Posts filed under ‘प्रमुख समाचार’

शुरू गर्यो गुगुलले नेपाली भाषाको अनुवाद पनि…

गुगलले नेपाली भाषाको अनुवाद शुरू गरेको छ । शब्द, वाक्यदेखि ग्रामर सबै ट्याक्कै नमिले पनि नेपाली भाषालाइ संसारको अन्य ७९ भाषाहरूमा परिवर्तन गरेर हेर्न भने सकिने भएको छ ।
सायद अहिले देखिएको कमीकमजोरीहरू विस्तारै सच्चिंदै जानेछन् । कस्तो अनुवाद गर्दछ त हेर्नुहोस् केही उदाहरणहरू ।
google-nepali

डिसेम्बर 12, 2013 at 4:18 अपराह्न टिप्पणी छोड्नुहोस्

पोखरामा जमीन भासियो, पोखरावासी त्रासमा

पोखरा-पोखराको उत्तरी भेगमा पर्ने अर्मलास्थित मजुवा खहरेमा जमीन भासिएर भ्वाङ पर्न थालेपछि स्थानीयवासीहरूमा गाउँ नै भासिएर जाने हो कि भन्ने त्रास उत्पन्न भएको छ । त्यसो त पोखराको अन्य ठाउँमा वसोवास गर्नेहरूमा पनि त्रास उत्पन्न गराएको छ ।

जमीन भासिएर भ्वाङ पर्न थालेपछि यतिखेर ५० घर परिवार विस्थापित हुने अवस्थामा रहेको छ । अघिल्लो दिनहरूमा परेका भ्वाङ बढ्दै जानु मात्र नभइ नयाँ ठाउँमा अन्य भ्वाङ देखिंदै जानुले अझै त्रास फैलाएको हो । ‘कम होला भन्दा झन-झन बढ्दै गइरहेको छ, यसले गाउँलेहरूमा भयको वातावरण सृजना गरेको छ’-अर्मला गाविसका सचिव रामचन्द्र पौडेलले भने । केही परिवारले घरका सामान अन्तै सारेका छन् भने केही परिवारका दिउँसो मात्रै घर आउने र राती आफन्तकोमा वास वस्न जाने गरेको स्थानीयहरू बताउँछन् ।

घरको ’roundमात्रै नभइ भान्सामानै भ्वाङ परेपछि घर नछाडेर के गर्नु? पूर्णकुमारी विकले त्रासपूर्ण भावमा भनिन । भ्वाङ परेका ठाउँमा कतै पानी जमेर इनारजस्तो बनेको छ त कतै सुख्खा प्वाल देख्न सकिन्छ । (धेरै…)

नोभेम्बर 30, 2013 at 3:22 अपराह्न टिप्पणी छोड्नुहोस्

लाहुरे वेलायतमा, जग्गा अर्कैको नाममा

 पोखरा-‘सोझाको एक दाउ, ठगको सय दाउ’ भन्ने उखान यतिखेर नेपालमा हावी भएको छ । विशेष गरी लाहुरेहरूको शहर भनेर चिनिने पोखरामा यतिखेर विदेशमा भएका लाहुरेहरूका जग्गा ठगहरूले जाली कागजपत्र बनाइ वेचविखन गर्ने धन्दा फस्टाएको छ ।

वेलायत सरकारले भूतपूर्व गोर्खाहरूलाइ वेलायतमा स्थायी बसोबासको अवसर दिएपछि लाहुरेहरू स-परिवार वेलायतिर लागेका छन् । कतिपयले आफ्नो नाममा भएको घरजग्गा आफन्तको जिम्मामा लगाएका छन् भने कतिपयको घरजग्गा विना रेखदेख त्यसै थन्किराखेको अवस्था छ । यही अवस्थाको फाइदा उठाउँदै  ठगहरूले नक्कली जग्गाधनी बनेर अर्कैको जग्गा विक्री गरेको घटनाहरू बढ्न थालेका छन् । लालपूर्जा मात्र नभइ नागरिकता नै नक्कली बनाएर अर्कैको जग्गा बेचेको अभियोगमा काभ्रे बन्थलीका कृष्ण र उनलाइ सहयोग गरेकी अनिता शर्मा यतिखेर जेलको हावा खाँदै छन् । त्यसो त उनका अन्य सहयोगी सहित मुख्य योजनाकार भने अझै वेपत्ता रहेको अवस्था छ । (धेरै…)

नोभेम्बर 30, 2013 at 2:00 अपराह्न टिप्पणी छोड्नुहोस्

जापानकै जस्तो घर अब नेपालमा ठडिने

japanese-houseपोखरा-विकासले आकाश चुमे पनि, शहरमा ठूला-ठूला गगनचुम्वी महलहरू ठडिए पनि विदेशीका लागि जापान भन्ने वित्तिकै झट्टै मानस्पटलमा आउने कुरा हो ‘सुसी’ र एकै खालका चिटिक्क परेका खेलाउना जस्ता स-साना घर । एउटै डिजाइनका, एउटै रंगका अनि सानो घरभित्र सबै कुराको सुविधा हेर्दा पनि औधी राम्रा हुन्छन् । त्यसो त यी जापानी प्रविधीका घरहरू अब नेपाली भूमिमा पनि ठडिने भएका छन् । नेपाल र नेपालीका लागि उयुक्त हुने विश्वासका साथ जापानी प्रविधिका घरहरू नेपालमै निर्माण गरिन लागेको हो । सस्तो, बलियो र खतरामुक्त यस्ता घरबाट नेपालका मध्यम तथा उच्च वर्गीय नेपालीले फाइदा उठाउने निर्माणकर्ताको दावी छ । यतिखेर पोखराका युवा सुन्दर पौडेलले घर निर्माणको जापानी प्रविधि नेपाल भित्र्याएका हुन् । नेपाल इस्सुइसा प्रालि स्थापना गरेर उनले काठ र स्टिलबाट घर तथा भवनहरू बनाउने प्रविधिको सुरुवात गरेका हुन् । कम्पनीले लेखनाथ बुढीबजारमा काठ र स्टिलबाट घर तथा भवन तयार गरिसकेको छ । ६० वर्षभन्दा लामो समयदेखि घरजग्गा तथा निर्माण व्यवसायमा सक्रिय जापानी कम्पनी इस्सुइसा कर्पोरेसनको सहकार्यमा पौडेलले उक्त प्रविधि नेपालमा भित्र्याएका हुन् । जापानमै इन्जिनियरिङ पढेर त्यहीं व्यावसायिक अनुभवसमेत हाँसिल गरेका उनले न्यूनतम मूल्यमा बन्ने काठ तथा स्टिलबाट निर्मित घर भूकम्प प्रतिरोधात्मक पनि हुने जानकारी दिए । ‘नेपालमा चलन चल्तीमा रहेको निर्माण प्रविधिको सट्टा वातावरणमैत्री र मानवीय स्वास्थ्य अनुकूल घर निर्माण गर्ने नेपाल इस्सुइसा प्रालिको उद्देश्य हो,’ पत्रकार सम्मेलनमा उनले भने । (धेरै…)

