Archive for जुलाई, 2013

हिमालयन साँझ-२०१३ को स्मरण

टोकियोमा भएको हिमालयन साँझ-२०१३ मा नेपालका ख्यातीप्राप्त गायकगायिका उदय सोताङ र मनिला सोताङ दम्पत्तिले धमकेदार प्रस्तुतीहरू दिएका थिए । त्यहीबेला खिचेको भिडियो एडिटङ गर्न भ्याइरहेको थिइन् । आज बल्लबल्ल एउटा भिडियो राखेको छु । तपाइ पनि यसो हेरेर टोकियोमा भव्यताका साथ सम्पन्न भएको हिमालयन साँझलाइ स्मरण गर्नुहोस् सहभागीता नहुनुभएको भए यहाँ भिडियो हेरेर भए पनि सहभागिता भएको महशुस गर्नुहोला ।

जुलाई 24, 2013 at 6:37 अपराह्न टिप्पणी छोड्नुहोस्

होइन यो कस्तो प्रमाण पत्र हो ? सक्कली त हो ?

nisha-adhikariअभिनेत्री निशा अधिकारीलाई सगरमाथा चढेको प्रमाणपत्र नेपाल सरकारको संस्कृति, पर्यटन तथा नागरिक उड्डयन मन्त्रालयले प्रदान गरेको छ । २०१३ को मई महिनाको २१ तारिकमा गाइडको रुपमा चढेपनि जसरी चढेपनि निशाले सगरमाथा चढेको प्रमाण हो यो । जुन रुपमा चढेपनि विश्वको अग्लो शिखर आरोहण गर्नु भनेको चानचुने कुरा पक्कै होइन । त्यसैगरी विश्वको अग्लो शिखर चुमेपछि पाइने प्रमाण पत्र पनि चानचुने हुने कुरै आएन । तर नेपाल सरकारको पर्यटन तथा नागरिक उड्डयन मन्त्रालयले दिने प्रमाणपत्रमा भने म केही कमजोरीहरु देख्दैछु । (धेरै…)

जुलाई 24, 2013 at 5:36 अपराह्न टिप्पणी छोड्नुहोस्

कविता

हामी भनेको वीरका सन्तान
लड्नै जन्मेको
लडेरै मरौंला
शरीरमा एक थोपा रगत छउन्जेल
लडी नै रहौंला

जिजुले लडेरे
ईतिहासमा पढें
वाजेले लडेको
बा ले सुनाए
वा ले पनि लडेका रे
आमाले भनिन
त्यसैले त म पनि लड्न चाहन्छु
किनकी
म योद्धाको सन्तान

हामी गर्व गर्छौ लडनेमा
लड्ने भन्दा पनि लडाउनेमा
मर्ने भन्दा मार्नेमा
तर थाहा छैन
म किन लडन चाहन्छु
तर
मैले लडनै पर्छ
किनकी मैले
पूर्खाको विंड थाम्नु छ

जुलाई 17, 2013 at 12:50 बिहान टिप्पणी छोड्नुहोस्

महिलाहरू पनि के कम ?

biramiमहिलाहरू पनि के कम ? भनेर पनि के भन्नु खै ? नगरी सुख ? भन्न पनि नमिल्ने अनि कस्तो कस्तो अप्ठेरो परिरहेको छ नेपालको परिस्थिति । पुरूषहरू कमाउन विदेश जानै पर्ने हाम्रो नेपालको अनिवार्य नियम भैसक्यो अनि गाउँघर समाजमा मर्दा पर्दा महिलाले काम नगरी सुखै छैन । चाहे विरामी वोक्न होस या त अरू नै केही वोक्न महिलाहरू नै कस्सिएका छन् आजभोलि । नगरी पनि के गर्ने ? मानिस परिस्थितिको दास रहेछ भन्ने साँचो रहेछ । परिस्थितिले पारेपछि जे पनि गर्न तयार हुनुपर्ने । तर परिस्थितिसँग जुध्दै जीवन गुजार्नु पनि एउटा सफल जिन्दगीको एक पाटो हो । हिजो पानी बोक्ने महिलाहरू अहिले लास वोक्न पनि पछि परेका छैनन । गाउँमा महिलाले गोरू जोतेको त के कुरा पुरूष सरह कमाउन विदेश हानिने महिलाहरू पनि कम छैनन् । अर्काको देशमा गएर पेट पाल्नु पर्ने, परिवार पाल्नुपर्ने । अझ फराकिलो हिसावले भन्दा नेपालका नेताहरू पाल्नुपर्ने कस्तो विडम्वना यो कहिलेसम्म ?

