जापानी प्रधानमन्त्री आबे गाडी दुर्घटनामा

टोकियो-जापानी प्रधानमन्त्री सिन्जो आबे चढ्नुभएको सुविधासम्पन्न गाडी (लिमोजिन) शनिवार टोकियोमा पाँच गाडीसँगको दुर्घटनामा परेपनि उहाँलाई कुनै पनि चोट नलागेको जानकारी प्रहरीले दिएको छ ।
प्रधानमन्त्री आबेको गाडीलाई सुरक्षा दिएको अर्को गाडीका दुइ सुरक्षाकर्मीको अनुहारमा केही चोट लागेको महानगरपालिका प्रहरी विभागका प्रवक्ताले बताए ।
प्रहरीको गाडी अकस्मात रोकिँदा प्रधानमन्त्री आबेको गाडीले त्यसलाई ठक्कर दिएको थियो ।
प्रहरीका अन्य दुइ गाडी तथा पत्रकारहरू रहेको अर्को गाडी प्रधानमन्त्रीको गाडीसँग ठक्कर खाएको अधिकारीहरूले बताएका छन् । रासस/एएफपी