नोभेम्बर 28, 2013 at 9:00 अपराह्न टिप्पणी छोड्नुहोस्

चुनावमा घरघडेरी सके, हारेपछि तिहारपछिको जुवाडे झैं एकोहोरिएका छन्…

यसपालीको निर्वाचनमा करोडौं रुपैयाँ खर्च गरेर पनि दर्जनौं उम्मेदवारले हार व्यहोर्नुपर्यो । कसैले चुनाव जित्न पुर्खाको सम्पत्ति नै बेचे भने कसैले जग्गा धितो राखेर बैंकबाट ऋण लिए । निर्वाचन जितेपछि कमाउँला भन्ने आशले करोडौं खर्च गरेका उम्मेद्वार हारेपछि भने पुर्पुरोमा हात राखेर झोक्राइरहेका छन् । बेफ्वाँकमा घर र जग्गा गुमाएर निर्वाचनमा भाग लिएकाहरु अहिले हारेको जुवाडे झैं भएका छन् । कसैको घर उड्यो, कसैको जग्गा लिलाम हुँदैछ । धादिङ क्षेत्र नम्बर ३ एमाले उम्मेदवार राजेन्द्र पाण्डेदेखि भक्तपुरका काँग्रेस उम्मेदवार रामेश्वर ढुंगेलसम्मले चुनावमा घर जग्गा बेचेका रोचक खबरहरु धमाधम प्राप्त भइरहेका छन् । पाण्डेद्वारा गत मंसिर ८ गते धादिङको मलेखु खोलाको बगर अर्थात् मलेखु दोभानमा ठूलै पिकनिकको आयोजना गरियो । त्यो पिकनिकमा कुल २ सय किलो मासु पुग्ने खसीहरु ढालिएका थिए । रक्सीको छेलोखेलो थियो । पिकनिकमा सहभागी हुन कृष्णभिरदेखी नौविसेसम्मका मानिस ओइरिएका थिए । त्यो पिकनीक अरु कसैले हैन, धादिङ क्षेत्र नम्बर ३ बाट संविधानसभामा निर्वाचित एमाले नेता राजेन्द्रप्रसाद पाण्डेले आयोजना गरेका थिए । राजेन्द्र पाण्डेले मंसिर ८ गते आयोजना गरेको पिकनिक यो चुनावी अभियानको अन्तिम भोज भत्तेर थियो । पाण्डेले निर्वाचन आउनु एक महिना अघिदेखि नै धादिङका विभिन्न गाउँहरुमा यस्तै खालको भोज भतेर लगाए । धादिङ क्षेत्र नम्बर ३ मा लेकतिर रहेका दुर्गम गाउँमा पुगेर राजेन्द्रले राँगा भैसी ढाल्न लगाए । चेपाङ वस्तीहरुमा पुगेर जनही पाँच-पाँच हजार रुपैयाँ बाँडेको उनकै निकट कार्यकर्ता बताउँछन् । ‘व्यक्ति व्यक्तिलाई पैसा बाँडनु पर्यो । (धेरै…)

नोभेम्बर 28, 2013 at 4:42 अपराह्न टिप्पणी छोड्नुहोस्

होइन चुनाव त सकिइसकेछ क्या हो ?

निर्वाचन आउनु अझै २ दिन पुरा बाँकी छ । तर नेपाल निर्वाचन आयोजको होम पेजमा त संविधान सभा सदस्य निर्वाचन २०७० त ०० दिन बाँकी भनेर पो देखाउँछ त वावै । कि मैले त्यस्तो देखेको हो ? तपाई पनि एक पटक चेक गर्नुहोस त । यो के अचम्म हो ? हिजो राती म सुतिराखेको बेलामा निर्वाचन सकिईसकेछ कि क्या हो ? म त झसंगै भएँ बा ।

nirbachan
अनि फेरि मतदाता नामावलीमा मेरो नाम छ कि छैन भनेर यसो हेर्न खोजेको त यस्तो पो आउँछ त …. । त्यहाँ लेखिएको छ, जिल्ला, गाविस र वडा छान्नुहोस् नदेखिएमा Ctrl+F5 क्लिक गर्नुहोस् अरे । क्या हसाउँछ वा । Click गर्ने कि Press हो ? निर्वाचन आयोजको ताल त यस्तो छ चुनावको ताल कस्तो होला ?

error-name-list

 

नोभेम्बर 16, 2013 at 12:24 अपराह्न टिप्पणी छोड्नुहोस्

कस्ता छन् त नेपालका खानेकुराहरूको अवस्था ?

नेपालीहरुको दोस्रो महान पर्व तिहार आगनकै डिलमा आईसक्यो । यतिवेला के गाउँ के शहरबजार जताजतै मानिसहरु तिहारको रमझममा रमाएका छन । आफ्नो गच्छेले भ्याए सम्मको मेसोमेलो मिलाएर, मीठा-मीठा खाने कुरा जुटाएर वर्षमा एक पटक आउने चाडवाड मनाउने तयारी गरिरहेका छन । विशेष गरी तिहारको पर्व मिठाइका परिकारहरु खाने चाडले पनि चिनिन्छ । तपाईहरु मध्ये पनि कतिपय यस पटकको तिहारमा मिठाइ खाएर तिहार मनाउने योजनामा हुनुहुन्छ भने एकैछिन यो हेर्नुस अनि सोच्नुस । के तपाईले खाने मिठाइहरु साँच्चिकै स्वास्थ्यको हिसावले खाना लायक छन त ?
भर्खरै नेपाल खाद्य प्रविधि तथा गुण विभागले खाद्य पदार्थको गुणस्तर कायम गर्न विभिन्न कार्यक्रमहरु संचालन गर्दै आईरहेको थियो । दशैं, तिहार, छठ लगायतका नेपाली मुख्य चाडहरुको अवसरमा खाद्य वस्तुहरुको विक्री पनि बढी नै हुने हुनाले यस वेला व्यवसायीहरुबाट लापरवाही गर्ने सम्भावना रहेकोले यो अवसरमा वर्षोनी अनुगमन टोलि खटाइन्छ । केही वर्षअगाडि पनि नेपाली मनहरुले मन पराएको लोकप्रिय मिठाइमध्येको गुँदपाकमा गरिएको लापरवाहीलाई अनुगमन टोलिले उदाङ्गो पारेपछि सबै मान्छेले जिब्रो टोकेका थिए । यसपटक पनि विभागले छापा मार्दा भेटिएका लापरवाहीहरुको केही नमूना हेर्नुस । यो हेर्दा के तपाईले दैनिक उपभोग गर्ने खाद्य पदार्थहरु साँच्चै सुरक्षित छन् त ? (धेरै…)

नोभेम्बर 1, 2013 at 8:09 अपराह्न टिप्पणी छोड्नुहोस्

कला आ-आफ्नो

संसारकै सबैभन्दा चेतनशील प्राणी मान्छे हो । अन्य जीवित प्राणीहरूको तुलनामा मान्छेले जन्मिंदा खासै केही त्यस्तो विशेषता बोकेर आएको हुँदैन उही एक मुठी साइजको मस्तिष्क बाहेक । त्यही मस्तिष्कलाइ प्रयोग गरेर मानिसले यो संसारलाइ नै एकललौटी प्रयोग गरिरहेको छ । त्यसो त केही मानिसहरु विभिन्न खालको नयाँ सोच र नयाँ प्रयासहरुबाट अनौठो अनौठो किसिमको काम तथा व्यवहारहरु पनि देखाउन सक्षम हुन्छन् । यस्तै एक जापानी नागरिकले आफ्नो हातका औंलाहरुको सहयोगले अति नै मन्त्रमुग्ध पार्ने खालको ध्वनी निकालेर हजारौं मानिसहरुलाई चकित पारेका छन् । हेरौं मिचुहिरो मोरी नाम गरेका एक जापानी नागरिकको हातको सहयोगमा अनौठो साँगीतिक कला ।

अक्टोबर 19, 2013 at 6:28 अपराह्न टिप्पणी छोड्नुहोस्

अल्ट्रालाइट विमान दुर्घटनामा दुइको मृत्यु

plain
पोखरा-पर्यटकलाई दृश्यावलोकनका लागि उडेको अल्ट्रालाइट विमान विहीवार बिहान ९ बजे पुग्दीभुम्दी गाविसको शान्तिस्तूप डाँडामा दुर्घटना हुँदा दुइ जनाको मृत्यु भएको छ ।
मृत्यु हुनेमा विमानचालक क्याप्टेन स्टेभेन श्रेष्ठ र र चिनियाँ पर्यटक जुन लियु छन् । सख्त घाइते भएपछि उनीहरुलाई उपचारार्थ चरक अस्पतालमा ल्याइएको थियो । घाइते दुइको उपचार गर्दागर्दै मृत्यु भएको जिल्ला प्रहरी कार्यालय कास्कीले जनाएको छ । पोखरामा आज बिहानैदेखि पानी परेको र डाँडाकाँडा कुहिरोले ढाकेकोले विमान सन्तुलनमा लिन नसक्दा खसेको अनुमान प्रहरीले गरेको छ ।