जुलाई 14, 2013 at 11:42 बिहान टिप्पणी छोड्नुहोस्

म रिपोर्टर अनि मोडल पनि

कुनै दिन यस्तो थियो भर्खर भर्खर जापान आएको जोश जाँगर भिन्दै । नसुति नसुतिकन भए पनि अनेक गरिन्थ्यो । जानी नजानी गरेका ती कुराहरू अहिले हेर्दा रमाइलो लाग्ने रहेछ ।

जुलाई 11, 2013 at 4:03 अपराह्न टिप्पणी छोड्नुहोस्

सिन ओकुवोमा नाइजेरियन पुरूषको चर्तिकला

sinokuboनाइजेरियन एक पुरूषले आज दिउँसो सिन ओकुवोमा चर्तिकला देखाएका छन् । उनबाटै सुनिएको गुनासो अनुसार आफूलाइ विदेशी भएकै कारण जापानी प्रहरीले वाराम्वार चेक गर्ने गरेकोले आफूलाइ रिस उठेको कुरा बताएका छन् । उनको श्रीमती पनि जापानी र जापानीसँग विवाह गरेर लामो समय भएको कुरा गरेका छन् । त्यसो त उनको छोरी पनि १३ वर्ष भएको कुरा उनले सबैलाइ सुनाए । तर कतिले बुझे बुझेनन् भगवान जानून तर मलाइ पनि जापानी प्रहरीले वाराम्वार चेक गरेर हैरानी पार्ने गर्दछ । उसले वारमाथि चढेर तल झर्न मान्दै मान्दैन । पुलिसले जति फकाए पनि तल झर्दैन । नेपालमा भए गोर्खे लौरी लगाईहाल्थे । उ आफै नओर्लिएसम्म पुलिसहरू केही नगरी पर्खेरै वसे ।
(धेरै…)

जुलाई 10, 2013 at 7:11 अपराह्न टिप्पणी छोड्नुहोस्

रेडियो कार्यक्रम र नेपाङ्ग्रेजी

स्रोताहरु हाम्रो टेलिफोनमा एक जना मित्र आइ सक्नु भएको छ । म उहाँलाई स्वागत गर्न चाहन्छु ।
हेलो …. नमस्ते, को कहाँबाट बोल्नु भा’को ?
म रसिला…
के गर्दै हुनुहुन्छ ?
बसिराखेको नि, कति ट्राइ गर्दा पनि फोन नै लाग्दै नलाग्ने भन्या ।
तपाईलाई बधाई छ फोन लाइन पाउनु भएकोमा
थ्याङ्क्यू
वेल कम
भात खानु भयो रसिला जी ?
खाएँ
तरकारी के खानु भयो ?
अ… आलु र वन्दा
ल त रसिला जी तरकारी आलु खानु भए पनि अरु कुरामा भने आलु नखानु होला । अब हामी यसपछि एउटा सुन्दर गीत बजाउने छौं । तपाई कसलाई सुनाउन चाहनुहुन्छ ?
तपाईलाई
थ्याङ्क्यू (धेरै…)

जुलाई 9, 2013 at 1:54 अपराह्न टिप्पणी छोड्नुहोस्

म माथि आक्रमण गर्नेलार्इ पुलिसले नसके म आफैं ठीक पार्छु-चरी

chari donप्रख्यात डनहरू मध्यको एक दिनेश अधिकारी उर्फ ‘चरी’डनले आफूमाथि हमला गर्नेहरूलार्इ नेपालको पुलिस प्रशासनले तह लगाउन नसके आफैले ठीक पार्ने बताएका छन् । प्रेस चौतारी धादिङले धादिङबेसीमा आयोजना गरेको पत्रकार सम्मान कार्यक्रममा भाग लिएर राजधानी फर्कनेक्रममा बा १० च ५९९३ नम्बरको निजी कारमा सवार उनीमाथि गोली प्रहार भएको थियो । उनेले सञ्चारकर्मीहरूसँग अस्पतालबाटै नेपालको प्रशासनले ठीक पार्न नसकेको खन्डमा आफैले ठीक पार्ने चेतावनी दिए । चरीले गरेको यो घोषणा आफ्नो प्रतिद्वान्दीलाइ मात्र नभएर सिंगो नेपालको सुरक्षा व्यवस्था माथिको चुनौती हो, किन भने पुलिस प्रशासनले नसकेको खण्डमा म कानून हातमा लिएर आफै ठीक पार्छु भन्ने आशाय हो । यसले नेपालको सुरक्षा व्यवस्थालाइ गिज्याएको आभाष हुन्छ । किन भने जो सुकैले होस नेपालमा शान्तिको शास फेर्न पाउनु पर्छ । (धेरै…)

