म्याग्देली सञ्जालको पञ्चेवाजा दशैं धमाका हुँदै

टोकियो-म्याग्देली सञ्जाल जापानले यही सेप्टेम्वर २८ तारिक शनिवार “पञ्चेवाजा दशैं शुभकामना” कार्यक्रम गर्ने भएको छ ।
घोतान्दाको मायाँ रेष्टुरेन्टमा वेलुकी ७ वजेवाट शुरू हुने उक्त कार्यक्रम भोलिपल्ट विहानसम्म नै गरिने कुरा सञ्जालका सचिव खेम मल्लले वताए । पन्चेवाजाको तालमा नाचगान गर्न तथा पञ्चेवाजाकै तालमा दोहोरी खेल्न ईच्छुकहरूलाई सञ्जालले हार्दिक निमन्त्रणा गरेको छ । सो कार्यक्रममा सहभागी हुन एक हजार येन प्रवेश शुल्क तिर्नुपर्ने सञ्जालले जनाएको छ ।
स्मरण रहोस हालैका दिनहरूमा सञ्जालको पञ्चेवाजा जापानमा भएका विभिन्न कार्यक्रमहरूमा सवैको रोजाई वन्दै गईरहेको छ । त्यसो त हिजो मात्रै सम्पन्न नेपाल फेस्टिवलमा पनि सोही समूहले पन्चेवाजा घन्काएर एक जापानी जोडीको विवाह गराएको थियो ।***