अक्टोबर 3, 2013 at 4:24 अपराह्न टिप्पणी छोड्नुहोस्

मेरो फेसबुक …

पोखराबाट निस्कने समाधान राष्ट्रिय दैनिक म विदेशमा बसेपनि दैनिक जसो हेर्ने गर्दछु । जुन पत्रिका स्थापनाको लागि आफ्नो पनि त्यतिकै मायाँ र लगाब रहेको पत्रिकालाइ मायाँ नगर्ने त कुरै भएन । पहिले पहिले समाधानको वेभ पेज बनिसकेको थिएन । तर अहिले वेभपेज खोलेर पत्रिकाको पिडिएफ फाइल अपलोड गरेपछि त हामी जहाँ सुकै भए पनि पत्रिका नै पढे जसरी पत्रिका हेर्न पाउँनु खुशीको कुरा हो ।
समाधानमा काम गर्ने बेलामा कहिलेकाहीं यसो लेख रचना लेख्ने गर्दथें । त्यसपछि यता आएपछि कहिले काहीं नेपाल जाँदा साथीहरू भेटन जाने भन्दा अरू बढी केही हुँदैनथ्यो । तर आज समाधान हेर्दा मेरो फेसबुक वाल समाधानको फेसबुक स्तम्भमा छनोट भएको रहेछ । हाँसो पनि लाग्यो, खुशी पनि लाग्यो । जे होस् समाधानले यतिखेर पुरानै पेज संख्यामा फर्किएर नयाँ नयाँ स्तम्भहरू राखेकोमा खुशी तथा बधाइ छ । थुप्रै पाठकहरूको मन जित्दै जाअोस् । यही कामना छ । facebook

अक्टोबर 3, 2013 at 3:34 अपराह्न टिप्पणी छोड्नुहोस्

विदेश मोह

bideshko-mohaम पनि विदेशबाट नै यो ब्लग लेख्दैछु । नेपालीहरुलाई विदेशको भुत चढेको छ । के युवक, के युवती सबै विदेश । के पढेका के नपढेका सबै विदेश । गाउँघरतिर गयो भने अहिले शुन्य छ, सबै बुढाखाडा मात्रै । विदेश गएर आएकाहरुको कुरै अर्को, उनीहरुको रहनसहन र वोलीचाली नै अर्कै । विदेशमा जस्तोसुकै काम गरोस नेपाल फर्केपछि फूर्ती नै अर्को हुन्छ । त्यही कुराले लोभ्याए पछि जान पर्ने त जाने नै भए विदेश, जान नपर्ने पनि विदेश हानिएका छन् । माथिको फोटो हेर्नुहोला यो कुनै आन्दोलनको भीड होइन । यो विदेश जानको लागि पासपोर्ट बनाउनेको भीड हो । सरकारी तथ्यांक अनुसार रोजगारका लागि प्रतिमिनेट एक युवा विदेशिने गरेको तथ्य पत्ता लागेको छ । त्यो तथ्यांकमा पुनः श्रमस्वीकृति लिनेहरुलाई गणना गरिएको छैन । उनीहरु समेतलाई गणना गर्ने हो भने त दैनिक २ हजारभन्दा बढी नेपालीहरु विदेशिने गरेको पाइएको छ । सबै विदेशिने हो भने देश कस्ले बनाउने हो ? देश फर्क अभियानमा कुनै संघसंस्था वा सरकारको ध्यान कहिले जाला ?

सेप्टेम्बर 27, 2013 at 7:54 अपराह्न टिप्पणी छोड्नुहोस्

नेपाली मेला सवैलाई मज्जैमज्जा

सँधैको वर्ष जापानमा नेपाल फेस्टिवल हुने समयमा म भने नेपालतिर हुन्थें दशैं मनाउन । यसपटक भने वल्ल मेला हेर्ने मौका जुर्यो । “आ उएनो एकी…” भन्ने गीत धेरैपटक सुनेको तर घुम्न भने नगएको वल्ल अवसर पर्यो । पशुपतिको जात्रा सिद्राको व्यापार भने झैं । मेला पनि हेरूँ, उएनो पनि घुमुँ, अनि जापानमा कामको व्यस्तताले धेरै समयसम्म भेट नभएको साथीभाई पनि भेटुँ भनेर लागें लखरलखर मेला तिर । हुन पनि यो मेला एक अपरिहार्य वनेको महसुस भयो । मेलाले हामीलाई भेटने मौकाको सृजना गरायो । यही चाडमा भेट्ने वाचा गरेका अरूहरू पनि भेटिए मेलामा । धन्नधन्न तुहिएको मेलामा भेटने वाचा भने पोहोरकै मेलामा गरेका रहेछन । यो पटक महिला दिदीवहिनीहरूले धन्न नेपाली फेस्टिवललाई निरन्तरता दिए र ती वाचा गरेकाहरूले भेटनै मौका पाए, तिनीहरूले वर्ष भरी भएगरेका कुराहरू एक आपसमा भनेर सिध्याए, २/४ केस वियरको ट्याङ्को पनि रित्याए । मनका कुराहरू नत्र वाचा तुहिएरै जाने रहेछ । मेलामा यस्ता मानिसहरू पनि भेटिए जो जापानजस्तो सर्वसम्पन्न मुलुकमा वसेर सूचनावाट वन्चित । कतिपय नेपाली दाजुभाईहरू ईन्टरनेट सेवा प्रयोग त गर्छन तर केवल फेसवुक मात्र हेर्छन । रन्डी र रक्सी भन्दा अलि कडा भो कि ? सुरा र सुन्दरीमा एकै रातमा सयौं मान सिध्याउँछन् तर एक वर्षको ५ हजार तिरेर पत्रिका पढ्नु, सदस्य वन्नु भन्दा मान्दैनन् । त्यत्रो दिन अगाडिवाट चर्चाको विषय बनेको नेपाल फेस्टिवल उएनो पार्कमा हुँदैछ भन्ने कुरा समेत थाहा नपाएकाहरू । उनीहरू नेपाल फेस्टीवल हेर्न भनेर अगाडिका वर्षहरूमा हुँदै आएको योयोगी पार्क पुगेर फर्के ।
मेलामा नेपालीहरूले भरपुर मनोरञ्जन लिए । स्टल राखेका व्यावसायीहरुले पनि केही फाईदा गरे । कसैले मेलामै पञ्चेवाजाका साथ विहे गरे । कसैले नाचे, कसैले गाए, केही च्याङग्रेहरूले हेन्डसम पनि वन्ने मौका पाए । यही मौकाले कसैको नाक लौका जत्रो पनि भए । जापानको पूर्व प्रधानमन्त्री हातोयामाले पनि वाहवाह पाए । तर जे भए पनि उनले नेपालको वारेमा सही कुरा वोले । हामी नेपालीले जति नै चिच्याए पनि यी भोटेहरूले पत्याउने वाला थिएन उनले भनेपछि उपस्थित जापानीहरूले पनि एक धार्नीको मुन्टो हल्लाए । हुन पनि जापानको यति ठुलो व्यक्तित्वको मुखवाट नेपालको वारेमा सार्वजनिक ठाउँमा यसरी पोजेटिभ कुरा निस्केको यो पहिलो नै होला । कार्यक्रममा अघिल्लो अतिथिका लाईनमा वसेकाहरूले समेत सँगै फोटो खिच्न अनुरोध गरेर हातोयामालाई हैरान वनाए ।
मेलाले सवैलाई फाईदै पुर्याए । मेलाभित्र मात्र होईन वाहिर समेत मेलाले प्रभाव पारे । मेलास्थलवाट नजिकै रहेको फ्यामेली मार्टमा वियर सकिएर हाहाकार मच्चायो । भित्र किन्न महंगो पर्ने कन्बिनीमा गयो िभत्रभन्दा सस्तो वियर झोला भरीभरी वोकेर ल्यायो चौरमा वसेर रन्कायो क्या मज्जा ।
जे-जे भए पनि मेला भयो सवैको लागि मज्जैमज्जा । ल सबैलाई वधाई ।

