । हालैका दिनहरूमा यस्ता घटनाहरूबाट नेपालीहरु पनि पीडित बन्न पुगेका छन् ।
केही दिन अगाडि मात्र इण्डियन रेष्टुरेन्टमा काम गर्ने कँडेल थरका एक नेपाली युवक ओता वार्डमा एक जापानी महिलालाई जवरजस्ती गर्न खोजेको आरोपमा पक्राउ परी अहिले उनी मुद्दा खेपिरहेका छन् । उक्त घटनाको जापानका मिडियाहरुले सचित्र प्रसारण गरेका थिए । यस प्रकारका घटनामा नेपालीहरुको संलग्नता हुनुले सारा नेपालीको प्रष्ठिामा आँच आएको यहाँका वुद्धिजीवीहरु बताउँछन् ।
यस्तै प्रकृतिको अर्को घटना फेरि अघिल्लो घटनाको लगत्तै यामानोते लाईनको ओसाकी स्टेशनमा पनि घट्न पुगेको छ । ट्रेन छुट्ने चिन्ताले हतारमा रहेका एक युवक ओसाकी स्टेशनमा दगुर्दा अन्जानवश उनका अगाडि हिडिरहेका जापानी युवा जोडी मध्यका युवतीलाई धक्का लाग्न पुगेको थियो । ती महिलाले आफूलाई खराब नियतले समाउन आएकोले सरासर यौनहिंसा भएको आरोप लगाउँदै नजिकैको प्रहरीमा उजुरी गरेकी थिईन् । सँगै रहेका ती युवतीको केटा साथीले पनि जानीजानी यौनहिंसा भएको भन्दै कानून बमोजिम सजाँय र हर्जानाको दावी गरेका थिए । प्रहरीको फन्दामा परेका आरोपित ती नेपाली युवकलाई ३० मान जरिवाना तिरे छाडिदिने नत्र नछाडिने बताएपछि आफू अन्यायमा परेको भन्दै ती युवकले नेपाली समुदायका एक अगुवासँग सहयोगको याचना गरेका थिए । (धेरै…)

जुन 14, 2013 at 12:36 बिहान टिप्पणी छोड्नुहोस्


iPhone on Sale

Calendar

जुन 2013
सो मं बु बि शु
 12
3456789
10111213141516
17181920212223
24252627282930