जुलाई 8, 2013 at 12:17 अपराह्न टिप्पणी छोड्नुहोस्

माईला दाईका गीत…

धेरै लामो समय पछि माईला दाईलाई फेरि गीत फुरेको छ । माईला दाई विशेष गरी राष्ट्रिय गीत लेख्नुहुन्छ । तर अहिलेको नेपाली राष्ट्रिय गीत लेख्ने व्याकुल माईला दाई भन्नु होला । उहाँ पनि माईला त पर्नुभयो तर व्याकुल माहिला दाई भने उहाँ हुनुहुन्न । देशको अवस्था देखेर उहाँ पनि आकुल व्याकुल त हुनुहुन्छ रे । तर रे को कुरा खै के खै के ? देशको अवस्थाले आकुल व्याकुल भएर अस्ति भर्खर घुमघाम गर्न निस्कनु भाको थियो नयाँ राष्ट्रिय गीत फुरिहालेछ । ल हेर्नुस् उहाँजी शाहाको राष्ट्रिय गीत ।
(धेरै…)

जुलाई 7, 2013 at 5:51 अपराह्न टिप्पणी छोड्नुहोस्

पाउरोटीमा सियो राख्ने पक्राउ परे

panटोकियो-जापानको चिवा प्रान्तको नागारेयामासी एदोगावादाईनिसीमा रहेको कम्बिनी स्टोर्समा विक्रीको लागि राखिएको पाउरोटीमा सियो राख्नेलाई प्रहरीले पक्राउ गरेको छ । प्रहरीका अनुसार पक्राउ परेका २८ वर्षीय तोमोया नागाकीले उक्त क्षेत्रमा रहेको आठवटा भन्दा बढी पसलहरूमा रहेको खाध्य पदार्थमा सियो घुसाएका थिए । उनलाई सेक्युरिटी क्यामेराले खिचेको भिडियो रेकर्डको आधारमा पक्राउ गरिएको थियो । उनले उक्त कार्य आफूले गरेको स्वीकार गरेका छन् । ४ सेन्टीमिटर लम्बाईको सियो घुसारिएको पाउरोटी सोही प्रान्तमा बस्ने एक महिलाले अघिल्लो महिनाको २९ तारिख बेलुका किनेकी थिइन । ३० तारिख विहान पाउरोटी खान लाग्दा सियो भेटिए पछि उनले पुलिसलाई खबर गरेकी हुन् । त्यतिबेला सोही प्रान्तमा रहेको अन्य पसलहरूमा पनि पाउरोटीमा सियो भेटिएको थियो । सो व्यक्तिले के कति कारणले उक्त कार्य गरेको भन्ने कुरा अझै खुलिसकेको छैन ।***

जुलाई 6, 2013 at 11:11 अपराह्न टिप्पणी छोड्नुहोस्

चरी दादा माथि गोली प्रहार

chari donप्रख्यात डनहरू मध्यको एक दिनेश अधिकारी उर्फ ‘चरी’डन माथि अर्को समुहका डनहरूले गोली चलाएका छन् । उनी एमाले निकट युवा संघ नेपाल धादिङ क्षेत्र नम्बर- १ का उपाध्यक्ष हुन ।
प्रेस चौतारी धादिङले धादिङबेसीमा आयोजना गरेको पत्रकार सम्मान कार्यक्रममा भाग लिएर राजधानी फर्कनेक्रममा बा १० च ५९९३ नम्बरको निजी कारमा सवार उनीमाथि गोली प्रहार भएको हो । उनी आफैंले कार चलाएका थिए । उनको दाहिने पाखुरामा गोली लागेको छ । अधिकारीको त्रिवि शिक्षण अस्पताल महाराजगञ्जमा उपचार भइरहेको छ । अस्पतालमा भर्ना गरिएको चरी डन अहिले यतिखेर बल्ल बोल्न सक्ने अवस्थामा फर्किएका छन् । रातभर उनी वेहोस भएका थिए । (धेरै…)