सेप्टेम्बर 25, 2013 at 10:19 अपराह्न टिप्पणी छोड्नुहोस्

नेपाल फेस्टिवल पहिलो दिन सफल

महिलाहरूको सक्रियतामा आयोजित नेपाल फेस्टिवल-२०१३ को पहिलो दिन अहिले सम्मकै तुलनामा सफल भएको छ । उएनो पार्कमा भएको नेपाल फेस्टिवलमा जापानका पूर्व प्रधानमन्त्री हातोयामा युकिओको पनि सहभागिता रहेको थियो । उदघाटन समारोहमा बोल्दै जापानका पूर्व प्रधानमन्त्री डा. हातोयामा युकिओले नेपाल एक पटक पुग्नैपर्ने देश भएकोले जापानी जनताहरुलाई एक पटक नेपाल जान आग्रह गर्नुभएको छ । डा. हातोयामाले हालै मात्र नेपालको ५ दिने अनौपचारिक भ्रमण गरी फर्केको स्मरण गर्दै बिहान उठ्दाबित्तिकै अग्ला अग्ला लामबद्ध भएर ठिंग उभिएका हिमशृँखलाहरु देख्न पाईने, शान्तिका अग्रदूत गौतम बुद्ध जन्मेको पवित्र ठाउँ लुम्बिनी र प्राकृतिक सौन्दर्यताले भरिपूर्ण देश नेपाल आफुलाई साँच्चिकै मनमोहक लागेको बताउनुभयो । ’त्यसैले जापानी मित्रहरु एकफेरा नेपाल घुम्न जान म आग्रह गर्न चाहान्छु’ – डा. हातोयामाले भन्नुभयो – ’नेपाल भ्रमणबाट यहाँहरुले स्वर्णिम आनन्द लिन सक्नु हुने छ । जापानमा नेपाल फेष्टिबलको आयोजना गरेर आफ्नो देशलाई चिनाउने काम गर्नु हुने सबैमा बधाई तथा सफलताको शुभकामना दिन चाहान्छु ।’ सो अवसरमा डा. हातोयामाले छोटो नेपाल भ्रमणबाट आफ़ु अयन्तै प्रभावित भएको पनि बताउनुभयो ।

nepal-f

हातोयामासँग फोटो खिच्न चाहनेहरूको पनि भीड नै लागेको थियो । हातोयामासँग फोटो खिचेर फेसवुकमा अपलोड गर्नेहरूले राम्रै अवसर पाए भन्दा फरक नपर्ला । त्यसैगरी नेपाली परिकारहरूको स्टल राखेका रेष्टुरेन्टहरूले पनि राम्रै व्यापार गरेको देखिन्थ्यो । जतिबेला पनि रेष्टुरेन्टको अगाडि खानेकुरा किन्नेहरूको लाइनै देख्न पाइन्थ्यो ।

कार्यक्रममा नेपाली नृत्यहरू प्रस्तुत गरिएको थियो । सबैभन्दा नयाँ कुरा त फेस्टिवलमा नेपाली पञ्चेवाजाका साथमा विवाह गर्ने जोडी पनि देखिए । विदाको दिन परेकोले सोचेभन्दा बढी दर्शकहरू आएको कुरा मेलामा सहभागीहरूले अडकल काटे । फोहोर व्यवस्थापनदेखि अन्य कुराहरूमा समेत आयोजकहरूले सचेत भएकै मान्नुपर्छ । आयोजकको सही व्यवस्थापनले गर्दा पहिलो दिन कुनै अप्रिय घटनाहरू नभइकन मेला सफल भएको छ । अब आज दोस्रो दिन पनि सफल होस भन्ने कामना …।

सेप्टेम्बर 23, 2013 at 2:21 अपराह्न टिप्पणी छोड्नुहोस्

नेपाल फेस्टिवल-२०१३ भोलि र पर्सी

हरेक वर्ष आयोजना गरिंदै आएको नेपाल फेस्टिवल यो वर्ष भोलि सेप्टेम्वर २२ र पर्सी २३ तारिक गरी दुई दिवसिय नेपाल फेस्टिवल २०१३ टोकियोको उएनो पार्कमा हुँदैछ । तर विगतका वर्षहरूमा आयोजना गर्ने आयोजक नभई यो वर्ष छुट्टै समूहले आयोजना गरेको छ । विगतका वर्षहरूमा नेपाल फेस्टिवल गर्ने आयोजकले यो वर्ष आयोजना गर्ने छाँटकाँट नदेखाए पछि नेपाली महिलहरूको समूह अगाडि सरेको हो । धन्न धन्न तुहिन लागेको नेपाल फेस्टिवलको साख जोगाउन महिलाहरूको समूह अगाडि सरेको छ । अन्य कार्यक्रम गर्न तँछाडमछाड गर्ने जापानमा रहेका विभिन्न संघसंस्थाहरू नेपाल फेस्टिवल गर्न किन अगाडि सर्दैनन् त्यो कुरा भने गर्भमा नै छ । तर यो पटक महिला समूह अगाडि नसरेको भए नेपाल फेस्टिवल तुहिएर जाने पक्का थियो । समग्र नेपालीलाई सम्वोधन गर्ने नेपाल फेस्टिल वेवारिसे हुनुमा जापानमा रहेका हरेक नेपाली संघ संस्था उत्तिकै जिम्मेवार छन् । नेपालीको हरेक कार्यक्रममा नैतिक समर्थन गर्ने दूतावासले पनि नेपाल फेस्टिवल गर्न भने उदासिनता देखाउने कुरा अडकल काड्छन जानकारहरू । वास्तवमा भन्ने हो भने नेपाली दूतावासको अगुवाईमा नेपाल फेस्टिवल हुनु पर्छ । त्यसो त तीज लगायतका कार्यक्रम आयोजना गरेर महिलाहरू उफार्न तँछाड मछाड गर्ने संघसंस्थाहरू पनि यस विषयमा गम्भीर हुनैपर्छ । त्यतिमात्रै नभई तीज कार्यक्रममा कुरकुच्चामा ठेला पर्ने गरी नाच्ने महिलाहरूले महिलाहरूवाटै आयोजित यो कार्यक्रममा कत्तिको साथ दिन्छन त्यो भने हेर्न वाँकी नै छ । जे होस ठूलो चुनौतीको वावजुत पनि यत्रो ठूलो र एेतिहासिक कार्यक्रम आयोजना गर्ने महिलाहरूलाई सलाम छ । कार्यक्रम सफलताको शुभकामना ।

सेप्टेम्बर 21, 2013 at 10:28 अपराह्न टिप्पणी छोड्नुहोस्

रेफ्रीमाथि हातपात

नेपालीहरू मात्र ठोकठाक गर्नको लागि अगाडि हुन्छ भनेको त विदेशीहरू पनि माहिर हुने रहेछन् । केही समय अगाडि यसै ब्लगमा फुटवल हान्ने खेलाडिले मान्छे हाने पछि भन्ने एउटा छोटो ब्लग लेखेको थिएँ । सायद नेपालमा भएर होला विदेशीले पनि २/४ दिनमा नै सिकेछन् । मालदिप्सका खेलाडिहरूले पनि खेलमा हारेपछि रेफ्रीलाइ नै हातपात गर्न खोजेछन् । हेर्नुहोस् भिडियो ।

