माईला दाईका गीत…

धेरै लामो समय पछि माईला दाईलाई फेरि गीत फुरेको छ । माईला दाई विशेष गरी राष्ट्रिय गीत लेख्नुहुन्छ । तर अहिलेको नेपाली राष्ट्रिय गीत लेख्ने व्याकुल माईला दाई भन्नु होला । उहाँ पनि माईला त पर्नुभयो तर व्याकुल माहिला दाई भने उहाँ हुनुहुन्न । देशको अवस्था देखेर उहाँ पनि आकुल व्याकुल त हुनुहुन्छ रे । तर रे को कुरा खै के खै के ? देशको अवस्थाले आकुल व्याकुल भएर अस्ति भर्खर घुमघाम गर्न निस्कनु भाको थियो नयाँ राष्ट्रिय गीत फुरिहालेछ । ल हेर्नुस् उहाँजी शाहाको राष्ट्रिय गीत ।

यस्तो छ गीत-
हिमाल पहाड तराई
हिमाल पहाड तराई नेपाली जीवन अङ्ग

एकता नै नेपाली प्राण रस-रङ्ग
गाँसेका छौँ अन्न जलले यही भूमिमा
छापेका छौँ अटल हिमाल यही छातीमा

हाँसो खुसी नेपालीको नेपाल आमा मूल
बगैँचामा रङ्गीचङ्गी विविध नेपाली फूल
यहाँकै उब्जाउने माटो छानेका फैली बाटो
यहाँ नै फाटो ल्याउने कुरेका बैरी बाठो

हिमाल पहाड तराई नेपाली जीवन अङ्ग
एकताको धागो छिने हुन्छौँ भताभुङ्ग