जुलाई 6, 2013 at 1:22 अपराह्न टिप्पणी छोड्नुहोस्

कुटपिट गरेको ठहरेमा १० हजार जरिवाना र ४ वर्ष जेल मात्र…

imageशिक्षा दिने गुरूलाई भगवान सरह मानिन्छ । संसार देखाउनको लागि शिक्षाको माध्यमवाट भित्री आँखा खुलाईदिने पनि गुरू नै हुन् । गुरूको योगदानलाई कदर गर्नको लागि एकलव्यले आफ्नो दाहिने हातको बुढी औंला नै काटेर गुरू दक्षिणा चढाएको कथा हामी सबैले पढेकै छौं । आजभोलि पनि गुरूलाई मान सम्मान गर्नको लागि गुरू पूर्णिमा मनाउँछौं नै । त्यसो त गुरूले चेलाहरू माथि अन्याय अत्यचार गर्ने परिपाटी उहिल्यैदेखि थियो भन्ने कुराको अडकल एकलव्यको कथा पढेर थाहा लाग्छ । आफूले मन पराएको चेलालाई माथि पुर्याउन गुरूले एकलब्यको दाहिने औंला गुरूदक्षिणा मागेको भनिन्छ । (धेरै…)

जुलाई 6, 2013 at 1:51 बिहान टिप्पणी छोड्नुहोस्

के भन्नुभयो त राष्ट्रपतिले जापानमा ?

विरामी भएर अघिल्लो महिना जापान आउनु भएका राष्ट्रपतिले टोकियोमा भएका नेपालीहरूसँग के भन्नुभयो त ? हेर्नुहोस भिडियो ।

समय अभावको कारणले भिडियो अपलोड गर्न ढिलो भएकोले क्षमा प्रार्थी छु ।

जुलाई 5, 2013 at 10:18 अपराह्न टिप्पणी छोड्नुहोस्

एकै रातमा करीव रू. १२ लाख रन्डीवाजीमा

टोकियो – नाईट लाईफको लागि प्रसिद्ध मानिने टोकियोको रोपोङ्गीमा हालै एकजना नेपाली एकैरातमा करिव १२० मान येन (नेरु करिव १२ लाख) लुटिन पुगेका छन् ।

कामधन्दाबाट बेलैमा निस्केर फ़्रेश हुन रोपोङ्गी झरेका दुई नेपालीमध्यका एक एकैरातमा नगद र क्रेडिट कार्डको प्रयोग गरी करिव १२० मान लुटिएका हुन् । उनलाई रोपोङ्गीको एक डिस्कोमा भेटिएका बिदेशी युवतीहरुले मादक पदार्थ सेवन गरेर करिव बेहोस भएको अवस्थाको मौका छोपी क्रेडिट कार्डबाट सय मान भन्दा बढिको किनमेल गराएका थिए भने साथमा भएको नगद करिव १२ मान पनि लगेको बुझिएको छ । (धेरै…)

जुलाई 5, 2013 at 9:29 अपराह्न टिप्पणी छोड्नुहोस्

पैसा छपाइमा लापरवाही

khoti-money
नेपालमा सबै कुरामा लापरवाही त छ नै । तर पैसा जस्तो कुरामा पनि नेपाल राष्ट्र बैकले गरेको लापरवाही नै यही नमूना हो । नेपाली पैसामा लेख्ने, कोतर्ने, आफ्नो ठेगाना लेख्ने त्यति मात्रै नभएर लभ लेटर नै लेख्ने चलन पनि छ । नेपालको पैसा त यति फोहोर हुन्छ कि भनि साध्यै छैन । ल हेर्नुस् यो पैसा कस्तो हुनु पर्नेमा कस्तो छापिएको छ ।

जुलाई 3, 2013 at 1:18 अपराह्न टिप्पणी छोड्नुहोस्

बाघमारे खुल्ला दिसामुक्त गाविस घोषित रे

संसारका अन्य मुलुकहरूले विभिन्न क्षेत्रमा गरेको विकासको कुरा गरेरै साध्य छैन अहिले । हिजो ढुंगे युगबाट शुरू भएको भनिएको मानव इतिहास अहिलेको विकसित राष्ट्रहरूको विकासले गर्दा ती कुराहरू दन्त्य कथा झैं लाग्न थालिसके । विकासले नै मान्छे चन्द्रमामा वास खोज्न थालेका छन् भने अन्य ग्रहहरूमा पनि कतै मानव वस्ती बसाउन सकिन्छ कि भनेर रातदिन खोजी गर्दैछन् ।