सेप्टेम्बर 10, 2013 at 12:24 अपराह्न टिप्पणी छोड्नुहोस्

नेपालद्वारा भारत पराजित

football[

साफ च्याम्पियनसिप अन्तर्गत दशरथ रंगशालामा भएको खेलमा भारतलाइ १ गोलका विरूद्द २ गोल गरी विजय हात पारेको छ । यो जित सँगसँगै नेपाल साफ च्याम्पियनसिप फुटबलको सेमिफाइनलमा प्रवेश गरेको छ । नेपालका अनिल गुरुङ ६९ औं र जुमानु राईले ८० औं मिनेटमा गोल गरेका हुन् । सन्दीप राईको फ्रिकिकमा विक्रम लामाले पोष्टमा प्रहार गरेको बल रिबाउण्ड भएर फर्केपछि अनिल गुरुङले वान टचमा गोल गरेका हुन् । भारतका रोविन सिंहले खेलको इन्जुरी समयमा गोल गरे ।

सेप्टेम्बर 5, 2013 at 10:30 अपराह्न टिप्पणी छोड्नुहोस्

नेपाल र पाकिस्तान १/१ गोल गरी बराबरी

imageभर्खरै भएको नेपाल र पाकिस्तानबीचको फुटवल खेलमा दुवै देशले एक एक गोल गरी वरावरीमा खेल सकिएको थियो । खेल शुरू भएको ११ मिनेटमा नै पाकिस्तानको तर्फबाट हासनले गोल गरेका थिए । त्यसपछि खेलको अन्तिम चरणमा आइपुग्दा नेपाली खेलाडी विमल घर्तीमगरले नेपालको तर्फबाट १ गोल गरी खेल बराबरीमा सकिएको हो । खेल शुरू भएको ११ मिनेटमा नै पाकिस्तानले गोल लगाएपछि गोल गर्न हतारिएको नेपाललाइ गोल गर्न हम्मेहम्मे परेको थियो । खेल सकिन भन्दा करीव ३ मिनेट अगाडि गोल गरेपछि दर्शकहरूमात्र नभइ ड्यूटीमा खटिएको प्रहरीसमेत खुशीले उफ्रिएका थिए । घरेलु मैदान भएपनि नेपालले निकै अनुशासित भएर खेलेको देखिन्थ्यो ।

सेप्टेम्बर 4, 2013 at 1:08 बिहान टिप्पणी छोड्नुहोस्

एनआरएनको अध्यक्षमा पारसमणि पोखरेल

टोकियो एनआरएन जापानको आज भएको मत गणना अनुसार अध्यक्ष पदका लागि पारसमणि पोरखेल ३३४ मत पाएर विजयी भएका छन् । यसैगरी जापानबाट आइसीसीका सदस्यका लागि अोम गुरूङ ३३९ मत र भूषण घिमिरे २७५ ल्याएर विजयी भएका छन् ।त्यसैगरी उपाध्यक्षमा सुदन थापा, तुलसीराम खरेल र नरवहादुर थापा विजयी भएका छन् । उपाध्यक्षका उम्मेदवारहरूले क्रमशः २५४, १९८ र १६४ मत ल्याएर उपाध्यक्ष पदको लागि विजयी घोषित भएका हुन् ।
महासचिव पदमा मुक्तिराम खनाल २६८ मत ल्याएर विजयी भएका छन् । सचिवमा उदयराज कंडेलले २८६ मत ल्याएर चुनिनुभएको छ । यसैगरी तेज अर्याले २३४ मत ल्याएर कोषाध्यक्षमा चुनिनुभएको छ ।
सदस्यहरूमा दिपक बाबु नेपालले २५३ मत, दिपक थापाले २२० मत, अर्जुन अधिकारीले १७६ मत,दिपक के.सीले १६२ मत र शिबलाल गिरीले १५५ मत ल्याएर सदस्यमा चुनिनुभएको छ ।
एनआरएन जापानले नमूनाको रूपमा पोष्टल भोटिङ गरी धाँधलीरहित र निष्पक्ष चुनाव गरेको घोषणा गरेको छ । विजयीहरूलाइ केही दिनभित्र नै कार्यक्रम गरी पदभार सुम्पने कुरा पनि चुनावी घोषणा कार्यक्रममा निर्वाचन कमिटीले जनाएको छ ।

सेप्टेम्बर 1, 2013 at 11:08 अपराह्न टिप्पणी छोड्नुहोस्

जापानमा नेपाली माथि अज्ञात व्यक्तिले सांघातिक आक्रमण

नेपालीहरू जहाँ गए पनि लड्न र भीडन नम्वर एकमा आउँछन् । इतिहास देखि नै हामी लड्न सुरो भनेर विश्वमा चिनिंदै आएका पनि छौ । त्यसैले त भनेका छन् एकजना विदेशीले “मर्न डर लाग्दैन भनेर कसैले भन्छ भने त्यो कि त पागल हो कि त गोर्खाली” । हामी हिंग नभए पनि हिंग हालेको टालो हौं । लडाइ झगडा र हामी गोर्खाली एक अर्काको परिपुरक हौं ।
यतिखेर जापानमा पनि नेपालीहरूको उल्लेख्य वृद्दी भइरहेको छ । टोकियोको सिन्जुकु वार्ड यतिखेर नेपालीहरूको उल्लेख्य वसोवास भएको ठाउँ मध्ये एक हो । केही समय अगाडिको आँकडाले देखाए अनुसार टोकियोको सिन्जुकु वार्डमा मात्रै हजार, पन्ध्र सय नेपालीहरू वस्छन् । कोरिया टाउन भनेर सिनओकुवो-ओकुवो क्षेत्रलाइ भनेर भनिए पनि अहिले नेपालीहरू पनि कम छैनन् । यस्तै हिसावले बढ्ने हो भने भोलि नेपाली टाउन हुनसक्छ यतै कतै । हुन पनि सिनओकुवो क्षेत्रमा हिंड्दा खेरी नचिनेको नेपालीहरू नभेटिएको नठोकिएको दिनै हुँदैन । जता हेर्यो उतै नेपाली । कहिले कांही त मलाइ म जापानमा होइन नेपालमा नै छु कि जस्तो भान हुन्छ । (धेरै…)

अगस्ट 26, 2013 at 5:41 अपराह्न टिप्पणी छोड्नुहोस्

सरकारी छाप दस्तखत कीर्ते

विराटनगर- पूर्व क्षेत्रीय प्रहरी तालिम केन्द्र रानी विराटनगरमा प्रहरी जवान पदमा आवेदन फारम भर्न आएका जिल्ला उदयपुर रामपुर ठोक्सिला गाविस-२ निवासी २२ वर्षीय खगेन्द्र बस्नेतको नक्कली र्सर्टिफिकेट रहेका कारण आज पक्राउ परेका छन् ।
आवेदकले आवेदन फारमसहित पेस गरेको पब्लिक हर्दिया सेकेन्डरी स्कुल धरान-१२ बाट प्रवेशिका परीक्षा उत्तीर्ण गरेको मार्कसिट तथा प्रमाणपत्र शङ्का लागि जाँच गर्दा निजले पेस गरेको मार्कसिट र प्रमाणपत्र नक्कली भएको भन्ने खुल्न आएकाले निजलाई पक्राउ गरिएको हो ।
निजलाई जिल्ला प्रहरी कार्यालय मोरङमा सरकारी छाप दस्तखत कीर्ते मुद्दामा दर्ता गरी आवश्यक अनुसन्धान कार्य भइरहेको छ ।
यसैगरी, मोरङ शनिचरे- ८ नयाँ सोमबारी बस्ने वर्ष ३२ को भीमबहादुर जोगी आफ्नो घरकोठामा प्लास्टिक डोरीको पासो लगाई झुन्डी आत्महत्या गरेको जिल्ला प्रहरी कार्यालय मोरङले जनाएको छ । रासस

