कविता

हामी भनेको वीरका सन्तान
लड्नै जन्मेको
लडेरै मरौंला
शरीरमा एक थोपा रगत छउन्जेल
लडी नै रहौंला

जिजुले लडेरे
ईतिहासमा पढें
वाजेले लडेको
बा ले सुनाए
वा ले पनि लडेका रे
आमाले भनिन
त्यसैले त म पनि लड्न चाहन्छु
किनकी
म योद्धाको सन्तान

हामी गर्व गर्छौ लडनेमा
लड्ने भन्दा पनि लडाउनेमा
मर्ने भन्दा मार्नेमा
तर थाहा छैन
म किन लडन चाहन्छु
तर
मैले लडनै पर्छ
किनकी मैले
पूर्खाको विंड थाम्नु छ