यी त भए मानवले गरेको आधुनिक विज्ञानको कुरा । त्यति मात्रै नभइ हाम्रै छिमेकी राष्ट्र भारत र चीनलाइ हेर्ने हो भने पनि विकासको फड्को मारेर कता हो कता पुगिसके । ६० वर्ष अगाडि नेपालले सहयोग गरेको चामलको भात खाएर पेट भरेका कोरिया अहिले आर्थिक रूपमा धेरै नै माथि पुगिसकेको छ । संसारका अन्य राष्ट्रहरू कसरी आफ्नो नागरिकहरूलाइ रोग र भोक मुक्त गर्ने भनेर रातदिन लागि परेका छन् । हाम्रो नेपालमा भने २१ अाै शताब्दीमा आएर पनि खुल्ला दिसामुक्त क्षेत्र घोषणा गर्दैमा फुर्सद छैन । सकिन्छ भने हड्ताल मुक्त बनाउ, देशमा भयमुक्त वातावरण बनाउ, बेरोजगारीबाट मुक्त बनाउ । हुन त खुल्ला दिसामुक्त पनि नगरी हुँदैन तर यो नै के के न ठूलो कुरो गरेको झैं यसो गरें भनेर नभन्दा पनि फरक नपर्ला हैन र ? संसारमा अन्य मुलुकहरूले कतिठूला ठूला कुरा व्यवस्थापन गरेर कीर्तिमान राखेका छन् नेपालमा भने खाएको फाल्न पनि व्यवस्था गर्न नसकेर यति वटा गाउँ दिसामुक्त र उति वटा गाउँ के मुक्त । अचम्म लाग्छ बा …..
(धेरै…)

जुलाई 2, 2013 at 4:14 अपराह्न टिप्पणी छोड्नुहोस्

भाइरल ज्वरोका कारण लमजुङ कारागारका कैदी बिरामी

लमजुङ-केही दिनयता फैलिएको भाइरल ज्वरोले लमजुङ कारागारका बन्दीहरू थलिएका छन् ।
कारागार स्रोतका अनुसार झन्डै २५ जना बन्दी बिरामी छन् । कारागारमा एक नाबालिकासहित ७६ जना बन्दी रहेकामा भाइरल ज्वरो अन्य बन्दीलाई समेत सर्ने सम्भावना रहेको बताइएको छ ।
‘घ’ श्रेणीको लमजुङ कारागारको क्षमता २५ जना रहे पनि तेब्बर कैदीबन्दी भएपछि उनीहरूलाई सुत्ने र खान बस्नको समस्या रहेको छ ।
बिरामी परेका कैदीबन्दीलाई सोमबार कारागारमै उपचार गरिएको छ । लमजुङ जिल्ला सामुदायिक अस्पतालबाट खटिएका डाक्टरसहितको स्वास्थ्यकर्मीले उपचार गरेको कारागारका खरिदार सागर बरालले जानकारी दिनुभयो । दुइ/तीन दिनअघि केही बन्दीमा देखापरेको भाइरलले सोमबारसम्ममा २५ जना बिरामी परेका छन् ।

जुलाई 2, 2013 at 3:56 अपराह्न टिप्पणी छोड्नुहोस्

पाउरोटी खानुहुन्छ ? होशियार, पाउरोटीमा सियो भेटियो

panवेलुकी अवेरसम्म काम गर्‍यो कोठामा गएपछि नुहायो अनि थाकेको ज्यान त्यतिकै लखतरान पर्दै जान्छ त्यही माथि ओच्छ्यान देखेपछि त केही गर्न नै मन लाग्दैन । अनि यसो विस्तारामा पल्टियो फेसवुकमा केहीवेर भुल्यो अनि त निदाईहालिन्छ, विहान उठदा कलेज जान ढिलो भैसकेको हुन्छ । अनि के गर्ने खाना पकाउन त भ्याईदै भ्याईदैन । उठेर मुखमात्र धोयो अनि लाग्यो झोला बोकेर स्कूलतिर । स्कूलमा आधा घन्टा व्रेक हुन्छ त्यही बेलामा कम्विनीमा गयो यसो पान सान ओनिगिरी के के हुन्छ खायो त्यही सजिलो । (धेरै…)

जुलाई 1, 2013 at 12:23 अपराह्न टिप्पणी छोड्नुहोस्


iPhone on Sale

Calendar

जुलाई 2013
सो मं बु बि शु
1234567
891011121314
15161718192021
22232425262728
293031