अगस्ट 14, 2013 at 8:30 अपराह्न टिप्पणी छोड्नुहोस्

चरी दादा माथि गोली प्रहार

chari donप्रख्यात डनहरू मध्यको एक दिनेश अधिकारी उर्फ ‘चरी’डन माथि अर्को समुहका डनहरूले गोली चलाएका छन् । उनी एमाले निकट युवा संघ नेपाल धादिङ क्षेत्र नम्बर- १ का उपाध्यक्ष हुन ।
प्रेस चौतारी धादिङले धादिङबेसीमा आयोजना गरेको पत्रकार सम्मान कार्यक्रममा भाग लिएर राजधानी फर्कनेक्रममा बा १० च ५९९३ नम्बरको निजी कारमा सवार उनीमाथि गोली प्रहार भएको हो । उनी आफैंले कार चलाएका थिए । उनको दाहिने पाखुरामा गोली लागेको छ । अधिकारीको त्रिवि शिक्षण अस्पताल महाराजगञ्जमा उपचार भइरहेको छ । अस्पतालमा भर्ना गरिएको चरी डन अहिले यतिखेर बल्ल बोल्न सक्ने अवस्थामा फर्किएका छन् । रातभर उनी वेहोस भएका थिए । (धेरै…)

जुलाई 6, 2013 at 1:22 अपराह्न टिप्पणी छोड्नुहोस्

कुटपिट गरेको ठहरेमा १० हजार जरिवाना र ४ वर्ष जेल मात्र…

imageशिक्षा दिने गुरूलाई भगवान सरह मानिन्छ । संसार देखाउनको लागि शिक्षाको माध्यमवाट भित्री आँखा खुलाईदिने पनि गुरू नै हुन् । गुरूको योगदानलाई कदर गर्नको लागि एकलव्यले आफ्नो दाहिने हातको बुढी औंला नै काटेर गुरू दक्षिणा चढाएको कथा हामी सबैले पढेकै छौं । आजभोलि पनि गुरूलाई मान सम्मान गर्नको लागि गुरू पूर्णिमा मनाउँछौं नै । त्यसो त गुरूले चेलाहरू माथि अन्याय अत्यचार गर्ने परिपाटी उहिल्यैदेखि थियो भन्ने कुराको अडकल एकलव्यको कथा पढेर थाहा लाग्छ । आफूले मन पराएको चेलालाई माथि पुर्याउन गुरूले एकलब्यको दाहिने औंला गुरूदक्षिणा मागेको भनिन्छ । (धेरै…)

जुलाई 6, 2013 at 1:51 बिहान टिप्पणी छोड्नुहोस्

के भन्नुभयो त राष्ट्रपतिले जापानमा ?

विरामी भएर अघिल्लो महिना जापान आउनु भएका राष्ट्रपतिले टोकियोमा भएका नेपालीहरूसँग के भन्नुभयो त ? हेर्नुहोस भिडियो ।

समय अभावको कारणले भिडियो अपलोड गर्न ढिलो भएकोले क्षमा प्रार्थी छु ।

जुलाई 5, 2013 at 10:18 अपराह्न टिप्पणी छोड्नुहोस्

एकै रातमा करीव रू. १२ लाख रन्डीवाजीमा

टोकियो – नाईट लाईफको लागि प्रसिद्ध मानिने टोकियोको रोपोङ्गीमा हालै एकजना नेपाली एकैरातमा करिव १२० मान येन (नेरु करिव १२ लाख) लुटिन पुगेका छन् ।

कामधन्दाबाट बेलैमा निस्केर फ़्रेश हुन रोपोङ्गी झरेका दुई नेपालीमध्यका एक एकैरातमा नगद र क्रेडिट कार्डको प्रयोग गरी करिव १२० मान लुटिएका हुन् । उनलाई रोपोङ्गीको एक डिस्कोमा भेटिएका बिदेशी युवतीहरुले मादक पदार्थ सेवन गरेर करिव बेहोस भएको अवस्थाको मौका छोपी क्रेडिट कार्डबाट सय मान भन्दा बढिको किनमेल गराएका थिए भने साथमा भएको नगद करिव १२ मान पनि लगेको बुझिएको छ । (धेरै…)

जुलाई 5, 2013 at 9:29 अपराह्न टिप्पणी छोड्नुहोस्

पैसा छपाइमा लापरवाही

khoti-money
नेपालमा सबै कुरामा लापरवाही त छ नै । तर पैसा जस्तो कुरामा पनि नेपाल राष्ट्र बैकले गरेको लापरवाही नै यही नमूना हो । नेपाली पैसामा लेख्ने, कोतर्ने, आफ्नो ठेगाना लेख्ने त्यति मात्रै नभएर लभ लेटर नै लेख्ने चलन पनि छ । नेपालको पैसा त यति फोहोर हुन्छ कि भनि साध्यै छैन । ल हेर्नुस् यो पैसा कस्तो हुनु पर्नेमा कस्तो छापिएको छ ।

जुलाई 3, 2013 at 1:18 अपराह्न टिप्पणी छोड्नुहोस्

हिजो पन्ध्र असार

असारै मासको दवदवे हिलो, छुनलाई घिन लाग्यो ।
नक्कली मायाँलाई फरिया किन्दा, तीन वीसा रिन लाग्यो ।।
हिजो पन्ध्र असार भएमा दही च्यूरा खाने दिन अरे । अनि जानेमा असारे गीतहरू पनि गाउने दिन । फेसवुकेहरूले फेसवुकको भित्ताभरी पन्ध्र असारको शुभकामना र फोटोले रंग्याए । नेपालमा अहिले यतिखेर जे गर्न पनि महोत्सवको रूपमा गर्ने फेसन चलेको छ । आलु खन्न पनि महोत्सव, मह कड्न पनि महोत्सव । अहिले यतिखेर पन्ध्र असार मनाउन पनि ठाउँ ठाउँमा विभिन्न राजनीतिक पार्टीहरूले महोत्सवकै रूपमा कार्यक्रम आयोजना गरेका छन् । नेपाली युवाजगत विदेश पलायनले गर्दा कार्यक्रममा वढीजसो विदेशीहरू सहभागी भए । खुव राजनीति गर्ने निहु नपाएको चुनावी प्रचारप्रसारमा पन्ध्र असारलाई उपयोग गरे केही पार्टी र संगठनहरूले ।

कैसकसैको फेसबुकमा यस्तो पनि देखियो ।
—————————-
खेत चिरेर घडेरी बनायौ के असार पन्ध मान्छौ साथी
गाई भैंसी बेचेर भट्टी चलायौ, के दही चिउरा खन्छौ साथी
चामल चिउरा, माछा मासु, दुध दही सबथोक विदेशी कै भरमा
दुई-चार हल गोरु नारी विदेशी खैरे जम्मा गर्दै के रोपै महोत्सव मनाउछौ साथी ।।

यो भने रमाईलो लाग्यो ।।।

जुन 30, 2013 at 11:27 बिहान टिप्पणी छोड्नुहोस्

राष्ट्रपतिको स्वास्थ्य अवस्था सामान्य रे…

राष्ट्रपति डा. रामवरण यादवको स्वास्थ्य स्थिति टोकियो अस्पतालले सार्वजनिक गरेको जानकारी नेपाली दूतावासले दिएको छ । राष्ट्रपतिको स्वास्थ्य अवस्था सामान्य रहेको रिपोर्टले देखाएको छ । राष्ट्रपतिको स्वास्थ्य अवस्थामा विभिन्न किसिमका शंका आशंका गर्नेहरु थिए । कोहीले राष्ट्रपतिलाई क्यान्सर नै भएको पनि शंका गरेका थिए । नेपालको अस्पतालले पत्ता लगाउन नसकेको भन्ने कुरा छापाहरुमा बाहिर आएपछि क्यान्सर नै भएको वा क्यान्सर नभए पनि ठूलै केही विरामी भएको कुरा जापानवासी नेपालीहरुले पनि शंका गरेका थिए । तर त्यसको विपरित स्वास्थ्य रिपोर्टले स्वास्थ्य अवस्था सामान्य र उहाँले साविक वमोजिमको खानपान लिईरहनुभएको पनि विज्ञप्तिमा जनाएको छ । उहाँको स्वास्थ्यस्थिति साधारण भएको कुरा पनि जनाएको छ । साँच्चै उहाँको अवस्था सामान्य हो वा ??? केही ??? सामान्य हो भने त अव छिटै डिस्चार्ज भएर नेपाल फर्कने मेसोमेलो मिलाउँदै हुनुहुन्छ कि के छ त ? राष्ट्रपतिको स्वास्थ्यलाइ लिएर केही सामाजिक सञ्जालहरूमा ६० लाखको हिसावकिताव माग्नेहरू पनि छन् । यो रिपोर्टमा केही नभएको भने पनि अब के माग गर्दछन् त उनीहरूले ?

जुन 24, 2013 at 7:08 अपराह्न टिप्पणी छोड्नुहोस्

राष्ट्रपतिको स्वास्थ्य नतिजा सोमवार आउने

जापानको टोकियो विश्वविध्यालय शिक्षण अस्पतालमा स्वास्थ्य परीक्षण गराईरहनु भएका राष्ट्रपति डा़़. रामवरण यादवको परीक्षणको नतिजा २४ तारीक सोमवारसम्ममा आउने जानकारी गराईएको छ । टोकियो नेपाली दूतावासले जारी गरेको विज्ञप्तिमा उक्त कुरा जनाईएको हो ।
image

जुन 22, 2013 at 11:45 अपराह्न टिप्पणी छोड्नुहोस्

वीरेन्द्रको चिठी र फोटो लिलामीमा

birendra-ko-photoपूर्व राजा स्व. वीरेन्द्रको फोटो र चिठी विदेशी एक कम्पनीले लिलामीमा राखेको छ । ४.९९ पाउन्डबाट शुरू भएको उक्त चिठी र फोटोको मूल्य अहिले ४ सय पाउन्ड नाघिसकेको छ । अब लिलामीको समय सकिन १ दिन केही घन्टा मात्र बाँकी छ । तपाइ पनि लिलामी बढाबढ गर्ने भए यहाँ जानुहोस् ।

birendra

जुन 22, 2013 at 2:15 अपराह्न टिप्पणी छोड्नुहोस्

शान्तिको लागि दीप

शान्तिका-लागि-दीपनेपाल घुम्न गएको बेलामा स्वयम्भूमा बत्ति बनाएर बेच्ने मान्छेहरू निकै नै भेटिए । उनीहरूले हामीलाइ बत्ति किनेर बाल्नुस् मनले ताकेको पुग्छ भनेर सम्झाउँदै थिए । हामीहरूलाइ उसले कर गर्दैथिए । मैले भनिदिएँ – बत्ति बाल्ने नबाल्ने मेरो इच्छा हो तपाइले कर गर्नु पर्दैन । बत्ति बालेर नै भगवान खुशी हुने भए पशुपतिमा दैनिक लाख बत्ति बल्दछ त्यसैगरी स्वयम्भू लगायत नेपालका थुप्रै मन्दिरहरूमा दैनिक कति बत्ति वाल्छन त्यसको कुनै लेखाजोखा नै छैन । खै त सबैको मनले ताकेको पुगेको ? खोइ त सबै नेपालीहरू खुशी हुन सकेको ? अनि खै त मान्छेहरूको नियत फेरिएको ?  बरू यहाँ वत्ति किनेर बाल्नुभन्दा त्यहाँ अगाडि माग्न बस्नेलाइ ५ रूपैयाँ दिएँभने मेरो मनको भगवान खुशी हुन्छन होला । तपाइलाइ कस्तो लाग्छ  ? कमेन्ट लेख्नुहोला ।

जुन 22, 2013 at 12:14 अपराह्न टिप्पणी छोड्नुहोस्

कुस्ती अभ्यास (भिडियो सहित)

हरेक कुरामा हामी नेपालीहरु पछि परेका छौं सबैले यसै भन्छन् । तर सोह्रै आना सत्य भने होइन यो कुरा । हामी नेपाली दाजुभाईहरुले पनि विभिन्न ठाउँहरुमा गएर प्रगति गर्नुभएको छ । उन्नति गर्नुभएको छ । कहिलेकाहीं नेपालीहरुले गरेको प्रगतिको समाचारहरु पढन पाउँदा गर्वले फुलेर यो छाती ढक्क बनाउँछ । यी त भए राम्रा पक्ष । तर नराम्रा पक्षहरु पनि छन् । चाहे देश होस या त विदेश । नेपालीहरु सँधै अगाडि पर्ने कुरा हो लड्ने भिड्ने । लड्न र भिड्न भनेपछि नेपालीहरु जता गए पनि अगाडि नै आउँछन् । जापानको सवालमा कुरा गर्नु पर्दा पनि धेरै जसो कार्यक्रमहरु आयोजना गर्दा अन्त्य अन्त्य तिर आएर जवान, वलवाल युवाहरु नलडेको कमै हुन्छ । मलाई लाग्छ, यो कुरामा नेपालीहरुको रगतको मात्रै दोष होइन । हाम्रो संस्कार अनि नेपाल सरकारको लुलो कानूनको ठूलो दोष छ । ल हेरौ त यो काठमाण्डौमा दिउँसो मण्डलै केटाहरुको कुस्ताकुस्ती । प्रहरी ३ जना के गर्ने ? अरू त सबै राजनीतिक नेताहरूको भाषण सुन्न गएका छन् रे । प्रहरीको वर्दी लगाएर हातमा लाठी लिएर पनि २, ३ जनालाई तह लगाउन सक्दैनन् । पिटाई खानेहरु पिटाई खाइरहेका छन् । पिट्नेहरू पिटीरहेका छन् । त्यही पनि पुलिस ठाना हो कि खाना हो को अगाडि नै । यसरी अभ्यास गर्न पाइन्छ नेपालमा र पो जापान, अमेरिका, वेलायत, मलेसिया जता गए पनि लड्नुपर्ने हुन्छ त नेपालीहरुलाई । त्यसैमाथि नेपालमा चुनाव नजिकिंदै छ, त्यसको लागि अभ्यास गरेका हुन् कि ? चुनावको तयारी त राम्रै हुन लागेको जस्तो छ । आउनुहोस् तपाइ पनि सहभागी हुन नपाए पनि यो कुस्तीको अभ्यास हेर्नुहोस् अनि ज्यान तताउनुहोस ।

जुन 15, 2013 at 6:55 अपराह्न टिप्पणी छोड्नुहोस्

नेकपा–माओवादीले फेरि जग्गा कब्जा गर्न थाले

नेपालगञ्ज-नेकपा–माओवादीले बाँकेको फत्तेपुर गाउँ विकास समिति वडा नम्बर ७ मा चार जनाको २९ बिगाहा भन्दा बढी जग्गा कब्जा गरेका छन् । नेकपा–माओवादी सम्बद्ध अखिल नेपाल किसान संघ क्रान्तिकारीले झण्डा गाडेर फिल्मी शैलीमा जग्गा कब्जाको घोषण गरेका हुन् । उनीहरुले फत्तेपुर–७ का पुनम शर्मा र ज्ञानी विष्टको संयुक्त नाममा रहेको १६ बिगाहा ८ कठ्ठा १० धुर र उर्मीलादेवी बर्मा र जुद्धकुमारी अधिकारीको नाममा रहेको १३ बिगाहा जग्गा कब्जा गरेका हुन् । जनआन्दोलनको समयका ऐलानी जग्गा व्यक्तिको नाममा दर्ता गरिएकोले जग्गा कब्जा गरेको नेकपा–माओवादीका केन्द्रीय सदस्य आईपी खरेलले जानकारी दिए । खरेलसहित दर्जन भन्दा बढी नेताहरु गएर जग्गा कब्जा गरेको घोषण गरेका थिए । विगतमा संयुक्त आन्दोलन गर्दा माओवादीले थुप्रै जग्गाहरू कब्जा गरेका थिए । अहिले माओवादी विभाजन भएर दुइ टुक्रा भएको छ भने पुरानै नीतिलाइ पछ्याउँदै वैद्य समुहले जग्गाहरू कब्जा गर्न थालेको हो । त्यसो त द्वन्दकालमा कब्जा गरिएको जग्गाहरू अझै फिर्ता भैसकेको छ, छैन भनेर कुनै निकायसँग सही तथ्यांक छैन । लामो द्वान्दको प्रसव पीडाबाट देशले निकासा पाइ अब संविधान सभा निर्वाचनको तिथिमिति समेत घोषणा भएको अवस्थामा एक समूह कुनै हालतमा चुनाव हुन नदिने जिकिर गर्दै पुरानै शैलीमा जग्गा कब्जा गर्ने, जनतामा त्रास फैलाउने गर्न थालेपछि देशको अवस्था अव कतातिर मोडिन्छ भनेर सजिलै भन्न नसकिने अवस्था रहेको छ ।

जुन 15, 2013 at 3:51 अपराह्न टिप्पणी छोड्नुहोस्

यौनहिंसाको आरोपमा १ लाख तिराईयो

imageटोकियो-यौनहिंसाको मामिलामा अत्यन्त कठोर कानून रहेको जापानमा पछिल्ला दिनहरुमा नेपालीहरु पनि अनाहकमा यसको शिकार बन्न पुगेका घटनाहरु बढ्न थालेका छन् । विशेषगरी रेलको यात्रा गर्ने क्रममा यसप्रकारका घटनाहरु हुने गर्दछ । हालैका दिनहरूमा यस्ता घटनाहरूबाट नेपालीहरु पनि पीडित बन्न पुगेका छन् ।
केही दिन अगाडि मात्र इण्डियन रेष्टुरेन्टमा काम गर्ने कँडेल थरका एक नेपाली युवक ओता वार्डमा एक जापानी महिलालाई जवरजस्ती गर्न खोजेको आरोपमा पक्राउ परी अहिले उनी मुद्दा खेपिरहेका छन् । उक्त घटनाको जापानका मिडियाहरुले सचित्र प्रसारण गरेका थिए । यस प्रकारका घटनामा नेपालीहरुको संलग्नता हुनुले सारा नेपालीको प्रष्ठिामा आँच आएको यहाँका वुद्धिजीवीहरु बताउँछन् ।
यस्तै प्रकृतिको अर्को घटना फेरि अघिल्लो घटनाको लगत्तै यामानोते लाईनको ओसाकी स्टेशनमा पनि घट्न पुगेको छ । ट्रेन छुट्ने चिन्ताले हतारमा रहेका एक युवक ओसाकी स्टेशनमा दगुर्दा अन्जानवश उनका अगाडि हिडिरहेका जापानी युवा जोडी मध्यका युवतीलाई धक्का लाग्न पुगेको थियो । ती महिलाले आफूलाई खराब नियतले समाउन आएकोले सरासर यौनहिंसा भएको आरोप लगाउँदै नजिकैको प्रहरीमा उजुरी गरेकी थिईन् । सँगै रहेका ती युवतीको केटा साथीले पनि जानीजानी यौनहिंसा भएको भन्दै कानून बमोजिम सजाँय र हर्जानाको दावी गरेका थिए । प्रहरीको फन्दामा परेका आरोपित ती नेपाली युवकलाई ३० मान जरिवाना तिरे छाडिदिने नत्र नछाडिने बताएपछि आफू अन्यायमा परेको भन्दै ती युवकले नेपाली समुदायका एक अगुवासँग सहयोगको याचना गरेका थिए । (धेरै…)

जुन 14, 2013 at 12:36 बिहान टिप्पणी छोड्नुहोस्

जोमसोम विमानमा दुर्घटना, आठ जापानी यात्रु पनि

काठमाडौँ-जोमसोम विमानस्थलमा अवतरण गर्नेक्रममा धावनमार्गबाट चिप्लिएर कालीगण्डकी नदीमा आज बिहान खसेको नेपाल वायुसेवा निगमको ट्वीनअटरमा आठ जापानी नागरिकसहित २२ जना यात्रु रहेको नेपाल नागरिक उड्डयन प्राधिकरणले जनाएको छ ।
प्राधिकरणका निमित्त महाप्रबन्धक ऋषिकेश शर्माका अनुसार दुर्घटना बिहान ८ बजेर ३३ मिनेट जाँदा भएको थियो । विमानमा १० नेपाली, एक नाबालक तथा ३ चालक दल सदस्य थिए । चालक दलका एक सदस्यसहित सात जना घाइते भएका र उनीहरुलाई उपचारार्थ पोखरा ल्याइँदै गरेको प्राधिकरणद्वारा जारी विज्ञप्तिमा भनिएको छ ।
चार्टर उडानमा रहेको उक्त विमान पोखराबाट जोमसोमका लागि उडेको थियो ।

मे 16, 2013 at 5:31 अपराह्न टिप्पणी छोड्नुहोस्

जापानमा नेपाली विद्यार्थीहरूको लागि रोजगार सम्बन्धी सेमिनार

टोकियो-जापानमा अध्ययनरत नेपाली विद्यार्थीहरुको समस्यालाई मध्यनजर गरी स्टुडियो म्याजिक वर्क्स कम्पनीले यही अप्रिलको २७ तारिक शनिवारका दिन रोजगार सम्बन्धी सेमिनार गर्ने भएको छ । सम्बन्धित विषयको विशेषज्ञ मार्फत जापानी भाषामा सन्चालन गरिने उक्त सेमिनारबाट जापानमा कलेज तथा प्राविधिक स्कुल (सेन्मोन गाक्को) अध्ययन पश्चात रोजगारीमा कसरी लाग्ने भन्ने विषयहरुको ज्ञान सहभागीहरुले लिन सक्नेछन् । त्यसो त अहिले कलेज तथा स्कुलको पढाई सकेर जब हन्टिङ भिसा लिएर बसेकाहरुले पनि यस सेमिनारबाट फाइदा लिन सक्नेछन । उक्त दिन नेपाली तथा अन्य विदेशी विद्यार्थीहरुलाई रोजगार दिन इच्छुक कम्पनीहरुको ’boutमा पनि जानकारी दिईनेछ । सेमिनार पश्चात व्यक्तिगत रुपमा सल्लाह तथा सुझाव लिन इच्छुकहरुको लागि छुट्टै समयको व्यवस्था पनि गरिएको छ । त्यसो त व्यक्तिगत सल्लाह र सुझाव लिन चाहनेहरुको संख्या बढी भएमा अन्य दिनमा पनि कम्पनीको कार्यालयमा आई सल्लाह सुझाव लिन सकिनेछ । (धेरै…)

अप्रील 12, 2013 at 7:56 अपराह्न टिप्पणी छोड्नुहोस्


iPhone on Sale

Calendar

डिसेम्बर 2022
सो मं बु बि शु
 1234
567891011
12131415161718
19202122232425
262728293031